Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 15;1-35

15  Ndien Eliphaz owo Teman ọbọrọ onyụn̄ ọdọhọ ete:   “Nte owo ọniọn̄ edida ikpîkpu ifiọk ọbọrọ,+ Mîdịghe nte enye edida ofụm edem usiahautịn+ ọyọhọ idịbi esie?   Ikpîkpu edida ikọ nnọ nsuannọ inyeneke ufọn, Udori inyụn̄ idụhe ke ikpîkpu ikọ eke ẹtịn̄de.   Edi, afo amanam mbak Abasi okûnyene odudu, Afo omonyụn̄ anam owo okûnen̄ede ekere n̄kpọ Abasi.   Koro idiọkn̄kpọ fo ọnọde inua fo ukpep, Afo omonyụn̄ emek edeme mbon mbufiọk.   Inua fo obiom fi ikpe nte idiọkowo, idịghe ami; N̄kpọkinua fo onyụn̄ ọbọrọ idiọk aban̄a fi.+   Nte afo edi akpa owo emi akamanade,+ Mîdịghe nte ẹkebem iso ẹman fi nte ke ubiak uman mbemiso obot?+   Nte afo omokop odu Abasi,+ Nte onyụn̄ ekere ke imọ ikpọn̄ inyene ọniọn̄?   Nso ke afo ọfiọk eke nnyịn mîfiọkke?+ Nso ifiọk ke afo enyene eke nnyịn n̄ko mînyeneke? 10  Mbon iwat ye n̄kani owo ẹdu ye nnyịn,+ Kpa mmọ emi ẹdade ediwak usen ẹsọn̄ọ ete fo. 11  Nte ndọn̄esịt Abasi ikemke fi, M̀mê ikọ eke ẹtịn̄de sụn̄sụn̄ ye afo? 12  Ntak emi esịt fo emende fi oyo, Ntak emi enyịn fo onyụn̄ ekepde? 13  Koro spirit fo ọwọn̄ọrede an̄wana ye Abasi, Afo omonyụn̄ anam ikọ ọwọrọ fi ke inua. 14  Owo edi nso eke enye akpasanade,+ Owo eke n̄wan amande onyụn̄ edi nso eke enye ekpenende? 15  Sese! Enye inyeneke mbuọtidem+ ke idem ndisana ikọt esie, Mme heaven inyụn̄ isanake enye ke enyịn.+ 16  N̄wan̄wadise ke ini owo edehede onyụn̄ abiarade,+ Owo emi ọn̄wọn̄de ukwan̄ido nte mmọn̄! 17  Mmọn̄ ntịn̄ nnọ fi. Kpan̄ utọn̄ nọ mi!+ Mmakam n̄kụt n̄kpọ emi, ntre yak mbụk enye, 18  N̄kpọ oro mbon ọniọn̄+ ẹtịn̄de Emi mmọ mîkonyụn̄ idịpke, oto mme ete mmọ. 19  Mmọ ikpọn̄ ke ẹkenọ isọn̄ oro, Esenowo ndomokiet ikonyụn̄ isan̄ake ke esịt mmọ ibe. 20  Idiọkowo okụt ndutụhọ ke kpukpru usen esie, Idem ke ibat isua emi ẹnịmde ẹnọ owo ufịk. 21  Uyom n̄kpọndịk odu enye ke utọn̄; Ini emem ke andibụme esịm enye.+ 22  Enye inịmke ke imọ iyoto ekịm ifiak iwọrọ idi,+ Ke ẹnyụn̄ ẹnịm imọ ẹnọ akan̄kan̄. 23  Enye otụn asan̄a oyom udia—udia odu m̀mọ̀n̄?+ Enye etịm ọfiọk ete ke usen ekịm+ emekpere. 24  Nnanenyịn ye editịmede esịt ẹsịn enye edịghe;+ Mmọ ẹkan enye ubọk nte edidem eke eben̄ede idem ọnọ en̄wan. 25  Koro enye anyanarede ubọk esie an̄wana ye Abasi, Onyụn̄ odomode ndiwụt ke imọ imokop odudu ikan Ata Ọkpọsọn̄;+ 26  Koro enye ọsọn̄de obotitọn̄ efehe ebịne enye, Ye mme ndodobi ekop otuekọn̄ esie; 27  Koro enye adade ikpọn̄ esie ofụk iso Enye onyụn̄ enyene isek ke isịn esie,+ 28  Enye odụn̄ ke obio emi ẹdisobode ẹfep; Ke mme ufọk emi mme owo mîdidụn̄ke aba, Emi ẹnịmde man edi mme ibombom itiat. 29  Enye idinyeneke inyene, ndien uforo esie iditọtke, Enye idinyụn̄ inamke inyene mmọ ẹtara ẹyọhọ iso isọn̄.+ 30  Enye idiwọn̄ọkede ikpọn̄ ekịm; Edemeikan̄ ayanam ekpri n̄kọk esie asat, Ndien enye eyebe efep ke ọkpọsọn̄ ibifịk inua Esie.+ 31  Yak enye okûbuọt idem ke ikpîkpu n̄kpọ, emi adade enye otụn usụn̄, Koro enye edibọ sụk se mînyeneke ufọn ke ukpụhọ; 32  Ke usen esie mîka-ikemke enye ọyọbọ utịp. Ndien n̄kọk esie idiseheke.+ 33  Enye eyeken̄ n̄kịm grape esie ọduọn̄ọ nte vine, Onyụn̄ eken̄ flawa esie nte eto olive. 34  Koro esop mbon mfiakedem edi ukpọk,+ Ikan̄ oyonyụn̄ ata mme tent ubọkedem.+ 35  Ẹmeyomo afanikọn̄ ẹnyụn̄ ẹman ibak,+ Ndien idịbi mmọ odiomi abian̄a.”

Mme Ikọ Idakisọn̄