Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 40;1-16

40  Uyo Jehovah emi ekesịm Jeremiah ke Nebuzaradan+ etubom mbon ukpeme ama akasana enye ayak ke Ramah,+ ẹma ẹsịn enye ebuka ke ubọk ke ini enye okosiode enye ke otu kpukpru mbon ntan̄mfep Jerusalem ye Judah, emi ẹketan̄de ẹka ntan̄mfep ke Babylon.+  Ekem etubom mbon ukpeme ada Jeremiah edi onyụn̄ ọdọhọ enye ete: “Jehovah Abasi fo ọkọdọhọ ke afanikọn̄ emi eyesịm ebiet emi,+  man Jehovah akpanam enye osu onyụn̄ anam kpa nte enye ọkọdọhọde, koro mbufo ẹmenam idiọkn̄kpọ ẹdue Jehovah inyụn̄ ikopke uyo esie. Ndien n̄kpọ emi emetịbe ọnọ mbufo.+  Ndien, ke emi, sese! mfịn emi ami mmosio fi ebuka oro ẹkedude fi ke ubọk. Edieke ọfọnde fi ke enyịn nditiene mi ndi Babylon, di, ndien ami nyetịn̄ enyịn nse fi.+ Edi edieke ọdiọkde fi ke enyịn nditiene mi ndi Babylon, fiak. Sese! Ofụri isọn̄ odu fi ke iso. Ebiet ekededi oro ọfọnde onyụn̄ enende fi ke enyịn ndika, ka do.”+  Ndien enye ikebiereke kan̄a ndika, ke ini Nebuzaradan ọkọdọhọde enye ete: “Fiak tiene Gedaliah+ eyen Ahikam+ eyen Shaphan,+ emi edidem Babylon emekde ete ese aban̄a mme obio Judah, nyụn̄ dụn̄ ye enye ke otu mbio obio; mîdịghe ebiet ekededi eke enende fi ke enyịn ndika, ka.”+ Ekem etubom mbon ukpeme ọnọ enye udeme udia esie ye enọ onyụn̄ ayak enye aka.+  Ntre Jeremiah edi ebịne Gedaliah+ eyen Ahikam ke Mizpah+ onyụn̄ edidụn̄ ye enye ke otu mbio obio oro ẹkeyakde ẹsụhọ ke isọn̄.  Edikem kpukpru mme etubom udịmekọn̄ oro ẹkedude ke an̄wa,+ mmọ ye ikọt mmọ, ẹkop ke edidem Babylon ama emek Gedaliah eyen Ahikam ete ese aban̄a isọn̄ oro onyụn̄ emek enye ete ese aban̄a iren ye iban ye n̄kpri nditọ ye ndusụk mme usụhọde owo isọn̄ oro, emi owo mîkatan̄ke ika ntan̄mfep ke Babylon.+  Ntre mmọ ẹdi ẹbịne Gedaliah ke Mizpah, Ishmael+ eyen Nethaniah ye Johanan+ ye Jonathan, nditọ Kareah, ye Seraiah eyen Tanhumeth ye nditọ Ephai owo Netophah+ ye Jezaniah+ owo Maacath+ ẹnyụn̄ ẹtiene ẹdi, mmọ ye ikọt mmọ.+  Ndien Gedaliah+ eyen Ahikam+ eyen Shaphan+ ọn̄wọn̄ọ+ ọnọ mmọ ye ikọt mmọ, ete: “Ẹkûkop ndịk ndinam n̄kpọ nnọ mbon Chaldea. Ẹdụn̄ ke isọn̄ emi ẹnyụn̄ ẹnam n̄kpọ ẹnọ edidem Babylon, ndien ọyọfọn ye mbufo.+ 10  Ndien sese, ami ndụn̄ ke Mizpah,+ man nda ke iso mbon Chaldea emi ẹdidide ẹbịne nnyịn. Ndien mbufo ẹtan̄ wine+ ye mme mfri ndaeyo ye aran ẹdọn̄ ke mme n̄kpọ udọn̄n̄kpọ mbufo ẹnyụn̄ ẹdụn̄ ke mme obio mbufo oro mbufo ẹdade ẹnyene.” 11  Ndien kpukpru mme Jew oro ẹdude ke Moab ye ke otu nditọ Ammon ye ke Edom ye mbon oro ẹdude ke kpukpru mme idụt eken,+ ẹdikop ke edidem Babylon ama osụhọ ndusụk owo ke Judah ye nte ke enye ama emek Gedaliah+ eyen Ahikam eyen Shaphan ete ese aban̄a mmọ. 12  Ndien kpukpru mme Jew ẹtọn̄ọ ndito kpukpru ebiet oro ẹkesuande mmọ ẹdọn̄ nnyọn̄ ndi, ndien mmọ ẹnyọn̄ ẹdi isọn̄ Judah ẹbịne Gedaliah ke Mizpah.+ Ndien mmọ ẹtan̄ ata ediwak wine ye mfri ndaeyo. 13  Ndien Johanan+ eyen Kareah+ ye kpukpru mme etubom udịmekọn̄ emi ẹdude ke an̄wa+ ẹdi ẹbịne Gedaliah ke Mizpah. 14  Mmọ ẹnyụn̄ ẹdidọhọ enye ẹte: “Nte afo ukam ufiọkke ke Baalis, edidem nditọ Ammon,+ ọmọdọn̄ Ishmael+ eyen Nethaniah+ ete ediyịbi ukpọn̄ fo owot?” Edi Gedaliah eyen Ahikam inịmke mmọ ke akpanikọ.+ 15  Ndien Johanan+ eyen Kareah ọdọhọ Gedaliah, ke ebiet udịbe ke Mizpah, ete: “Nyom ndika n̄kowot Ishmael eyen Nethaniah, ndien baba owo kiet idifiọkke.+ Ntak emi enye ekpeyịbide ukpọn̄ fo owot, ndien ntak emi ofụri mbon Judah oro ẹsopde idem ọtọkiet ẹtiene fi ẹkpesuanade, nsụhọ Judah ẹkpenyụn̄ ẹtakde?”+ 16  Edi Gedaliah+ eyen Ahikam+ ọdọhọ Johanan eyen Kareah ete: “Kûnam n̄kpọ emi, koro nsu ke afo osu odori Ishmael.”+

Mme Ikọ Idakisọn̄