Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 12;1-25

12  Ndien Job ọbọrọ onyụn̄ ọdọhọ ete:   “Ke akpanikọ mbufo ẹdi mme owo, Ndien ọniọn̄ ayakpa ye mbufo!+   Ami n̄ko mmenyene esịt+ kpa nte mbufo ẹnyenede. Ami nsụhọkede n̄kan mbufo,+ Ndien anie mîfiọkke mme utọ n̄kpọ ntem?   Ami mmakabade ndi n̄kpọ nsahi nnọ ekemmọ owo,+ N̄kabade ndi owo emi okotde Abasi ete enye eyere imọ.+ Owo emi edide n̄kpọ nsahi edi edinen owo emi mînyeneke nduduọhọ.   Owo emi odude ke ifụre idaha nsobo ke n̄kpọ;+ Enye ekere ke ẹnịm nsobo ẹnọ mbon emi ukot ofụmde.+   Mfịna idụhe ke mme tent mbon n̄wo,+ Mbon emi ẹnyụn̄ ẹnamde esịt ayat Abasi ẹnyene ifụre Kpa ntre ye owo eke adade abasi ke ubọk esie edi.+   Edi, mbọk, bụp mme ufene, ndien mmọ ẹyeteme fi;+ Bụp n̄ko mme edibotn̄kpọ eke ẹfede ke enyọn̄, ndien mmọ ẹyesian fi.+   Mîdịghe nyene udọn̄ ke isọn̄,+ ndien enye eyeteme fi; Mme iyak ke mmọn̄+ ẹyenyụn̄ ẹtan̄a enye ẹnọ fi.   Anie ke otu mmọ emi mîtịmke ifiọk Nte ke ubọk Jehovah akanam emi,+ 10  Enye emi ukpọn̄+ kpukpru se idude uwem ẹdude enye ke ubọk Ye ibifịk uwem ofụri obụkidem?+ 11  Nte utọn̄ idomoke ikọ ise+ Nte emi nsịn̄+ atabide udia ese? 12  Nte ọniọn̄ idụhe ye mbonusọn̄+ Nte ifiọk inyụn̄ idụhe ye mmọ eke ẹdude ediwak usen? 13  Ọniọn̄ ye odudu ẹdu ye enye;+ Enye enyene item ye ifiọk.+ 14  Sese! Enye omowụri, owo baba kiet ikemeke ndibọp;+ Enye eberi abaha owo, owo ikemeke ndiberede.+ 15  Sese! enye esịn ukpan ke mmọn̄ ndien mmọ ẹsat;+ Ndien enye ọdọn̄ mmọ, mmọ ẹnyụn̄ ẹkpụhọde isọn̄.+ 16  Enye enyene odudu ye ata ọniọn̄;+ Owo eke anamde ndudue ye owo eke otụnde owo usụn̄ ẹnyene enye;+ 17  Enye anam mme ọnọitem ẹsan̄a ukpọk ikpat,+ Onyụn̄ anam mme ebiereikpe ẹdama idat. 18  Enye atat n̄kpọkọbi ndidem,+ Onyụn̄ ọbọp mmọ n̄kpaha ke isịn. 19  Enye anam mme oku ẹsan̄a ukpọk ikpat,+ Onyụn̄ onụk mmọ eke ẹsọn̄ọde ẹtie ọduọk;+ 20  Enye ekịbi mbon emi ẹnamde akpanikọ inua, Onyụn̄ ọbọ n̄kani iren eti ibuot; 21  Enye an̄wan̄a bụt ofụk mbọn̄,+ Onyụn̄ anam mbọbọ n̄kpọsọn̄ owo ọwọk; 22  Enye ayarade mme ntotụn̄ọ n̄kpọ emi ẹdude ke ekịm,+ Onyụn̄ anam un̄wana ayama ke n̄kịmn̄kịm ebiet; 23  Anam mme idụt ẹkọri ẹkponi, man enye okposobo mmọ;+ Anam mme idụt ẹtara, man enye akpatan̄ mmọ efep; 24  Ọbọ mme etubom mme idụt ikike, Man enye akpanam mmọ ẹyo ke ukpọk ebiet,+ emi usụn̄ ndomokiet mîdụhe. 25  Mmọ ẹfiọn̄ọ ubọk ẹsan̄a ke ekịm,+ ke ebiet emi un̄wana mîdụhe, Man enye akpanam mmọ ẹyo nte akpammịn.+

Mme Ikọ Idakisọn̄