Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 52;1-34

52  Zedekiah+ ekedi isua edịp ye kiet ke ini enye ọtọn̄ọde ndikara,+ enye onyụn̄ akara isua duopekiet ke Jerusalem.+ Ndien eka esie ekekere Hamutal+ eyen Jeremiah emi okotode Libnah.+  Ndien enye aka iso anam se idiọkde ke enyịn Jehovah,+ nte ekemde ye kpukpru se Jehoiakim+ akanamde.  Eketịbe ntem ke Jerusalem ye ke Judah koro Jehovah akayatde esịt tutu enye emen mmọ efep ke iso esie.+ Ekem Zedekiah ọsọn̄ ibuot ye edidem Babylon.+  Edikem ke ọyọhọ isua usụkkiet emi enye akarade nte edidem,+ ke ọyọhọ ọfiọn̄ duop, ke ọyọhọ usen duop ke ọfiọn̄ oro, Nebuchadrezzar edidem Babylon edi, enye ye ofụri udịmekọn̄ esie ẹdi ekọn̄ ye Jerusalem+ ẹnyụn̄ ẹdinam nna ẹkan enye ẹkụk ẹnyụn̄ ẹbọp ibibene ẹkanade enye.+  Ntre ẹkan obio oro ẹkụk tutu esịm ọyọhọ isua duopekiet emi Edidem Zedekiah akarade.+  Ke ọyọhọ ọfiọn̄ inan̄, ke ọyọhọ usen usụkkiet ke ọfiọn̄ oro,+ akan̄ ọsọn̄ ubọk etieti ke obio, udia inyụn̄ idụhe inọ mbio obio.+  Ke akpatre ẹbụn̄ obio ẹdụk;+ ndien kpukpru mbonekọn̄ ẹfen̄e+ ẹwọn̄ọ ke obio ke okoneyo, ẹsan̄a usụn̄ inuaotop emi odude ke ufọt ibibene iba oro ẹkperede in̄wan̄esa edidem,+ ke adan̄aemi mbon Chaldea ẹkande obio ẹkụk; mmọ ẹnyụn̄ ẹsan̄a ke usụn̄ Arabah.+  Ndien udịmekọn̄ mbon Chaldea ẹbịne edidem,+ ẹnyụn̄ ẹkesịm Zedekiah+ ke unaisọn̄ desat Jericho; ndien ofụri udịmekọn̄ esie ẹsuana ẹkpọn̄ enye.+  Ekem mmọ ẹmụm edidem ẹnyụn̄ ẹmen enye ẹdọk ẹsọk edidem Babylon+ ke Riblah,+ ke isọn̄ Hamath,+ man enye ekpebiere ikpe ọnọ enye.+ 10  Ndien edidem Babylon owot nditọiren Zedekiah ke iso esie,+ onyụn̄ owot n̄ko kpukpru mbọn̄ Judah ke Riblah.+ 11  Ndien enye etịbi Zedekiah enyịn,+ ekem edidem Babylon ọkọbi enye ke ebuka okpoho onyụn̄ ada enye edi Babylon+ edisịn ke ufọk-ukpeme tutu esịm usen n̄kpa esie. 12  Ndien ke ọyọhọ ọfiọn̄ ition, ke ọyọhọ usen duop ke ọfiọn̄ oro, oro edi, ke ọyọhọ isua efịtenan̄ emi Edidem Nebuchadrezzar,+ edidem Babylon akarade, Nebuzaradan+ etubom mbon ukpeme, emi adade ke iso edidem Babylon, edi Jerusalem. 13  Ndien enye ọfọp ufọk Jehovah+ ye ufọk edidem ye kpukpru ufọk ke Jerusalem;+ enye onyụn̄ ọfọp kpukpru ikpọ ufọk ke ikan̄.+ 14  Ndien ofụri udịmekọn̄ mbon Chaldea emi ẹdude ye etubom mbon ukpeme ẹwụri kpukpru ibibene Jerusalem ẹkanade ẹkụk.+ 15  Ndien Nebuzaradan etubom mbon ukpeme atan̄ ndusụk mme usụhọde owo ye mbon eken emi ẹkeyọhọde ẹsụhọ ke obio+ ye mbon oro ẹkedian̄arede ẹda ẹnyụn̄ ẹwọn̄ọrede ẹtiene edidem Babylon ye nta mbonutom eken, aka ntan̄mfep.+ 16  Ndien Nebuzaradan etubom mbon ukpeme ayak ndusụk mme usụhọde owo ke isọn̄ oro ẹsụhọ nte mme ọdiọn̄ vine ye mbon emi ẹnyịkde ẹnam ọkpọsọn̄ utom.+ 17  Ndien mbon Chaldea ẹbom mme adaha okpoho+ oro ẹdude ke ufọk Jehovah ye mme ukpatn̄kpọ+ ye n̄kpọ udọn̄ mmọn̄ okpoho*+ n̄ken̄e n̄ken̄e, ẹnyụn̄ ẹtan̄ kpukpru mme okpoho emi ẹnyọn̄ọ Babylon.+ 18  Mmọ ẹnyụn̄ ẹtan̄ mme eso ye mme udọk usio ntọn̄+ ye mme n̄kpọ unịme ikan̄+ ye mme usan+ ye mme cup ye kpukpru n̄kpoduoho okpoho emi mmọ ẹkesidade ẹnam n̄kpọ, ẹnyọn̄ọ.+ 19  Ndien etubom mbon ukpeme+ atan̄ mme besịn+ ye mme n̄kpọ ufọp incense ye mme usan+ ye mme eso ye mme uwụk utuenikan̄+ ye mme cup ye mme usan oro ẹkenyụn̄ ẹdade ata gold+ ẹnam, ye mbon oro ẹdade ata silver+ ẹnam. 20  Ndien adaha mbiba oro,+ ye n̄kpọ udọn̄ mmọn̄ kiet,+ ye nyara enan̄+ duopeba oro ẹkenamde ke okpoho, emi ẹkedude ke idak n̄kpọ udọn̄ mmọn̄, ye mme ukpatn̄kpọ oro Edidem Solomon akanamde ọnọ ufọk Jehovah.+ Owo ikekemeke ndidomo okpoho oro ẹkedade ẹnam mmọ—kpukpru n̄kpoduoho emi.+ 21  Ndien amaedi mme adaha oro, adaha kiet kiet okokon̄ cubit efịteta,+ ndien urụk emi ọniọn̄de cubit duopeba akanade enye;+ ukpa esie okonyụn̄ edi ubara nnuenubọk inan̄, enye onyụn̄ enyene aba ke esịt. 22  Ndien ẹkeda okpoho+ ẹnam ibuot oro ẹkewụkde ke enyọn̄ adaha emi, ndien ibuot kiet okokon̄ cubit ition;+ ndien amaedi iyịre iyịre ndudiọn̄ ye pomegranate oro ẹkenamde ẹkanade ibuot oro,+ ẹkeda okpoho ẹnam kpukpru mmọ; ọyọhọ adaha iba ama onyụn̄ enyene mme ukem n̄kpọ emi, ye pomegranate+ n̄ko. 23  Ndien kpukpru pomegranate emi ẹkekanarede iyịre iyịre ndudiọn̄ ẹkedi ikie,+ edi pomegranate emi ẹkekemede ndida n̄kụt ekedi anan̄ ye efịtekiet. 24  Ekem, etubom mbon ukpeme ada Seraiah+ ọbọn̄ oku ye Zephaniah+ udiana oku ye owo ita emi ẹdide mme ekpeme-usụn̄,+ 25  enye onyụn̄ ada adaidaha okụre kiet ke obio, emi edide etubom mbonekọn̄, ye irenowo itiaba ke otu mbon emi ẹsikụtde iso edidem,+ emi ẹkekụtde ke obio, ye ewetn̄wed etubom udịmekọn̄, emi esitịmde mbio obio idem ọnọ ekọn̄, ye owo ata ke otu mbio obio oro, emi ẹkekụtde ke esịt obio.+ 26  Ntre Nebuzaradan+ etubom mbon ukpeme atan̄ mmọ emi onyụn̄ ada mmọ ọsọk edidem Babylon ke Riblah.+ 27  Ndien edidem Babylon ọtọ mmọ emi ọduọk ke isọn̄+ onyụn̄ owot mmọ ke Riblah+ ke isọn̄ Hamath.+ Ntem ke Judah ọkpọn̄ isọn̄ esie aka ntan̄mfep.+ 28  Mmọ emi ẹdi mbon oro Nebuchadrezzar akatan̄de aka ntan̄mfep: ke ọyọhọ isua itiaba, mme Jew tọsịn ita ye edịp ye ita.+ 29  Ke ọyọhọ isua efịteta emi Nebuchadrezzar akarade,+ ukpọn̄ ikie itiaita ye edịp ye duopeba ke ẹkeda ẹto Jerusalem. 30  Ke ọyọhọ isua edịp ye ita emi Nebuchadrezzar akarade, Nebuzaradan etubom mbon ukpeme atan̄ mme Jew aka ntan̄mfep, ukpọn̄ ikie itiaba ye aba ye ition.+ Kpukpru ukpọn̄ ẹkedi tọsịn inan̄ ikie itiokiet. 31  Edikem ke ọyọhọ isua edịp ye efịteba tọn̄ọ nte ẹkemen Jehoiachin+ edidem Judah ẹka ntan̄mfep, ke ọyọhọ ọfiọn̄ duopeba, ke ọyọhọ usen edịp ye ition ke ọfiọn̄ oro, Evil-merodach edidem Babylon, ke isua emi enye akabarede edi edidem, emenede ibuot+ Jehoiachin edidem Judah ke enyọn̄ onyụn̄ osio enye ke ufọk-n̄kpọkọbi. 32  Ndien enye etịn̄ nti ikọ ye enye onyụn̄ anam ebekpo esie okon̄ akan mme ebekpo ndidem eken oro ẹdude ye enye ke Babylon.+ 33  Ndien enye osion̄o enye ọfọn̄ ufọk-n̄kpọkọbi,+ enye onyụn̄ adia udia+ kpukpru ini ke iso esie ke ofụri eyouwem esie.+ 34  Ndien amaedi udeme udia esie, edidem Babylon ekesinọ enye udeme udia esie kpukpru ini, kpa se ikemde ke usen ke usen, ke ofụri eyouwem esie, tutu esịm usen n̄kpa esie.+

Mme Ikọ Idakisọn̄

At. Ed., “inyan̄ okpoho.”