Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 42;1-22

42  Ekem kpukpru mme etubom udịmekọn̄ ye Johanan+ eyen Kareah ye Jezaniah+ eyen Hoshaiah+ ye kpukpru owo, ọtọn̄ọde ke n̄kpri-n̄kan tutu esịm n̄kponn̄kan, ẹsan̄a ẹkpere  ẹnyụn̄ ẹdidọhọ prọfet Jeremiah ẹte: “Mbọk, eben̄e oro iben̄ede iyom mfọn akpakam edi ke iso fo, nyụn̄ bọn̄ akam ke ibuot nnyịn nọ Jehovah Abasi fo,+ ye ke ibuot kpukpru mme nsụhọ emi, koro ẹmeyak nnyịn isụhọ, esisịt ke otu ediwak,+ kpa nte enyịn fo okụtde nnyịn.  Jehovah Abasi fo akpakam asian nnyịn usụn̄ eke nnyịn ikpasan̄ade ye n̄kpọ eke nnyịn ikpanamde.”+  Ntem prọfet Jeremiah ọdọhọ mmọ ete: “Mmokop. Sese ami mmọn̄ mbọn̄ akam nnọ Jehovah Abasi mbufo nte ekemde ye ikọ mbufo;+ ndien ama ekem ami nyasian mbufo kpukpru ikọ oro Jehovah edibọrọde mbufo.+ Ndidịpke mbufo baba ikọ kiet.”+  Ndien mmọ ẹdọhọ Jeremiah ẹte: “Jehovah akpakam edi anam-akpanikọ ye ntiense akpanikọ ọnọ nnyịn+ edieke nnyịn mîdinamke nte ekemde ye kpukpru ikọ emi Jehovah Abasi fo edidọn̄de fi ete edisian nnyịn.+  Edide eti m̀mê idiọk, edi uyo Jehovah Abasi nnyịn emi nnyịn idọn̄de fi aka ebịne ke nnyịn idikop, man ọkpọfọn ye nnyịn koro nnyịn ikopde uyo Jehovah Abasi nnyịn.”+  Edikem ke utịt usen duop uyo Jehovah esịm Jeremiah.+  Ntre enye okot Johanan eyen Kareah ye kpukpru mme etubom udịmekọn̄ emi ẹdude ye enye onyụn̄ okot kpukpru owo, ọtọn̄ọde ke n̄kpri-n̄kan tutu esịm n̄kponn̄kan;+  ndien enye ọdọhọ mmọ ete: “Ntem ke Jehovah Abasi Israel, emi mbufo ẹkedọn̄de mi ẹte mmen eben̄e emi mbufo ẹkeben̄ede ẹyom mfọn nnịm enye ke iso,+ ọdọhọ ete, 10  ‘Edieke mbufo ẹdikade iso ẹdụn̄ ke isọn̄ emi,+ ami n̄ko nyọbọp mbufo ndinyụn̄ n̄wụrike mbufo, ami nyonyụn̄ ntọ mbufo ndinyụn̄ ndịbekede mbufo;+ koro nyokpụhọ ekikere* ke afanikọn̄ oro nnamde esịm mbufo.+ 11  Ẹkûfehe ndịk ke ntak edidem Babylon, emi ndịk esie anamde mbufo.’+ “‘Ẹkûfehe ndịk ke ntak esie,’+ uyo Jehovah edi emi, ‘koro ami ndude ye mbufo, man nnyan̄a mbufo nnyụn̄ nsio mbufo ke ubọk esie.+ 12  Ndien ami nyowụt mbufo mbọm, enye oyonyụn̄ atua mbufo mbọm onyụn̄ ada mbufo afiak edi ke isọn̄ mbufo.+ 13  “‘Edi edieke mbufo ẹdọhọde ẹte: “Baba; nnyịn ididụn̄ke ke isọn̄ emi!” mbak mbufo ẹdikop uyo Jehovah Abasi mbufo,+ 14  ẹdinyụn̄ ẹdọhọde ẹte: “Baba, edi isọn̄ Egypt ke nnyịn ididụk,+ emi nnyịn mîdikwe baba ekọn̄ kiet mîdinyụn̄ ikopke uyom nnụk, biọn̄ mîdinyụn̄ idọn̄ke nnyịn; ndien do ke nnyịn ididụn̄”;+ 15  ke emi ẹkop uyo Jehovah, O nsụhọ Judah. Ntem ke Jehovah mme udịm, Abasi Israel, ọdọhọ ete: “Edieke mbufo ẹdisọn̄ọde ẹbiere ndika Egypt ndien mbufo ẹdụk ke esịt ẹnyụn̄ ẹkedụn̄ nte isenowo,+ 16  ama ekem kpa akan̄kan̄ oro mbufo ẹfehede eyesịm mbufo do ke isọn̄ Egypt,+ akan̄ oro mbufo ẹkam ẹkopde ndịk ẹban̄a ayata adiana mbufo edisịm Egypt;+ do ke mbufo ẹdinyụn̄ ẹkpan̄a.+ 17  Ndien ama ekem kpukpru mbon oro ẹwụkde iso mmọ ẹse Egypt ẹte idụk ke esịt ikodụn̄ do nte isenowo ẹdidi mmọ emi ẹdikpan̄ade ke akan̄kan̄, ye ke akan̄ ye ke idiọk udọn̄ọ;+ ndien mmọ idinyeneke owo eke ọbọhọde m̀mê owo eke efehede, ke ntak afanikọn̄ oro ndidade ntiene mmọ.”’+ 18  “Koro ntem ke Jehovah mme udịm, Abasi Israel, ọdọhọ ete, ‘Kpa nte ẹn̄wan̄ade iyatesịt mi ye ifụtesịt mi ẹfụk mme andidụn̄ Jerusalem,+ kpa ntre ke ẹdin̄wan̄a ifụtesịt mi ẹfụk mbufo ke ntak emi mbufo ẹdụkde Egypt, ndien mbufo ẹyekabade ẹdi mmọ eke ẹsụn̄ide ẹnyụn̄ ẹdi n̄kpọ n̄kpaidem ye n̄kpọ isụn̄i ye n̄kpọ esuene,+ ndien mbufo idikwe ebiet emi aba.’+ 19  “Jehovah ọmọdọhọ aban̄a mbufo, O nsụhọ Judah. Ẹkûka ẹkedụk Egypt.+ Mbufo ẹtịm ẹfiọk ẹte ke ami mmetie ntiense mban̄a mbufo mfịn emi,+ 20  nte ke mbufo ẹmedue ukpọn̄ mbufo;+ koro mbufo ẹmedọn̄ mi mbịne Jehovah Abasi mbufo, ẹdọhọde ẹte, ‘Bọn̄ akam ke ibuot nnyịn nọ Jehovah Abasi nnyịn; ndien nte ekemde ye kpukpru n̄kpọ oro Jehovah Abasi nnyịn ọdọhọde, sian nnyịn kpa ntre, ndien nnyịn iyanam.’+ 21  Ndien ami mmasian mbufo mfịn emi, edi mbufo idikopke uyo Jehovah Abasi mbufo, idinyụn̄ inamke baba n̄kpọ kiet emi enye ọdọn̄de mi ete ndisian mbufo.+ 22  Ndien ke emi, ẹtịm ẹfiọk ẹte ke mbufo ẹyekpan̄a ke akan̄kan̄,+ ye ke akan̄ ye ke idiọk udọn̄ọ ke ebiet emi mbufo ẹdatde esịt ndidụk n̄kodụn̄ nte isenowo.”+

Mme Ikọ Idakisọn̄

At. Ed., “nyatua n̄kpọfiọk.”