Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 14;1-22

14  “Owo eke n̄wan+ amande, Omụhọ uwem+ onyụn̄ oyụhọ ukụt.+   Enye asiaha nte mfri ẹnyụn̄ ẹsịbe enye ẹfep,+ Ndien enye efehe ebe nte mbukpọn̄+ inyụn̄ idụhe ibịghi.   Ih, owo emi ke afo atat enyịn fo ese, Afo omonyụn̄ anam mi nda ke ikpe+ ye afo.   Anie ekeme ndinam owo eke asanade ọwọrọ oto owo eke edehede?+ Idụhe owo ndomokiet.   Edieke ẹdoride mme usen esie,+ Ibat ọfiọn̄ esie onyụn̄ odu ye afo; Afo emenịm ewụhọ ọnọ enye mbak enye edibe adan̄a.   Kûwụk enyịn fo use enye man enye enyene nduọkodudu,+ Tutu enye okop inemesịt ke usen esie nte owo emi ẹkpede utom.   Koro idotenyịn akam odu ọnọ eto. Edieke ẹsibede enye ẹduọk, enye ekeme nditọn̄ọ ntak nsehe,+ Ndien enye iditreke ndisiaha n̄kọk.   Edieke orụn̄ esie akabarede akani ke isọn̄ Etak esie onyụn̄ akpade ke ntan,   Esisịt mmọn̄ ayanam enye esehe+ Enye oyonyụn̄ asiaha n̄kọk nte obufa eto.+ 10  Edi owo amakpa ẹnyụn̄ ẹkan enye; Owo amakpa, ndien enye odu m̀mọ̀n̄?+ 11  Mmọn̄ okụre ke inyan̄, Akpa ewet ọwọrọ onyụn̄ asat ama.+ 12  Owo n̄ko omosụhọde ana inyụn̄ idahake ke enyọn̄.+ Mmọ ididemekede tutu ikpaenyọn̄ okụre,+ Owo inyụn̄ ituakke mmọ ẹdemede ke idap mmọ.+ 13  Afo akpakam edịp mi ke Udi,*+ Onyụn̄ enịm mi ke ndịbe ebiet tutu iyatesịt fo ebe, Ndien afo enịm ini+ ọnọ mi onyụn̄ eti mi!+ 14  Edieke owo akpade nte enye ekeme ndifiak ndu uwem?+ Ami nyebet ke ofụri usen ọkpọsọn̄ utom mi,+ Tutu ubọhọ mi edi.+ 15  Afo oyokot, ndien ami nyeyere fi.+ Koro utom ubọk fo ọyọdọn̄ fi. 16  Koro ke emi afo amabat ikpatisan̄ mi;+ Afo usehe n̄kpọ efen ukan idiọkn̄kpọ+ mi. 17  Emesịn nsọn̄ibuot mi ke ekpat ada ufịkn̄kpọ efịk,+ Onyụn̄ ada itai adian ndudue mi. 18  Edi, obot emi ọduọde ayataha ama, Akwa itiat oyonyụn̄ adaha ke itie esie. 19  Mmọn̄ onyụn̄ eyet itiat efep; Ọtọ mmọn̄ eyet ntan isọn̄ efep. Ndien afo amabiat idotenyịn owo. 20  Afo amakan enye ke nsinsi man enye ebe efep;+ Amabiat enye iso man emen enye efep. 21  Ẹkpono nditọ esie, edi enye ifiọkke;+ Mmọ ẹnyụn̄ ẹkabade ẹdu ke usụhọde itie, edi enye ikereke iban̄a mmọ. 22  Obụkidem esie kpọt edikop ubiak ke adan̄aemi odude enye ke idem, Ndien ukpọn̄ esie oyofụhọ ke adan̄aemi enye osụk odude uwem.”

Mme Ikọ Idakisọn̄

Heb., “Sheol.”