Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 41;1-18

41  Edikem ke ọyọhọ ọfiọn̄ itiaba, Ishmael+ eyen Nethaniah eyen Elishama+ emi otode ubon edidem+ onyụn̄ edide kiet ke otu mme akpan owo edidem asan̄a ye owo duop en̄wen edi ebịne Gedaliah eyen Ahikam ke Mizpah.+ Ndien mmọ ẹdia udia do ọtọkiet ke Mizpah.+  Ekem Ishmael eyen Nethaniah ye owo duop oro ẹdude ye enye ẹdaha ke enyọn̄ ẹwot Gedaliah eyen Ahikam eyen Shaphan ke akan̄kan̄.+ Ntre enye owot enye emi edidem Babylon ekemekde ete ese aban̄a isọn̄ oro.+  Ndien Ishmael owot kpukpru mme Jew oro ẹdude ye enye, oro edi, ye Gedaliah, ke Mizpah, ye kpukpru mbon Chaldea oro ẹkekụtde do, oro edi, mbonekọn̄.  Ndien edikem ke ọyọhọ usen iba ke ẹma ẹkewot Gedaliah, ke ini baba owo kiet mîkọfiọkke iban̄a,+  mme owo ẹto Shechem+ ye Shiloh+ ye Samaria+ ẹdi, kpa iren anan̄ oro ẹma ẹkekwat+ ntan̄ebek mmọ ẹnyụn̄ ẹwai ọfọn̄idem mmọ ẹnyụn̄ ẹkpi idemmọ,+ ndien mmọ ẹkama uwa n̄kpasịp ye frankincense+ ke ubọk man ẹda ẹdi ufọk Jehovah.  Ntre Ishmael eyen Nethaniah oto ke Mizpah ọwọrọ aka ndisobo ye mmọ, asan̄a atua eyet.+ Ndien edikem ke ndondo oro enye osobode ye mmọ, enye ọdọhọ mmọ ete: “Ẹdi ẹbịne Gedaliah eyen Ahikam.”  Edikem ke ndondo oro mmọ ẹdụkde ẹdisịm ufọt obio, Ishmael eyen Nethaniah owot mmọ onyụn̄ otomo mmọ ọdọn̄ ke esịt obube udọn̄ mmọn̄, enye ye mbon oro ẹdude ye enye.+  Edi ẹkụt owo duop ke otu mmọ emi, ndien mmọ ẹsọsọp ẹdọhọ Ishmael ẹte: “Kûwot nnyịn, koro imenyene n̄kpọuto oro idịpde ke in̄wan̄, wheat ye barley ye aran ye aranọkwọk.”+ Ntre enye osion̄o idem efep inyụn̄ iwotke mmọ ke otu nditọete mmọ.  Ndien obube udọn̄ mmọn̄ oro Ishmael+ okotomode kpukpru okpo mbon oro enye okowotde ọdọn̄ ekedi akwa obube udọn̄ mmọn̄, enye oro Edidem Asa akanamde ke ntak Baasha edidem Israel.+ Enye ke Ishmael eyen Nethaniah ọkọdọn̄ mbon oro enye okowotde ọyọhọ. 10  Ekem Ishmael omụm kpukpru mbon oro ẹkesụhọde ke Mizpah+ nte mbuotekọn̄, nditọiban edidem+ ye kpukpru mbon oro ẹkesụhọde ke Mizpah,+ emi Nebuzaradan etubom mbon ukpeme akayakde esịn Gedaliah eyen Ahikam ke ubọk.+ Ntre Ishmael eyen Nethaniah omụm mmọ nte mbuotekọn̄ onyụn̄ adaha ete ibe ibịne nditọ Ammon.+ 11  Ekem Johanan+ eyen Kareah ye kpukpru mme etubom udịmekọn̄+ emi ẹdude ye enye ẹkop kpukpru idiọkn̄kpọ oro Ishmael eyen Nethaniah akanamde. 12  Mmọdo mmọ ẹda kpukpru irenowo ẹka ndin̄wana ye Ishmael eyen Nethaniah ẹnyụn̄ ẹkekụt enye ke ebiet emi akwa mmọn̄ odude ke Gibeon.+ 13  Edikem ke ndondo oro kpukpru owo emi ẹdude ye Ishmael ẹkụtde Johanan eyen Kareah ye kpukpru mme etubom udịmekọn̄ emi ẹdude ye enye, mmọ ẹtọn̄ọ ndidat esịt. 14  Ndien kpukpru owo oro Ishmael okomụmde nte mbuotekọn̄ ke Mizpah+ ẹwọn̄ọde ẹfiak edem ẹnyụn̄ ẹdi ẹtiene Johanan eyen Kareah. 15  Ndien Ishmael eyen Nethaniah ada owo itiaita efehe ọbọhọ+ Johanan, man enye akpaka ebịne nditọ Ammon. 16  Johanan+ eyen Kareah ye kpukpru mme etubom udịmekọn̄ emi ẹdude ye enye ada kpukpru mbon oro ẹkesụhọde emi mmọ ẹkebọde Ishmael eyen Nethaniah, ke Mizpah, ke enye ama okowot Gedaliah+ eyen Ahikam, enye ada mme okopidem irenowo, mbonekọn̄, ye iban mmọ ye n̄kpri nditọ ye mme adaidaha okụre ke Gibeon afiak edi. 17  Ntre mmọ ẹka ẹkedụn̄ ke itienna Chimham oro odude ekpere Bethlehem,+ man mmọ ẹkpeka ẹkedụk Egypt,+ 18  ke ntak mbon Chaldea;+ koro mmọ ẹkekopde ndịk ẹban̄a mmọ,+ sia Ishmael eyen Nethaniah ama okowot Gedaliah eyen Ahikam,+ emi edidem Babylon ekemekde ete ese aban̄a isọn̄ oro.+

Mme Ikọ Idakisọn̄