Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Job 10;1-22

10  “Esịt etek ukpọn̄ mi aban̄a uwem mi.+Nyan̄wan̄a ekikere oro n̄kerede mban̄a idemmi. Nyetịn̄ ikọ ke iyatesịt ukpọn̄ mi!   Nyọdọhọ Abasi nte, ‘Kûbiom mi ikpe nte idiọkowo. Nam mi mfiọk ntak emi afo an̄wanade ye ami.   Ndi ọfọn afo ndinam se ikwan̄ade,+Ndisịn ọkpọsọn̄ utom emi ubọk+ fo anamde,Ndinyụn̄ nnam un̄wana ayama ọnọ item mme idiọkowo?   Nte afo enyene enyịn+ obụkidem,Mîdịghe nte afo ese n̄kpọ nte owo esede?+   Nte mme usen fo ẹtie nte mme usen owo,+Mîdịghe nte mme isua fo ẹbiet mme usen esie,   Oro afo odomode ndiyom ndudue miOnyụn̄ owụkde enyịn ese idiọkn̄kpọ mi?+   Kpa ye oro afo ọfiọkde ete ke ami nduehe,+Ye nte ke idụhe owo emi anyan̄ade osio fi ke ubọk?+   Ubọk fo okobot mi onyụn̄ anam mi,+Anam ofụri idem mi, edi afo ọmọn̄ osobo mi.   Mbọk, ti ete ke afo akada mbat+ obot miNdien afo ayanam mi mfiak ke ntan.+ 10  Nte afo ukan̄wan̄ake mi uduọk nte mmọn̄eba Ndien anam mi mbari nte edibari mmọn̄eba?+ 11  Afo ama ada ikpa ye obụk esịne miOnyụn̄ ada ọkpọ ye esịp ọdọk mi.+ 12  Afo ọmọnọ mi uwem ye ima-mfọnido;+Ndien ntịn̄enyịn+ fo ekpeme spirit mi. 13  Afo omonyụn̄ edịp mme n̄kpọ emi ke esịt fo. Mmenen̄ede mfiọk ke mme n̄kpọ emi ẹdu ye afo. 14  Edieke ami n̄kanamde idiọkn̄kpọ ndien afo esese mi+Afo unyụn̄ ubatke ke ami nduehe;+ 15  Edieke edide ami mmanam ukwan̄n̄kpọ, mbọm mi!+Edieke ami nnyụn̄ nnamde se inende, ami ndimenekede ibuot mi,+Mmoyụhọ esuene nnyụn̄ nyụhọ ukụt.+ 16  Ndien edieke ibuot mi anamde n̄kpọ ke ntan̄idem,+ afo oyoyom mi nte abak ekpe,+Ndien afo ọyọtọn̄ọ ntak anam utịben̄kpọ ọnọ mi. 17  Afo ayada mbufa ntiense fo edi ke iso mi,Oyonyụn̄ anam iyatesịt fo ye ami enen̄ede okpon;Uyịre uyịre afanikọn̄ ẹmesịm mi. 18  Ntre ntak emi afo akadade mi ke itie eyen ọwọrọ edi?+N̄kpakakam n̄kpa do mbak enyịn ndomokiet edikụt mi, 19  Do ami n̄kpakabade ntie nte owo emi akanam mîmanake;Ami n̄kpokoto idịbi ndụk udi.’ 20  Nte mme usen mi idịghe esisịt?+ Yak enye ọkpọn̄ mi,Yak enye ọwọn̄ọde enyịn esie ọkpọn̄ mi, man idem ayama+ mi esisịt 21  Mbemiso ndahade—ndinyụn̄ mfiakke ndi aba+N̄ka isọn̄ ekịm ye ọkpọsọn̄ ekịm,+ 22  N̄ka isọn̄ emi ebrede nte ekịm, eke ọkpọsọn̄ ekịmYe eke ndutịme, emi un̄wana mîyamake edi sụk ekịm odude.”

Mme Ikọ Idakisọn̄