Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 51;1-64

51  Ntem ke Jehovah ọdọhọ ete: “Sese ami mmọn̄ ndemede ofụm nsobo+ nnọ Babylon+ ye mme andidụn̄ Leb-kamai;  ndien ami nyọdọn̄ mme andisak nnọ Babylon emi ẹdisakde enye, ẹdinyụn̄ ẹnamde isọn̄ esie ana ukpọk;+ koro mmọ ẹyen̄wana ye enye ke kpukpru edem ke usen afanikọn̄.+  “Yak owo emi edịghide utịgha esie okûdịghi aba.+ Ndien yak owo ndomokiet okûmenede idem ke enyọn̄ ke kod ukwak esie. “Mbufo ẹkûnyụn̄ ẹtua n̄kparawa esie mbọm.+ Ẹyak ofụri udịmekọn̄ esie ẹnọ nsobo.+  Ndien ẹyekpok mmọ ẹduọn̄ọ ke isọn̄ mbon Chaldea+ ẹnyụn̄ ẹkịm mmọ ke mme efak esie.+  “Koro Jehovah mme udịm+ ikpọn̄ke Israel ye Judah.+ Mmọ idịghe mme ebeakpa. Koro ubiomikpe ọyọhọde isọn̄ mbon oro ke enyịn Edisana Abasi Israel.+  “Ẹfen̄e ẹwọn̄ọ ke esịt Babylon,+ owo kiet kiet onyụn̄ anyan̄a ukpọn̄ esiemmọ.+ Ẹkûyak ndudue esie anam mbufo ẹnana uwem.+ Koro emi edide ini usiene Jehovah.+ Enye ke osio enye usiene.+  Babylon edi cup gold ke ubọk Jehovah,+ enye amanam ofụri isọn̄ ẹkpa mmịn.+ Mme idụt ẹmen̄wọn̄ wine esie ẹkpa.+ Ntak edi oro mme idụt ẹnamde n̄kpọ idat idat.+  Babylon ọmọduọ ke mbuari, onyụn̄ anuaha.+ Mbufo ẹtua enye.+ Ẹda balsam ẹsọk enye ke ubiak esie.+ M̀mê oyoto do ẹkọk enye.”  “Nnyịn ikpọkọkọk Babylon, edi owo ikọkke enye. Mbufo ẹkpọn̄ enye,+ ẹnyụn̄ ẹyak nnyịn owo kiet kiet inyọn̄ isọn̄ nnyịn.+ Koro ubiereikpe esie ọdọkde esịm enyọn̄, ẹmenyụn̄ ẹmenede enye ẹsịm obubịt enyọn̄.+ 10  Jehovah amada mme edinam edinen ido ọsọk nnyịn.+ Ẹdi ẹnyụn̄ ẹyak nnyịn ibụk utom Jehovah Abasi nnyịn ke Zion.”+ 11  “Ẹtụk mme idan̄ ẹsem.+ Ẹyọhọ mme ekara otuekọn̄ mbufo. Jehovah emedemede spirit ndidem Media,+ koro ekikere esie aban̄a Babylon,+ man osobo enye. Koro edi usiene Jehovah, kpa usiene oro enye osiode ọnọ temple esie.+ 12  Ẹmenede idiọn̄ọ+ ẹban̄a mme ibibene Babylon. Ẹsọn̄ọ ẹnọ ukpeme.+ Ẹnịm mbon ukpeme. Ẹnam mbon udịbe ẹben̄e idem.+ Koro ekikere Jehovah edi emi, enye oyonyụn̄ anam se enye ọdọhọde aban̄a mme andidụn̄ Babylon.”+ 13  “O n̄wan emi odụn̄de ke ediwak mmọn̄,+ emi n̄kpọuto fo ẹwakde,+ utịt fo emedi, kpa utịt+ udori emi afo adiade.+ 14  Jehovah mme udịm omotomo ukpọn̄+ esie ete, ‘Ami nyanam mme owo ẹyọhọ fi ke esịt nte n̄kukun̄kpọyọriyọ,+ ndien mmọ ẹyekwọ ẹnyụn̄ ẹfiori ẹban̄a fi.’+ 15  Enye edi Andinam isọn̄ ke odudu esie,+ Enye emi adade ọniọn̄+ esie ọsọn̄ọ owụk isọn̄,+ ye Enye emi adade ifiọk+ esie anyanade ikpaenyọn̄ enịm.+ 16  Ke ini enye osiorode uyo, mmọn̄ oyomo ke ikpaenyọn̄, enye onyụn̄ anam uye oto ke utịt isọn̄ ọdọk.+ Enye amanam mme usụn̄ mmọn̄ ọnọ edịm,+ onyụn̄ osio ofụm ke mme ufọk ubonn̄kpọ esie edi. 17  Kpukpru owo ẹmenana ibuot ẹbe nte ẹkemede ndifiọk n̄kpọ.+ Bụt ayanam kpukpru mme odomutịm ke ntak edisọi mbiet;+ koro editara mbiet esie edide nsu,+ spirit inyụn̄ idụhe mmọ ke idem.+ 18  Mmọ ẹdi ikpîkpu,+ utom nsahi.+ Mmọ ẹyetak ke ini ẹdiwọn̄ọrede enyịn ẹse mmọ.+ 19  “Udeme Jacob itiehe nte mme n̄kpọ emi,+ koro enye edi Andibot kpukpru n̄kpọ,+ ye idem esan̄ udeme esie.+ Jehovah mme udịm edi enyịn̄ esie.”+ 20  “Afo edi okpoyon̄ ọnọ mi, nte n̄kpọekọn̄,+ ndien ami nyada fi nnuak mme idụt mbai mbai, nyonyụn̄ nda fi nsobo mme obio ubọn̄. 21  Ndien nyada fi nnuak enan̄-mbakara ye andiwat enye mbai mbai, nyonyụn̄ nda fi nnuak chariot ekọn̄ ye andiwat enye mbai mbai.+ 22  Ndien nyada fi nnuak eren ye n̄wan mbai mbai, nnyụn̄ nda fi nnuak akani eren ye eyenọwọn̄ mbai mbai, nyonyụn̄ nda fi nnuak akparawa ye n̄kaiferi mbai mbai. 23  Ndien nyada fi nnuak ekpemerọn̄ ye otu ufene esie mbai mbai, nnyụn̄ nda fi nnuak ọtọin̄wan̄ ye mme unam emi enye adade ofụn̄ isọn̄ mbai mbai, nyonyụn̄ nda fi nnuak mme andikara ye udiana mme andikara mbai mbai. 24  Ndien ami nyosio Babylon ye kpukpru mme andidụn̄ Chaldea usiene mban̄a kpukpru idiọkn̄kpọ oro mmọ ẹnamde ke Zion ke iso mbufo,”+ uyo Jehovah edi emi. 25  “O obot eke osobode,+ sese ami mmenyene ikọ ye afo,”+ uyo Jehovah edi emi, “afo emi osobode ofụri isọn̄;+ ndien ami nyanyanade ubọk mi n̄n̄wana ye afo nnyụn̄ n̄kpat fi nsio ke ikpọ itiat nnyụn̄ nnam fi edi obot eke ikan̄ atade.”+ 26  “Ndien mme owo ididaha itiat eke otode fi ibọp inụk idinyụn̄ idaha isịn itiat idakisọn̄,+ koro afo ayakabade ndon ke nsinsi,”+ uyo Jehovah edi emi. 27  “Mbufo ẹmenede idiọn̄ọ ke isọn̄ ẹnyan ke enyọn̄.+ Ẹfri nnụk ke otu mme idụt. Ẹtịm+ mme idụt idem ẹdin̄wana ye enye. Ẹkot mme obio ubọn̄ Ararat,+ Minni ye Ashkenaz+ ẹdin̄wana ye enye. Ẹnịm etubom emi atan̄de owo ke ekọn̄ ẹban̄a enye. Ẹnam mme enan̄-mbakara+ ẹdọk ẹdi nte n̄kukun̄kpọyọriyọ oro ẹnyenede n̄kọi. 28  Ẹtịm mme idụt idem, ye ndidem Media,+ ye mme andikara esie ye kpukpru mme udiana andikara esie ye ofụri isọn̄ emi owo mmọ kiet kiet akarade, man ẹdin̄wana ye enye. 29  Ndien yak isọn̄ enyek onyụn̄ odu ke ọkpọsọn̄ ubiak,+ koro ekikere Jehovah emedemede aban̄a Babylon man anam isọn̄ Babylon edi n̄kpọ n̄kpaidem, onyụn̄ anana andidụn̄.+ 30  “N̄kpọsọn̄ owo Babylon ẹmetre ndin̄wana en̄wan. Mmọ ke ẹsụk ẹtie ke n̄kpọsọn̄ ebiet. Odudu mmọ omokụre.+ Mmọ ẹmekabade iban.+ Ẹmekịm ikan̄ ke mme ebietidụn̄ esie. Ẹmebụn̄ mme eto usịn-usụn̄ esie.+ 31  “Efehe itọk kiet efehe man okosobo ye efehe itọk efen, ọnọ-ntọt kiet onyụn̄ efehe man okosobo ye ọnọ-ntọt efen,+ man ẹtọt edidem Babylon ẹte ke ẹkan obio esie ke kpukpru edem,+ 32  ye nte ke ẹmeda mme ebiet ube mmọn̄,+ ẹmefọp mme ubom n̄kukịp, esịt onyụn̄ etịmede mbonekọn̄.”+ 33  Koro ntem ke Jehovah mme udịm, Abasi Israel, ọdọhọ ete: “Eyenan̄wan Babylon etie nte ọtọ udịghi wheat.+ Ini edi emi ndinen̄ede ndịghi enye. Kpa ye oro, ke esisịt ini, ini ukpen̄e esie eyedi.”+ 34  “Nebuchadrezzar edidem Babylon amata mi;+ enye amanam ndu ke ndutịme. Enye amanam mi ntie nte ukpọk aban̄. Enye ememen mi emen nte akamba urụkikọt;+ enye ọmọdọn̄ nti n̄kpọ mi ke idịbi esie ọyọhọ. Enye amadarade mi efep. 35  N̄wan emi odụn̄de ke Zion ọyọdọhọ ete, ‘Yak afai oro ẹnamde mi ye obụkidem mi odoro Babylon ke idem!’+ Jerusalem ọyọdọhọ ete, ‘Yak iyịp mi onyụn̄ ọkọbọ mme andidụn̄ Chaldea!’”+ 36  Mmọdo ntem ke Jehovah ọdọhọ ete: “Sese ami mmọn̄ n̄kpe ikpe fo,+ nyonyụn̄ nsio usiene nnọ fi.+ Ndien nyanam inyan̄ esie asat, nnyụn̄ nnam mme obube mmọn̄ esie ẹsat.+ 37  Ndien Babylon ayakabade ebok itiat,+ itieidụn̄ mme jackal,+ n̄kpọ n̄kpaidem ye se ẹfride inụk ẹban̄a, onyụn̄ anana andidụn̄.+ 38  Kpukpru mmọ ẹyekụni nte abak nyara ekpe. Mmọ ẹyekụni nte nditọ ekpe.” 39  “Ke ini idem osụk aduaide mmọ ami nyanam akamba usọrọ nnọ mmọ nyonyụn̄ nnam mmọ ẹkpa mmịn, man mmọ ẹkpedara;+ ndien mmọ ẹyede nsinsi idap, emi mmọ mîdidemekede,”+ uyo Jehovah edi emi. 40  “Ami nyada mmọ nsụhọde n̄ka man ẹkewot nte nyara erọn̄, nte mme okukịm erọn̄ ye mme okpo ebot.”+ 41  “O sese nte ẹkande Sheshach,+ nte ẹnyụn̄ ẹmụmde Itoro ofụri isọn̄!+ Sese nte Babylon akabarede edi n̄kpọ n̄kpaidem ke otu mme idụt!+ 42  Inyan̄ ọmọtọ ofụk Babylon. Mbufụt esie omofụk enye.+ 43  Mme obio esie ẹmekabade ẹdi n̄kpọ n̄kpaidem ye edisat isọn̄ ye unaisọn̄ desat.+ Ẹtie nte isọn̄ emi owo mîdidụn̄ke ke esịt, emi eyen owo mîdinyụn̄ isan̄ake ke esịt mmọ ibe.+ 44  Ndien nyọwọn̄ọde enyịn nse Bel+ ke Babylon, nyonyụn̄ nsio ke inua esie se enye ama ekemen emen.+ Ndien mme idụt idibụn̄ọke aba itiene enye.+ N̄ko, ibibene Babylon ọyọduọ.+ 45  “Mbufo ikọt mi ẹwọn̄ọ ke esịt esie,+ owo kiet kiet onyụn̄ anam ukpọn̄ esie ọbọhọ+ ikan̄-ikan̄ iyatesịt Jehovah.+ 46  Mîdịghe ntre esịt eyenyek mbufo,+ mbufo ẹyenyụn̄ ẹkop ndịk ke ntak etop oro ẹdikopde ke isọn̄ oro. Ndien ke isua kiet etop eyedi, ndien ke enye oro ebede, ke isua efen, etop ye afai ẹyedu ke isọn̄ ndien andikara ayan̄wana ye andikara. 47  Mmọdo, sese! mme usen ke ẹdi, ndien ami nyọwọn̄ọde enyịn nse ndisọi mbiet Babylon;+ bụt oyonyụn̄ anam ofụri isọn̄ esie, ndien kpukpru ikọt esie oro ẹwotde ẹyeduọn̄ọ ke esịt esie.+ 48  “Ndien enyọn̄ ye isọn̄ ye kpukpru se idude mmọ ke esịt ẹyesio n̄kpo idara ẹban̄a Babylon,+ koro mme andibụme ẹyeto edem edere ẹdi ẹbịne enye,”+ uyo Jehovah edi emi. 49  “Babylon ikanamke sụk mbon Israel oro ẹkewotde ẹduọn̄ọ,+ edi mbon emi ẹkewotde ke ofụri isọn̄ ẹma ẹduọn̄ọ n̄ko ke Babylon.+ 50  “Mbufo emi ẹfen̄ede ẹbọhọ akan̄kan̄, ẹka iso ẹfen̄e. Ẹkûtuak ẹda.+ Ẹdu ke anyan ebiet ẹti Jehovah,+ ẹnyụn̄ ẹyak Jerusalem odụk mbufo esịt.”+ 51  “Ẹmenam nnyịn idia bụt,+ koro nnyịn imokop esuene.+ Bụt omofụk nnyịn iso,+ koro isenowo ẹdụkde ẹdi ndisana ebiet ke ufọk Jehovah.”+ 52  “Mmọdo, sese! mme usen ke ẹdi,” uyo Jehovah edi emi, “ndien ami nyọwọn̄ọde enyịn mi nse ndisọi mbiet esie,+ ndien mbon emi ẹkịmde ẹyemụm mmụm ke ofụri isọn̄ esie.”+ 53  “Ọkpọkọm Babylon ọdọk esịm ikpaenyọn̄,+ ọkpọkọm enye onyụn̄ anam man ẹkûkeme ndidọk nsịm edikon̄ ebiet odudu esie,+ mme andibụme ẹyeto mi ẹsịm enye,”+ uyo Jehovah edi emi. 54  “Ẹkpan̄ utọn̄! Eseme omoto ke Babylon ọwọrọ,+ akwa iduọ omonyụn̄ oto isọn̄ mbon Chaldea,+ 55  koro Jehovah ke obụme Babylon, enye oyonyụn̄ anam akwa uyom etre ke esịt esie,+ ndien mbufụt mmọ oyoyomo nte ediwak mmọn̄.+ Uyom uyo mmọ eyetre. 56  Koro andibụme+ eyedi ebịne enye, oro edi Babylon, ẹyenyụn̄ ẹmụm n̄kpọsọn̄ owo esie.+ Ẹyenyụn̄ ẹbụn̄ mme utịgha mmọ,+ koro Jehovah edide Abasi usiene.+ Enye iditreke ndisio usiene.+ 57  Ndien ami nyanam mbọn̄ esie ye mbon ọniọn̄ esie, mme andikara esie ye mme udiana andikara esie ye n̄kpọsọn̄ owo esie ẹkpa mmịn,+ ndien mmọ ẹyede nsinsi idap, emi mmọ mîdidemekede,”+ uyo Edidem,+ emi enyịn̄ esie edide Jehovah mme udịm,+ edi emi. 58  Ntem ke Jehovah mme udịm ọdọhọ ete: “Okposụkedi emi ibibene Babylon atarade, owo iditreke ndiwụri enye;+ okposụkedi emi mme inuaotop esie ẹkon̄de, ẹyekịm ikan̄.+ Ndien mme owo ẹyekpa utom ke ikpîkpu,+ mme idụt ẹyenyụn̄ ẹnam utom ẹnọ ikan̄;+ mmọ ẹyenyụn̄ ẹkpa mba.” 59  Ikọ emi ke prọfet Jeremiah okowụk Seraiah eyen Neriah+ eyen Mahseiah,+ ke ini emi enye akasan̄ade ye Zedekiah edidem Judah aka Babylon ke ọyọhọ isua inan̄ emi enye edide edidem; Seraiah onyụn̄ edi etubom ebiet nna. 60  Ndien Jeremiah ada n̄wed+ kiet ewet kpukpru afanikọn̄ emi ẹdisịmde Babylon, kpa kpukpru ikọ emi ẹwetde ẹban̄a Babylon. 61  N̄ko-n̄ko, Jeremiah ọdọhọ Seraiah ete: “Ke ndondo oro afo esịmde Babylon onyụn̄ okụtde obio oro, afo enyene n̄ko ndikot kpukpru ikọ emi uyo ọwọrọ.+ 62  Ndien afo enyene ndidọhọ ete, ‘O Jehovah, afo emetịn̄ ikọ aban̄a ebiet emi, man esịbe enye efep, enye onyụn̄ anana andidụn̄,+ edide owo m̀mê ufene, edi man enye akpakabade edi ndon ke nsinsi.’ 63  Ndien ama ekem, ke ini afo okụrede ndikot n̄wed emi, da itiat tebe enye nyụn̄ top enye sịn ke ufọt Euphrates.+ 64  Afo onyụn̄ enyene ndidọhọ ete, ‘Ntem ke Babylon ediden̄ idinyụn̄ idahake aba ke enyọn̄ ke ntak afanikọn̄ oro ami ndade ntiene enye;+ ndien mmọ ẹyekpa mba.’”+ Mme ikọ Jeremiah ẹtre mi.

Mme Ikọ Idakisọn̄