Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 50;1-46

50  Ikọ emi ke Jehovah akada prọfet Jeremiah etịn̄ aban̄a Babylon,+ isọn̄ mbon Chaldea,+ ete:  “Ẹtịn̄ enye ke otu mme idụt ẹnyụn̄ ẹkwọrọ enye.+ Ẹmenede idiọn̄ọ+ ke enyọn̄; ẹkwọrọ enye. Mbufo ẹkûdịp baba n̄kpọ kiet. Ẹdọhọ ẹte, ‘Ẹmekan Babylon.+ Ẹnam Bel adia bụt.+ Idem emenyek Merodach. Ẹnam mme mbiet esie ẹdia bụt.+ Idem emenyek mme mbubiam mbiet esie.’  Koro idụt kiet omoto ke edem edere ọdọk edi ndin̄wana ye enye.+ Edi enye anam idụt esie edi n̄kpọ n̄kpaidem, tutu baba owo kiet idụn̄ke ke esịt esie.+ Owo ye ufene ẹmefen̄e.+ Mmọ idụhe aba.”+  “Ke mme usen oro ye ke ini oro,”+ uyo Jehovah edi emi, “nditọ Israel ẹyesan̄a kiet ye nditọ Judah ẹdi.+ Mmọ ẹyesan̄a, ẹsan̄a ẹtua,+ mmọ ẹyenyụn̄ ẹyom Jehovah Abasi mmọ.+  Mmọ ẹyebụp usụn̄ eke ẹsan̄ade ẹsịm Zion, ẹyenyụn̄ ẹnen iso ẹse usụn̄ oro,+ ẹdọhọde ẹte, ‘Ẹdi nnyịn idian idem ye Jehovah ke nsinsi ediomi oro owo mîdifreke.’+  Ikọt mi ẹmekabade ẹdi mme edibotn̄kpọ eke ẹtakde.+ Mme andikpeme mmọ ẹmenam mmọ ẹyo.+ Mmọ ẹmenam mmọ ẹduyo ke ikpọ obot.+ Mmọ ẹmeyo ọtọn̄ọde ke ikpọ obot tutu esịm n̄kpri obot. Mmọ ẹmefre ebiet nduọkodudu mmọ.+  Kpukpru mmọ oro ẹkụtde mmọ ẹmeta mmọ,+ mme asua mmọ ẹmenyụn̄ ẹdọhọ ẹte,+ ‘Nnyịn idinyeneke ubiomikpe,+ koro mmọ ẹkenamde idiọkn̄kpọ ẹdue Jehovah, ebietidụn̄ edinen ido,+ ye idotenyịn mme ete ete mmọ,+ kpa Jehovah.’”  “Mbufo ẹfen̄e ẹwọn̄ọ ke esịt Babylon, ẹnyụn̄ ẹwọn̄ọ ke isọn̄ mbon Chaldea,+ ẹnyụn̄ ẹkabade ẹtie nte mme unam* oro ẹbede iso ke otu ufene.+  Koro sese ami mmọn̄ ndemede nnyụn̄ nda esop ikpọ idụt ke isọn̄ edem edere ndọk ndi ẹdin̄wana ye Babylon,+ ndien mmọ ẹyetịm idem ẹdin̄wana ye enye.+ Ẹyenyụn̄ ẹkan enye do.+ Mme idan̄ mmọ ẹtie nte eke ọkpọsọn̄ owo emi anamde ẹtaba nditọ, emi mîfiakke idi ubọk ubọk.+ 10  Ndien Chaldea ayakabade n̄kpọ mbụme.+ Kpukpru mbon oro ẹbụmede enye ẹyekop uyụhọ,”+ uyo Jehovah edi emi. 11  “Koro mbufo ẹkedatde esịt,+ koro mbufo ẹkedarade ke ini ẹkebụmede udeme mi.+ Koro mbufo ẹkefrọde nte abak enan̄ ke nsehe mbiet,+ mbufo ẹma ẹnyụn̄ ẹsioro uyo nte nyara enan̄-mbakara.+ 12  Bụt amanam eka mbufo ata etieti.+ Enye emi akamande mbufo omokụt edikpu.+ Sese! Enye edi ata usụhọde ke otu mme idụt, onyụn̄ edi wilderness emi mmọn̄ mîdụhe ye unaisọn̄ desat.+ 13  Owo ididụn̄ke enye ke esịt ke ntak iyatesịt Jehovah,+ ndien enye ayakabade ndon ofụri ofụri.+ Amaedi owo ekededi eke asan̄ade ebe Babylon, enye oyowụk enyịn ese ke n̄kpaidem onyụn̄ efri inụk ke ntak kpukpru ufen esie.+ 14  “Mbufo ẹtịm idem ke kpukpru afan̄ ẹben̄e Babylon,+ kpukpru mbufo emi ẹdịghide utịgha.+ Ẹtịgha enye.+ Ẹkûfam idan̄, koro edi Jehovah ke enye anam idiọk edue.+ 15  Ẹfiori n̄kpo ekọn̄ ẹkan enye ẹkụk.+ Enye amayak ubọk esie ọnọ.+ Mme adaha esie ẹmeduọn̄ọ. Ẹmewụri mme ibibene esie.+ Koro emi edi usiene Jehovah.+ Mbufo ẹsio enye usiene. Mbufo ẹnam enye kpa nte enye akanamde.+ 16  Ẹsịbe asuan n̄kpasịp ẹfep ke Babylon,+ ye owo emi akamade ofụt ke ini ukpen̄e. Ke ntak akan̄kan̄ oro ofiomode, mmọ kiet kiet ẹyefiak edem ẹbịne ikọt mmọ, mmọ kiet kiet ẹyenyụn̄ ẹfen̄e ẹka isọn̄ mmọ.+ 17  “Israel edi erọn̄ eke ẹsuande.+ Mme ekpe ẹsuan mmọ.+ Edidem Assyria ebem iso ata enye,+ ndien ke ukperedem emi Nebuchadrezzar edidem Babylon ekwek mme ọkpọ esie.+ 18  Mmọdo ntem ke Jehovah mme udịm, Abasi Israel, ọdọhọ ete, ‘Sese ami mmọn̄ n̄wọn̄ọde enyịn mi nse edidem Babylon ye isọn̄ esie kpa nte n̄kọwọn̄ọrede nse edidem Assyria.+ 19  Ndien ami nyada Israel mfiak ndi in̄wan̄ mbiet ufene+ esie, enye oyonyụn̄ ata mbiet ke Carmel+ ye Bashan;+ ndien ukpọn̄ esie oyokop uyụhọ ke obot obot ikpehe Ephraim+ ye Gilead.’”+ 20  “Ndien ke mme usen oro ye ke ini oro,”+ uyo Jehovah edi emi, “ẹyeyom ndudue Israel,+ edi owo idikwe; ẹyenyụn̄ ẹyom mme idiọkn̄kpọ Judah,+ ndien owo idikwe mmọ, koro nyefen mbon oro nyakde ẹsụhọ.”+ 21  “N̄wana ye isọn̄ Merathaim—dọk din̄wana ye enye+ ye mme andidụn̄ Pekod.+ Yak n̄kpan̄a esịm mmọ, yak ẹnyụn̄ ẹyak mmọ ẹnọ nsobo,” uyo Jehovah edi emi, “nyụn̄ nam ekekem ye kpukpru se n̄wụkde fi.+ 22  Uyom ekọn̄ odu ke isọn̄, ye akwa n̄wụre.+ 23  O se nte ẹsịbede ẹnyụn̄ ẹbụn̄de+ hammer udomutịm+ ofụri isọn̄! O se nte Babylon akabarede edi n̄kpọ n̄kpaidem ke otu mme idụt!+ 24  Mmọkọk afia nnọ fi, O Babylon, enye omonyụn̄ omụm fi, ndien afo ukọfiọkke.+ Ẹma ẹkụt fi ẹnyụn̄ ẹmụm fi n̄ko, koro afo akan̄wanade ye Jehovah.+ 25  “Jehovah emeberede ufọk ubonn̄kpọ esie, enye omonyụn̄ osion̄o mme n̄kpọekọn̄ ifụtesịt esie edi.+ Koro Akakan Ọbọn̄ Andikara,+ Jehovah mme udịm, enyenede utom ndinam ke isọn̄ mbon Chaldea.+ 26  To ke ata nsannsan ebiet dụk bịne enye.+ Berede mme itie ubon wheat esie.+ Kịbi enye nte mbon oro ẹkịbide ebono,+ nyụn̄ yak enye nọ nsobo.+ Yak enye okûnyene mmọ eke ẹsụhọde.+ 27  Wot kpukpru mme abak nyara enan̄ esie.+ Mmọ ẹkpekam ẹsụhọde ẹka man ẹkewot mmọ.+ Mbọm mmọ, koro usen mmọ emedi, kpa ini emi ẹdiwọn̄ọrede enyịn ẹse mmọ!+ 28  “Ẹmekop uyom mbon oro ẹfen̄ede ye eke mbon oro ẹbọhọde ẹfen̄e ẹwọrọ ke isọn̄ Babylon+ man ẹketan̄a usiene Jehovah Abasi+ nnyịn ke Zion, kpa usiene oro enye osiode ọnọ temple esie.+ 29  “Ẹkot mme otop utịgha, kpukpru mbon oro ẹdịghide utịgha,+ man ẹdin̄wana ye Babylon. Ẹnam nnaekọn̄ ẹkan enye ẹkụk. Yak owo baba kiet okûbọhọ efehe.+ Sio enye usiene nte ekemde ye utom esie.+ Nam enye nte ekemde ye kpukpru se enye akanamde.+ Koro edi Jehovah, kpa Edisana Abasi Israel,+ ke enye omiom. 30  Mmọdo n̄kparawa esie ẹyeduọn̄ọ ke mme an̄wa obio esie,+ ẹyenyụn̄ ẹnam kpukpru mbonekọn̄ esie ẹdu ke ndobo ke usen oro,”+ uyo Jehovah edi emi. 31  “O Iseri,+ sese! ami mmenyene ikọ ye afo,”+ uyo Akakan Ọbọn̄ Andikara,+ Jehovah mme udịm edi emi, “koro usen fo eyedi, kpa ini oro ndiwọn̄ọrede enyịn nse fi. 32  Ndien Iseri iditreke ndituak ukot nduọ,+ ndien enye idinyeneke owo eke edimenerede enye.+ Nyonyụn̄ n̄kịm ikan̄ ke mme obio esie, ndien enye ayata kpukpru n̄kann̄kụk esie.”+ 33  Ntem ke Jehovah mme udịm ọdọhọ ete: “Ẹmefịk nditọ Israel ye nditọ Judah, ndien kpukpru mbon oro ẹmụmde mmọ nte mbuotekọn̄ ẹsọn̄ ubọk ẹmụm mmọ.+ Mmọ ẹsịn ndiyak mmọ ẹnyọn̄ọ.+ 34  Andifak mmọ edi ọkpọsọn̄,+ Jehovah mme udịm edi enyịn̄+ esie. Enye iditreke ndikpe ikpe mmọ,+ man enye akpanam isọn̄ ana sụn̄+ onyụn̄ anam mme andidụn̄ Babylon ẹnyek.”+ 35  “Odu akan̄kan̄ emi edisobode mbon Chaldea,”+ uyo Jehovah edi emi, “ye mme andidụn̄ Babylon+ ye mbọn̄+ esie ye mbon ọniọn̄+ esie. 36  Odu akan̄kan̄ emi edisobode mme etịn̄ ikpîkpu ikọ,+ ndien mmọ ẹyenam n̄kpọ nte ndisịme.+ Odu akan̄kan̄ emi edisobode n̄kpọsọn̄ owo esie,+ ndien idem eyenyek mmọ.+ 37  Odu akan̄kan̄ emi edisobode mme enan̄-mbakara+ mmọ ye mme chariot ekọn̄ mmọ ye kpukpru mbuaha udịmowo emi ẹdude ke esịt esie,+ ndien mmọ ẹyekabade iban.+ Odu akan̄kan̄ emi edisobode mme n̄kpọuto+ esie, ndien ẹyebụme mmọ. 38  Nsobo odu ke mmọn̄ esie, ndien ẹyenam mmọ ẹsat.+ Koro enye edide isọn̄ ndisọi mbiet,+ mmọ ẹnam n̄kpọ idat idat ke ntak mme enyene-ndịk n̄kukụt mmọ. 39  Mmọdo mme unam emi ẹsidụn̄de ke desat ẹyedụn̄ ye mme unam ntuan̄a, mme ostrich ẹyenyụn̄ ẹdụn̄ ke esịt esie;+ ndien owo ididụn̄ke aba ke esịt esie, enye idinyụn̄ idụhe ke ofụri emana.”+ 40  “Kpa nte Abasi okosobode Sodom ye Gomorrah+ ye mme obio oro ẹkedude ẹkpere enye,”+ uyo Jehovah edi emi, “baba owo kiet ididụn̄ke do, eyen owo idinyụn̄ idụn̄ke ke esịt esie nte esenowo.+ 41  “Sese! Mme owo ke ẹto edem edere ẹdi; ẹyenyụn̄ ẹdemede akwa idụt+ ye ikpọ ndidem+ ke mme ata nsannsan ikpehe isọn̄.+ 42  Mmọ ẹkama utịgha ye enyịm.+ Mmọ ẹbak ibak idinyụn̄ ituaha owo mbọm.+ Uyom mmọ ebiet inyan̄ emi oyomode,+ mmọ ẹyenyụn̄ ẹwat ke mme enan̄-mbakara;+ ẹtịm idem nte owo kiet ẹben̄e ndin̄wana ekọn̄ ye afo, O eyenan̄wan Babylon.+ 43  “Edidem Babylon omokop etop aban̄a mmọ,+ ubọk onyụn̄ emem enye.+ Nnanenyịn odu! Enye odu ke ọkpọsọn̄ ubiak, kpa nte n̄wan eke oyomde ndiman eyen.+ 44  “Sese! Owo ọyọdọk edi kpa nte ekpe emi ọwọrọde ke ọtọwọk ikọt oro aban̄de ke mben Jordan, aka ebietidụn̄ emi ebịghide,+ edi ke ediyịp enyịn ami nyanam mmọ ẹfen̄e ẹkpọn̄ enye.+ Nyonyụn̄ nnịm owo emi ẹmekde nte ese aban̄a enye.+ Koro anie ebiet mi,+ anie edinyụn̄ odomo idem ye ami,+ anie ndien edi ekpemerọn̄ emi ekemede ndida mi ke iso?+ 45  Mmọdo mbufo ẹkop uduak+ emi Jehovah aduakde aban̄a Babylon+ ye mme ekikere esie emi enye ekerede aban̄a isọn̄ mbon Chaldea.+ Ke akpanikọ ẹyedụri nditọerọn̄ ẹsan̄a.+ Ke akpanikọ, enye ayanam ebietidụn̄ mmọ akabade ndon ke ntak mmọ.+ 46  Uyom emi ọwọrọde ke ini ẹmụmde Babylon ayanam isọn̄ enyek,+ ẹyenyụn̄ ẹkop uyo eseme ke otu mme idụt.”+

Mme Ikọ Idakisọn̄

Mîdịghe, “mme okukịm erọn̄ ye mme okpoebot.”