Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 1;1-22

1  Eren kiet ama odu ke isọn̄ Uz+ emi ekekerede Job;+ ndien eren oro ikenyeneke nduduọhọ,+ enye ama enen+ onyụn̄ abak Abasi+ onyụn̄ ọwọn̄ọde ọkpọn̄ idiọk.+  Ndien nditọiren itiaba ye nditọiban ita ẹmana ẹnọ enye.+  Ufene+ esie ẹkedi erọn̄ tọsịn itiaba ye camel tọsịn ita ye enan̄ iba iba ke itie ikie ition ye uman ass ikie ition, ọkọrọ ye ata akwa udịm mme asan̄autom; ndien eren oro okpon akan kpukpru mbon Edem Usiahautịn.+  Ndien nditọiren esie ẹka ẹkenịm akamba usọrọ+ ke ufọk mmọ kiet kiet ke usen emi mmọ kiet kiet ẹdoride; ndien mmọ ẹdọn̄ ẹkekot nditọeka mmọ iban mbita ẹdidia n̄kpọ ẹnyụn̄ ẹn̄wọn̄ n̄kpọ ye mmimọ.  Edikem ke mme usen usọrọ oro ẹma ẹkesan̄a ẹkanade, Job ọdọn̄ utom ọnọ mmọ ete ẹnam idemmọ asana;+ ndien enye abak adaha ke usenubọk awa edifọp uwa+ nte ibat kpukpru mmọ edide; koro Job ọdọhọde ete, “eyedi nditọ mi ẹma ẹnam idiọkn̄kpọ ẹnyụn̄ ẹsụn̄i+ Abasi ke esịt+ mmọ.” Ntem ke Job ekesinam kpukpru ini.+  Edikem ke usen oro nditọ ata Abasi+ ẹdụkde ẹdida itie mmọ ke iso Jehovah,+ Satan+ onyụn̄ etiene odụk otu mmọ.+  Ndien Jehovah obụp Satan ete: “Afo oto m̀mọ̀n̄ edi?” Ntem Satan ọbọrọ Jehovah ete: “Nto ndiyọrọ ke isọn̄+ ye ndiyo ke esịt.”+  Ndien Jehovah obụp Satan ete: “Nte afo omokụt asan̄autom mi Job, ete ke idụhe owo eke ebietde enye ke isọn̄,+ enye inyeneke nduduọhọ,+ enen+ onyụn̄ abak Abasi+ onyụn̄ ọwọn̄ọde ọkpọn̄ idiọk?”+  Ndien Satan ọbọrọ Jehovah ete: “Nte Job abak Abasi ke ikpîkpu?+ 10  Nte afo usịnke ọkọ ukan enye+ ye ufọk esie ye kpukpru se enye enyenede ukụk? Afo ọmọdiọn̄+ utom ubọk esie, ufene esie ẹmenyụn̄ ẹtọt ẹyọhọ isọn̄. 11  Edi, man ukpụhọde odu, mbọk nyan ubọk fo tụk kpukpru se enye enyenede nyụn̄ se m̀mê enye idisụn̄ike fi ke iso fo.”+ 12  Ndien Jehovah ọbọrọ Satan ete: “Sese! Kpukpru se enye enyenede esịne fi ke ubọk. Edi kûnyan ubọk fo utụk enye!” Ntre Satan ọwọrọ ọkpọn̄ iso Jehovah.+ 13  Edikem ke usen kiet nditọiren esie ye nditọiban esie ke ẹdia n̄kpọ ẹnyụn̄ ẹn̄wọn̄ wine ke ufọk akpaneka mmọ.+ 14  Ndien isụn̄utom+ kiet edi ebịne Job edidọhọ enye ete: “Mme enan̄ ẹkefụn̄ isọn̄,+ mme uman ass ẹnyụn̄ ẹta mbiet ẹkpere mmọ 15  ndien mbon Sheba+ ẹdi ẹdibụme ẹnyụn̄ ẹtan̄ mmọ, ẹnyụn̄ ẹwot mme asan̄autom fo ke iso akan̄kan̄; ndien sụk ami ikpọn̄ mfehe mbọhọ man ndisian fi.”+ 16  Ke adan̄aemi owo emi osụk etịn̄de ikọ, owo efen edi edidọhọ ete: “Ikan̄ Abasi omoto enyọn̄+ obụbede asak ke otu mme erọn̄ ye mme asan̄autom onyụn̄ ata mmọ owot; ndien sụk ami ikpọn̄ mfehe mbọhọ man ndisian fi.” 17  Ke adan̄aemi owo oro osụk etịn̄de ikọ, owo efen edi edidọhọ ete: “Mbon Chaldea+ emi ẹdide udịm ita ẹma ẹbụmede ẹbịne mme camel ẹnyụn̄ ẹtan̄ mmọ, ndien ẹwot mme asan̄autom fo ke iso akan̄kan̄; ndien sụk ami ikpọn̄ mfehe mbọhọ man ndisian fi.” 18  Ke adan̄aemi owo oro osụk etịn̄de ikọ, owo efen edi edidọhọ ete: “Nditọiren fo ye nditọiban fo ẹkedia n̄kpọ ẹnyụn̄ ẹn̄wọn̄ wine+ ke ufọk akpaneka mmọ. 19  Ndien, sese! akamba ofụm+ oto n̄kan̄ wilderness, ediberi inụk ufọk oro mbinan̄, tutu ufọk oro ọduọ ọtọ n̄kparawa oro ndien mmọ ẹkpan̄a. Ndien sụk ami ikpọn̄ mfehe mbọhọ man ndisian fi.” 20  Ndien Job adaha ke enyọn̄ awak+ anana-ubọk kod esie onyụn̄ okporo idet+ ibuot esie, ọduọ ke isọn̄+ onyụn̄ atuak ibuot+ 21  ọdọhọ ete: “N̄koto iferi ke idịbi+ eka mi n̄wọrọ, Ndinyụn̄ mfiak do iferi.+ Jehovah ọkọnọ,+ Jehovah onyụn̄ ọbọ.+ Yak ẹtoro enyịn̄ Jehovah.”+ 22  Ke kpukpru emi, Job inamke idiọk inyụn̄ itịn̄ke se mîdotke idian Abasi.+

Mme Ikọ Idakisọn̄