Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 13;1-28

13  “Sese! Enyịn mi omokụt kpukpru emi, Utọn̄ mi okop onyụn̄ ekere aban̄a emi. 2  Se mbufo ẹfiọkde ami mmetịm mfiọk n̄ko; Ami nsụhọkede n̄kan mbufo.+   Edi, ami nyetịn̄ ikọ ye Ata Ọkpọsọn̄,+ Ndien ekpenem mi ndineni eneni ye Abasi.   Edi mbufo ẹdi mme etịbi-nsu;+ Kpukpru mbufo ẹdi mbiausọbọ eke mînyeneke ufọn.+   Ubaha nte mbufo ẹkpedopde uyo ofụri ofụri, Man owụt ọniọn̄ mbufo!+   Mbọk, ẹkop mfan̄a mi,+ Ẹnyụn̄ ẹkpan̄ utọn̄ ke eseme n̄kpọkinua mi.   Nte mbufo ẹditịn̄ se mînenke ẹban̄a Abasi, Ẹdinyụn̄ ẹtịn̄ abian̄a ẹban̄a enye?+   Nte mbufo ẹdinam n̄kpọ ye enye ke asari,+ Mîdịghe nte mbufo ẹdikpe ikpe ye ata Abasi?   Nte ọyọfọn enye odụn̄ọde mbufo?+ Mîdịghe nte mbufo ẹyebian̄a enye kpa nte ẹbian̄ade owo? 10  Enye iditreke ndisua nnọ mbufo+ Edieke mbufo ẹdomode ndinam asari ke ndịbe;+ 11  Nte uku esie idisịnke mbufo ẹdịghe, Ndịk esie idinyụn̄ ifụkke mbufo?+ 12  Ikọ ọniọn̄ mbufo edi n̄ke ntọn̄; Ẹda mbat ẹnam ekop otuekọn̄ mbufo.+ 13  Mbufo ẹdop uyo ke iso mi, man ntịn̄ ikọ. Ndien yak se ededi eke edisịmde mi esịm mi! 14  Ntak emi ndade edet mi mmenede obụkidem mi Nnyụn̄ nsịnde ukpọn̄ mi ke itiendịk?+ 15  Idem edieke enye ediwotde mi, nte ndibetke?+ Ami nyeneni ke iso esie mban̄a usụn̄ mi. 16  Enye n̄ko edidi edinyan̄a+ mi, Koro baba owo mfiakedem kiet mîdidụkke idi iso esie.+ 17  Mbufo ẹkop ikọ mi ofụri ofụri,+ Ẹyak uyo mi onyụn̄ odụk mbufo utọn̄. 18  Mbọk, sese, ami mmada ikọ ndi man ẹkpe;+ Mmetịm mfiọk nte ke ami mmenen. 19  Anie edineni eneni ye ami?+ Koro ke emi edieke ndopde uyo ami nyakpa! 20  N̄kukụre edi kûnam mi n̄kpọ iba; Ndien ami ndidịpke fi idemmi;+ 21  Nịm ubọk fo nsannsan kpọn̄ mi, Yak ndịk fo okûnam mi ndịghe.+ 22  Afo kot man ami nyere; Mîdịghe yak ntịn̄ ikọ, ndien afo ọnọ mi ibọrọ. 23  Ke ewe usụn̄ ke ami ndue nnyụn̄ nnam idiọkn̄kpọ? Nam mi mfiọk nsọn̄ibuot mi ye idiọkn̄kpọ mi. 24  Ntak emi afo edịpde iso fo+ Onyụn̄ adade mi nte asua fo?+ 25  Nte afo edinam ikọn̄ emi ofụm ọkpọride enyek, M̀mê edibịne nsat nnyanyan̄a? 26  Koro afo ewetde ndotndot n̄kpọ aban̄a mi+ Afo omonyụn̄ anam mi mbọ mme utịp ndudue ini uyen mi.+ 27  Afo n̄ko emesịn ukot mi ke ebuka,+ Ndien afo emekpeme kpukpru usụn̄ mi; Koro afo odụride udịm fo ke ekaikpat mi. 28  Ndien enye ebiet mbumbu n̄kpọ eke adiaharede;+ Ebiet ọfọn̄ eke utan̄kpọ atade ama.+

Mme Ikọ Idakisọn̄