Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 11;1-20

11  Ndien Zophar owo Naamah+ ọbọrọ onyụn̄ ọdọhọ ete:   “Nte owo idibọrọke uwak ikọ, Mîdịghe nte obụre mbụre edi andinen?   Nte ikpîkpu ikọ fo eyekịbi irenowo inua, Nte afo edisụk asak nsahi ndien idụhe owo eke asuade ọnọ fi?+   Afo ọdọhọ n̄ko ete, ‘Item+ mi edi edisana, Ami mmonyụn̄ nnen̄ede nsana+ ke enyịn fo.’   Edi, ubaha nte Abasi ekpetịn̄de ikọ Okponyụn̄ atatde n̄kpọkinua esie etịn̄ ikọ ye afo!+   Do enye akpasian fi se inamde owo enyene ọniọn̄, Koro n̄kpọ emi ẹnọde owo ata ọniọn̄ ẹwakde. N̄ko, afo ọkpọfiọk ke Abasi efre aban̄a ndusụk ndudue fo.+   Nte afo emekeme ndifiọk mme ntotụn̄ọ n̄kpọ Abasi,+ Mîdịghe nte afo emekeme ndifiọk ubom Ata Ọkpọsọn̄?   Enye okon̄ akan heaven. Nso ke afo ekeme ndinam? Enye otụn̄ọ akan Udi.*+ Nso ke afo ekeme ndifiọk?   Enye ọniọn̄ akan isọn̄ ke udomo, Onyụn̄ an̄wan̄a akan inyan̄. 10  Edieke enye asan̄ade ebe onyụn̄ ayakde owo ọnọ Onyụn̄ okotde esop, do anie ekeme ndibiọn̄ọ enye? 11  Koro enye etịmde ọfiọk mbon nsu.+ Ke ini enye okụtde ibak, nte enye idinọhọ ntịn̄enyịn n̄ko? 12  Idem anana-ibuot owo eyenyene eti uduak Ke ndondo oro zebra amanade nte owo. 13  Edieke afo editịmde esịt fo Onyụn̄ atatde ekaubọk fo ọnọ enye,+ 14  Edieke ibak odude fi ke ubọk, nịm enye nsannsan, Kûnyụn̄ uyak ukwan̄ido odụn̄ ke mme tent fo. 15  Do afo eyemenede iso fo unyeneke ndo+ Afo oyonyụn̄ ọsọn̄ọ ada, ukopke ndịk. 16  Koro afo eyefre aban̄a afanikọn̄; Afo eyeti enye nte mmọn̄ eke ewetde ebe. 17  Ndien eyouwem+ fo ayayama akan ufọt uwemeyo; Ekịm ayakabade etie nte usenubọk.+ 18  Ndien afo ọyọbuọt idem koro idotenyịn odude; Afo oyonyụn̄ etịm ese akanade—oyosụhọde ana ke ifụre.+ 19  Ndien afo ayanyanade idem, ididụhe owo eke edinamde fi edịghe. Ediwak owo ẹyenyụn̄ ẹnam esịt osụhọ fi;+ 20  Ndien enyịn eyekịm mme idiọkowo;+ Mmọ idinyụn̄ ikwe ebiet eke mmọ ẹfehede ẹka,+ Ndien idotenyịn mmọ edidi ndiduọk ukpọn̄ mmọ.”+

Mme Ikọ Idakisọn̄

Heb., “Sheol.”