Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 6;1-30

6  O mbufo nditọ Benjamin, ẹyom ebiet ubọhọ ẹnyụn̄ ẹfen̄e ẹwọn̄ọ ke Jerusalem; ẹfri nnụk+ ke Tekoa.+ Ẹnyụn̄ ẹmenede ikan̄ idiọn̄ọ ke enyọn̄ ke Beth-haccherem;+ koro afanikọn̄ ye akwa iduọ ẹmetie ke edem edere ẹtụk iso ẹse.+  Ke akpanikọ eyenan̄wan Zion ebiet ediye an̄wan emi ẹdekde-dek ẹkama.+  Mme ekpemerọn̄ ye otu ufene mmọ ẹdi ẹbịne enye. Mmọ ẹwụk tent mmọ ẹkan enye ẹkụk.+ Owo mmọ kiet kiet ọbọk ufene esie ke n̄kan̄ esie.+  Mmọ ẹben̄e idem ndin̄wana ekọn̄ ye enye, ẹnyụn̄ ẹdọhọ ẹte:+ “Ẹdaha ke enyọn̄, ẹyak nnyịn idọk ika ke ufọt uwemeyo!”+ “Mbọm nnyịn, koro eyo ọtọn̄ọ ndikụt, koro mbukpọn̄ mbubreyo ẹkade iso ndiniọn̄!”  “Ẹdaha ke enyọn̄, ẹyak nnyịn idọk ika ke okoneyo ikowụri mme tọwa ufọkidụn̄+ esie.”  Koro ntem ke Jehovah mme udịm ọdọhọ ete: “Ẹkpi eto+ ẹnyụn̄ ẹkịbi ibombom ẹkanade Jerusalem.+ Enye edi obio emi ẹdikotde edinam ibat.+ Enye edi ufịk ke esịt esie.+  Kpa nte obube udọn̄ mmọn̄ anamde mmọn̄ esie ebịt, kpa ntre ke enye anam idiọkn̄kpọ esie ebịt. Ẹkop ẹban̄a afai ye mbụme ke esịt esie;+ udọn̄ọ ye ufen ẹdu mi ke iso kpukpru ini.  Yak ẹnen̄ede+ fi, O Jerusalem, mbak ukpọn̄ mi ediwọn̄ọde ọkpọn̄ fi ke itekesịt;+ mbak ndinam fi edi ndon ye isọn̄ eke owo mîdụn̄ke.”+  Ntem ke Jehovah mme udịm ọdọhọ ete: “Mmọ iditreke nditan̄ nsụhọ Israel nte vine.+ Fiak sịn ubọk fo nte owo emi etetde grape* ke vine.” 10  “Nditịn̄ nnọ anie, ndinyụn̄ nnọ anie ntọt, man mmọ ẹkpekop? Sese! Utọn̄ mmọ inaha mbobi, ntre mmọ ikemeke ndikpan̄ utọn̄.+ Sese! Ikọ Jehovah amakabade edi n̄kpọ esuene ọnọ mmọ,+ ikọ oro inyụn̄ idatke mmọ esịt.+ 11  Ndien ifụtesịt Jehovah ọyọhọ mi ke idem. Ami mmakpa mba ndimụm n̄kama.”+ “N̄wan̄a enye fụk eyenọwọn̄ ke efak+ ye ke otu n̄kparawa n̄ko; koro ẹyemụm mmọ n̄ko, owo ye n̄wan esie, akani owo ọkọrọ ye owo emi ọyọhọde usen.+ 12  Ndien ẹyeyak ufọk mmọ ẹnọ mbon en̄wen ẹda ẹnyene ọkọrọ ye mme in̄wan̄ ye iban mmọ n̄ko.+ Koro ami nyanyanade ubọk mi ndori mme andidụn̄ isọn̄ ke idem,” uyo Jehovah edi emi.+ 13  “Koro kpukpru mmọ, ọtọn̄ọde ke n̄kpri-n̄kan ke otu mmọ tutu esịm n̄kponn̄kan ke otu mmọ, ke ẹdia idiọk udori;+ ọtọn̄ọde ke prọfet tutu esịm oku, mmọ ke ẹnyụn̄ ẹnam n̄kpọ ke abian̄a.+ 14  Ndien mmọ ẹdomo ndikọk unan ikọt mi enyọn̄ enyọn̄,+ ẹte, ‘Emem! Emem!’ ke ini emem mîdụhe.+ 15  Nte bụt ama anam mmọ ke ntak emi mmọ ẹkenamde mbubiam n̄kpọ?+ N̄kpọ kiet edi, bụt inamke mmọ ndomo esisịt; n̄kpọ efen edi, mmọ ikam ifiọkke se idide esuene.+ Mmọdo mmọ ẹyeduọn̄ọ ke otu mbon oro ẹduọn̄ọde;+ mmọ ẹyetuak ukot ẹduọn̄ọ ke ini emi ndikotde mmọ ẹdinam ibat,” Jehovah ọdọhọ. 16  Ntem ke Jehovah ọdọhọ ete: “Mbufo ẹtuak ẹda ke usụn̄, ẹse, ẹnyụn̄ ẹbụp ẹban̄a ọkpọusụn̄ eset, emi edide eti usụn̄;+ ẹnyụn̄ ẹsan̄a ke esịt,+ ẹnyụn̄ ẹkụt nduọkodudu ẹnọ ukpọn̄ mbufo.”+ Edi mmọ ẹdọhọ ẹte: “Nnyịn idisan̄ake.”+ 17  “Ndien ami nnam mbon ukpeme+ ẹdaha ẹda ẹnọ mbufo, nte, ‘Ẹkpan̄ utọn̄ ke uyom nnụk!’”+ Edi mmọ ẹdọhọ ẹte: “Nnyịn idikpan̄ke utọn̄.”+ 18  “Mmọdo ẹkop, O mbufo mme idụt! Ẹnyụn̄ ẹfiọk, O mbufo mbon esop, se iditịbede ke otu mmọ. 19  Kop, O isọn̄! Sese ami mmọn̄ nda afanikọn̄ ntiene mbon+ emi nte mbun̄wụm ekikere mmọ,+ koro mmọ ikpan̄ke utọn̄ ke ikọ mi; mmọ n̄ko ẹnyụn̄ ẹsịn ibet mi.”+ 20  “Nso idi mbubehe mi ke afo ndida frankincense ke Sheba+ ndi nnyụn̄ nda eti cane ke anyan idụt ndi? Ofụri edifọp uwa mbufo inemke mi esịt,+ ofụri uwa mbufo inyụn̄ idatke mi esịt.”+ 21  Mmọdo ntem ke Jehovah ọdọhọ ete: “Sese ami mmọn̄ mbon itiat iduọ+ nnọ mbon emi, ndien mmọ ẹyetuak ukot ke mmọ ẹduọn̄ọ, mme ete ọkọrọ ye nditọ; mbọhọidụn̄ ye nsan̄a esie—mmọ ẹyetak.”+ 22  Ntem ke Jehovah ọdọhọ ete: “Sese! Mme owo ke ẹto idụt edem edere ẹdi, ndien akamba idụt kiet eyedemede ke ata nsannsan ikpehe isọn̄.+ 23  Mmọ ẹyekama utịgha ye enyịm.+ Idụt oro edi idụt ibak, mmọ idinyụn̄ ituaha owo mbọm. Uyo mmọ oyoyomo nte inyan̄,+ mmọ ẹyenyụn̄ ẹwat ke mme enan̄-mbakara.+ Enye etịm idem eben̄e ekọn̄ nte owo emi oyomde ndin̄wana ekọn̄ ye afo, O eyenan̄wan Zion.”+ 24  Nnyịn imokop etop emi aban̄ade enye. Ubọk emem nnyịn.+ Nnanenyịn onyụn̄ esịm nnyịn, ubiak uman emi ebietde eke n̄wan oro oyomde ndiman eyen onyụn̄ otụk nnyịn.+ 25  Kûwọrọ uka in̄wan̄, kûnyụn̄ usan̄a ke usụn̄; koro akan̄kan̄ emi enyenede asua odu do, ndịk odu akan okụk.+ 26  O eyenan̄wan ikọt mi, bọbọ ọfọn̄ ntuan̄a+ nyụn̄ were ke ntọn̄.+ Nam mfụhọ fo etie nte eke owo emi atuade ikpọn̄-ikpọn̄ eyen esie, kpa ndotndot eseme;+ koro andibụme eyedi ke mbuari ebịne nnyịn.+ 27  “Mmanam fi edi andidomo-ukwak nse ke otu ikọt mi, enye emi etịmde anam ndụn̄ọde; ndien afo ọyọfiọk oyonyụn̄ odụn̄ọde usụn̄ mmọ.+ 28  Kpukpru mmọ ẹdi ata mbon nsọn̄ibuot,+ emi ẹsan̄ade ẹyo nte mbon edidọk,+ mmọ ẹtie nte okpoho ye ukwak. Kpukpru mmọ ẹdi mmọ emi ẹsịnde nsobo.+ 29  Ibịtutịm+ amata ikan̄. Ikan̄ mmọ omosion̄o n̄ket.+ Owo esịn ifịk anam asana ke ikpîkpu, owo inyụn̄ idian̄akede mmọ eke ẹdiọkde ifep.+ 30  Mme owo ẹdikot mmọ silver emi ẹsịnde,+ koro Jehovah emesịn mmọ.”+

Mme Ikọ Idakisọn̄

“Mfri vine.”