Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 44;1-30

44  Uyo emi ekesịm Jeremiah aban̄a kpukpru mme Jew oro ẹdụn̄de ke isọn̄ Egypt,+ kpa mbon oro ẹdụn̄de ke Migdol+ ye ke Tahpanhes+ ye ke Noph+ ye ke isọn̄ Pathros,+ ete:  “Ntem ke Jehovah mme udịm, Abasi Israel, ọdọhọ ete, ‘Mbufo ke idem mbufo ẹmekụt kpukpru afanikọn̄ oro nnamde esịm Jerusalem+ ye kpukpru mme obio Judah, ndien sese mfịn emi mmọ ẹdi n̄wụre ebiet, baba andidụn̄ kiet inyụn̄ idụhe ke mmọ.+  Emi edi ke ntak idiọkn̄kpọ oro mmọ ẹkenamde man ẹyat mi esịt ke ndika n̄kanam nsụn̄ikan̄+ uwa ọwọrọ ọdọk nnyụn̄ nnam n̄kpọ nnọ mme abasi efen emi mmọ mîkọfiọkke, emi mbufo m̀mê mme ete ete mbufo mîkonyụn̄ ifiọkke.+  Ndien ami ndọn̄ kpukpru mme asan̄autom mi, kpa mme prọfet, utom ke ọtọ mbufo, mbabak ndemede ndọn̄,+ nte: “Mbọk, ẹkûnam orụk mbubiam n̄kpọ emi ami nsuade.”+  Edi mmọ ikopke,+ inyụn̄ ikpan̄ke utọn̄ man ẹwọn̄ọde ẹkpọn̄ idiọkn̄kpọ mmọ ke nditre ndinam nsụn̄ikan̄ uwa ọwọrọ ọdọk ọnọ mme abasi efen.+  Ntre mma n̄n̄wan̄a ifụtesịt mi, ye iyatesịt mi nduọk ndien enye asak ke mme obio Judah ye ke mme efak Jerusalem;+ ndien mmọ ẹkabade ẹdi n̄wụre ebiet, ẹdi ndon, tutu esịm mfịn emi.’+  “Ndien ke emi ntem ke Jehovah, Abasi mme udịm, Abasi Israel, ọdọhọ ete, ‘Ntak emi mbufo ẹnamde akwa afanikọn̄ esịm ukpọn̄ mbufo,+ man ẹsịbe eren ye n̄wan, eyenọwọn̄ ye eyen eke awapde eba,+ ẹfep ke otu mbufo ke Judah, tutu mbufo isụhọke nsụhọ inọ idem mbufo;  ke ndida utom ubọk mbufo nyat mi esịt ebe ke ndinam nsụn̄ikan̄ uwa ọwọrọ ọdọk ọnọ mme abasi+ efen ke isọn̄ Egypt, emi mbufo ẹbede ẹdụk man ẹkedụn̄ nte isenowo; man ẹnam ẹsịbe mbufo ẹfep, man ẹnyụn̄ ẹkabade ẹdi n̄kpọ isụn̄i ye n̄kpọ esuene ke otu kpukpru mme idụt isọn̄?+  Nte mbufo ẹmefre ndiọi edinam mme ete ete+ mbufo ye ndiọi edinam ndidem Judah+ ye ndiọi edinam iban+ mmọ ye ndiọi edinam mbufo ye ndiọi edinam iban mbufo,+ oro mmọ ẹkenamde ke isọn̄ Judah ye ke mme efak Jerusalem? 10  Ndien tutu esịm mfịn emi mmọ isụhọkede idem,+ ifeheke ndịk,+ inyụn̄ isan̄ake ke ibet+ mi ye ke mme ewụhọ mi oro n̄kenịmde mbufo ke iso ye ke iso mme ete ete mbufo.’+ 11  “Mmọdo ntem ke Jehovah mme udịm, Abasi Israel, ọdọhọ ete, ‘Sese ami ndinenke iso ye mbufo, nyonyụn̄ nda afanikọn̄ ntiene mbufo nnyụn̄ nsịbe ofụri Judah mfep.+ 12  Ndien nyomụm nsụhọ mbon Judah oro ẹwụkde iso mmọ ẹse Egypt ẹte idụk ikodụn̄ do nte isenowo,+ kpukpru mmọ ẹyenyụn̄ ẹsịm utịt mmọ ke isọn̄ Egypt.+ Mmọ ẹyeduọn̄ọ ke akan̄kan̄; akan̄+ oyonyụn̄ anam mmọ ẹsịm utịt, ọtọn̄ọde ke n̄kpri-n̄kan tutu esịm n̄kponn̄kan; mmọ ẹyekpan̄a ke akan̄kan̄ ye ke akan̄. Ndien mmọ ẹyekabade ẹdi mmọ eke ẹsụn̄ide ẹnyụn̄ ẹdi n̄kpọ n̄kpaidem ye n̄kpọ isụn̄i ye n̄kpọ esuene.+ 13  Ndien ami nyokot mbon oro ẹdụn̄de ke isọn̄ Egypt ẹdinam ibat, kpa nte n̄kadade akan̄kan̄, ye akan̄ ye idiọk udọn̄ọ+ n̄kot Jerusalem edinam ibat. 14  Ndien owo eke efehede m̀mê owo eke ọbọhọde ididụhe inọ nsụhọ Judah emi ẹdụkde isọn̄ Egypt+ man ẹkedụn̄ do nte isenowo, idem ndifiak nnyọn̄ isọn̄ Judah emi mmọ ẹmenerede ukpọn̄ mmọ ẹyom ndifiak nnyọn̄ n̄kodụn̄ do;+ koro mmọ mîdifiakke inyọn̄ ika do, ibọhọke ndusụk mbon oro ẹfehede ẹbọhọ.’” 15  Ndien kpukpru irenowo oro ẹkefiọkde ke iban mmimọ ẹma ẹsinam nsụn̄ikan̄ uwa ọwọrọ ọdọk ọnọ mme abasi efen,+ ye kpukpru ibanndọ oro ẹkedade nte akwa esop, ye kpukpru owo oro ẹdụn̄de ke isọn̄ Egypt,+ ke Pathros,+ ẹbọrọ Jeremiah, ẹte: 16  “Amaedi ikọ oro afo etịn̄de ọnọ nnyịn ke enyịn̄ Jehovah, nnyịn idikpan̄ke utọn̄ inọ fi;+ 17  edi nnyịn iditreke ndinam kpukpru ikọ oro ẹwọrọde nnyịn ke inua,+ man inam nsụn̄ikan̄ uwa ọwọrọ ọdọk ọnọ ‘ọbọn̄ an̄wan ikpaenyọn̄’+ inyụn̄ in̄wan̄a edin̄wọn̄ uwa+ iduọk inọ enye, kpa nte nnyịn+ ye mme ete ete+ nnyịn, ye ndidem+ nnyịn ye mbọn̄ nnyịn ikanamde ke mme obio Judah ye ke mme efak Jerusalem, ke ini emi nnyịn ikesidiade udia iyụhọ, n̄kpọ okonyụn̄ ọfọnde nnyịn, nnyịn mîkonyụn̄ ikwe baba afanikọn̄ kiet.+ 18  Ndien toto ke ini oro iketrede ndinam nsụn̄ikan̄ uwa ọwọrọ ọdọk ọnọ ‘ọbọn̄ an̄wan ikpaenyọn̄’+ inyụn̄ itrede ndin̄wan̄a edin̄wọn̄ uwa nduọk nnọ enye, nnyịn imanana kpukpru n̄kpọ, imonyụn̄ itak ke akan̄kan̄ ye ke akan̄.+ 19  “N̄ko, ke ini ikesinamde nsụn̄ikan̄ uwa ọwọrọ ọdọk ọnọ ‘ọbọn̄ an̄wan ikpaenyọn̄’+ ikesinyụn̄ imade ndin̄wan̄a edin̄wọn̄ uwa nduọk nnọ enye,+ nte nnyịn ikesibụpke mme ebe nnyịn mbemiso inamde uyo uwa inọ enye, man inam mbiet esie, inyụn̄ in̄wan̄a edin̄wọn̄ uwa iduọk inọ enye?”+ 20  Ekem Jeremiah ọdọhọ kpukpru owo, mme okopidem irenowo ye iban mmọ ye kpukpru owo, emi ẹkebọrọde enye ikọ, ete: 21  “Amaedi nsụn̄ikan̄ uwa oro mbufo ẹkenamde ọwọrọ ọdọk ke mme obio Judah ye ke mme efak Jerusalem,+ mbufo+ ye mme ete ete+ mbufo ye ndidem+ mbufo ye mbọn̄+ mbufo ye mbio obio, nte idịghe emi ke Jehovah eketi, nte idịghe emi okonyụn̄ odụk enye esịt?+ 22  Ke akpatre Jehovah ikekemeke aba ndiyọ emi ke ntak ndiọi edinam mbufo, ke ntak mme mbubiam n̄kpọ oro mbufo ẹkenamde,+ ndien isọn̄ mbufo akabade edi n̄wụre ebiet ye n̄kpọ n̄kpaidem ye n̄kpọ isụn̄i, onyụn̄ anana andidụn̄, tutu esịm mfịn emi.+ 23  Ke ntak oro mbufo ẹkenamde nsụn̄ikan̄+ uwa ọwọrọ ọdọk ẹnyụn̄ ẹnamde idiọkn̄kpọ ẹdue Jehovah+ mînyụn̄ ikopke uyo Jehovah+ mînyụn̄ isan̄ake ke ibet+ esie ye ke mme ewụhọ esie ye ke mme n̄kpọ oro enye etide mbufo, ntak edi oro afanikọn̄ emi esịmde mbufo mfịn emi.”+ 24  Ndien Jeremiah ọdọhọ kpukpru owo ye kpukpru iban ete: “Ẹkop uyo Jehovah, kpukpru mbufo mbon Judah emi ẹdụn̄de ke isọn̄ Egypt.+ 25  Ntem ke Jehovah mme udịm, Abasi Israel, ọdọhọ ete, ‘Amaedi mbufo irenowo ye iban+ mbufo, n̄ko mbufo iban emi ẹdade inua mbufo ẹtịn̄, (mbufo ẹmenyụn̄ ẹda ubọk mbufo ẹnam osu,) ẹte: “Nnyịn iditreke ndisio mme akan̄a oro nnyịn ikakan̄ade,+ ndinam nsụn̄ikan̄ uwa ọwọrọ ọdọk ọnọ ‘ọbọn̄ an̄wan ikpaenyọn̄’+ nnyụn̄ n̄n̄wan̄a edin̄wọn̄ uwa nduọk nnọ enye.”+ Mbufo iban emi iditreke ndikan̄a mme akan̄a mbufo, mbufo idinyụn̄ itreke ndisio mme akan̄a mbufo.’ 26  “Mmọdo ẹkop uyo Jehovah, kpukpru mbufo mbon Judah emi ẹdụn̄de ke isọn̄ Egypt,+ ‘“Sese ami mmotomo akwa enyịn̄ mi,”+ Jehovah ọdọhọ, “nte ke inua owo Judah+ ndomokiet idifiorike ikot enyịn̄ mi, ite, ‘Ma uwem Jehovah Akakan Ọbọn̄ Andikara!’+ ke ofụri isọn̄ Egypt. 27  Sese ami mmeben̄e idem nnọ mmọ kaban̄a afanikọn̄ idịghe kaban̄a eti n̄kpọ;+ ndien kpukpru mbon Judah emi ẹdude ke isọn̄ Egypt ẹyekpan̄a ke akan̄kan̄ ye ke akan̄, tutu mmọ idụhe aba.+ 28  Ndien amaedi mbon emi ẹfehede ẹbọhọ akan̄kan̄, mmọ ẹyeto isọn̄ Egypt ẹnyọn̄ ẹdi isọn̄ Judah, esisịt ke ibat;+ ndien kpukpru nsụhọ mbon Judah, emi ẹdide isọn̄ Egypt ndidụn̄ do nte isenowo, ẹyefiọk ikọ owo oro edide akpanikọ, m̀mê okịm m̀mê eke mmọ.”’”+ 29  “‘Ndien emi edi idiọn̄ọ oro ẹnọde mbufo,’+ uyo Jehovah edi emi, ‘nte ke ami mmọn̄ n̄wọn̄ọde enyịn mi nse mbufo ke ebiet emi, man mbufo ẹkpefiọk ẹte ke ikọ mi iditreke ndisu mbufo ke idem kaban̄a afanikọn̄:+ 30  Ntem ke Jehovah ọdọhọ ete: “Sese ami mmọn̄ nyak Pharaoh Hophra, edidem Egypt,+ nsịn ke ubọk mme asua esie ye ke ubọk mbon oro ẹyomde ukpọn̄ esie,+ kpa nte nyakde Zedekiah edidem Judah nsịn ke ubọk Nebuchadrezzar edidem Babylon, asua esie ye enye emi oyomde ukpọn̄ esie.”’”+

Mme Ikọ Idakisọn̄