Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 4;1-31

4  “O Israel, edieke afo edifiakde edi,” uyo Jehovah edi emi, “afo emekeme ndifiak ntiene mi.+ Ndien edieke afo edimende mme mbubiam n̄kpọ fo efep ke ntak mi,+ do afo udukaha nte owo nyon̄.  Ndien edieke afo edin̄wọn̄ọde ete,+ ‘Ma uwem Jehovah ke akpanikọ,+ ke unenikpe ye ke edinen ido!’+ ke enye ke mme idụt ẹdibọ edidiọn̄, ndien ke enye ke mmọ ẹdibụre ẹban̄a idemmọ.”+  Koro ntem ke Jehovah ọdọhọ mbon Judah ye Jerusalem ete: “Ẹfụn̄ isọn̄ eke ọfọnde n̄kpọ ẹnọ idem mbufo, ẹkûnyụn̄ ẹtọ n̄kpọ ke ikọt n̄kukịm.+  Ẹna mbobi ẹnọ Jehovah, ẹnyụn̄ ẹsịbe edụt esịt+ mbufo ẹfep, mbufo mbon Judah ye mme andidụn̄ Jerusalem; mbak ifụtesịt mi edibụbede nte ikan̄ onyụn̄ asak ke ntak ndiọi edinam mbufo, ndien baba owo kiet idụhe eke enịmede enye.”+  Mbufo ẹtịn̄ ke Judah, ẹkwọrọ ke Jerusalem,+ ẹtan̄a, ẹnyụn̄ ẹfri nnụk ke ofụri isọn̄.+ Ẹfiori ke ọkpọsọn̄ uyo ẹte: “Ẹsop idem ọtọkiet, ẹnyụn̄ ẹyak nnyịn idụk mme obio ibibene.+  Ẹmenede idiọn̄ọ ẹnyan ke Zion. Ẹnam ebiet ubọhọ. Ẹkûtuak ẹda.” Koro ami mmọn̄ nda afanikọn̄ nto edem edere+ ndi, ọkọrọ ye akwa iduọ.  Enye ọmọdọk aka nte ekpe eke ọwọrọde ke ọtọwọk ikọt esie,+ ndien owo eke osobode mme idụt amadaha isan̄;+ enye ọmọwọrọ ke ebiet esie aka man akanam isọn̄ fo edi n̄kpọ n̄kpaidem. Mme obio fo ẹyewụre tutu baba andidụn̄ kiet idụhe.+  Ke ntak emi, mbufo ẹsịne ọfọn̄ ntuan̄a.+ Ẹmia ikpanesịt mbufo ẹnyụn̄ ẹtuan̄a,+ koro ikan̄-ikan̄ iyatesịt Jehovah iwọn̄ọkede ikpọn̄ nnyịn.+  “Ndien ama ekem ke usen oro,” uyo Jehovah edi emi, “esịt edidem eyeyemede,+ esịt mbọn̄ eyeyemede n̄ko; ndien idem ayakpa mme oku, mme prọfet ẹyenyụn̄ ẹdu ke n̄kpaidem.”+ 10  Ndien ami ndọhọ nte: “O Jehovah Akakan Ọbọn̄ Andikara! Ke akpanikọ afo emetịm abian̄a mbon+ emi ye Jerusalem, ọdọhọde ete, ‘Mbufo ẹyenyene emem,’+ ndien akan̄kan̄ emesịm ukpọn̄ mmọ.” 11  Ke ini oro ẹyedọhọ mbon emi ye Jerusalem ẹte: “Ufiop ofụm emi otode mme afan̄usụn̄ ke efịme ebe wilderness+ aka ndisịm eyenan̄wan ikọt mi;+ enye ifịmeke man efri ikpọk osion̄o ke n̄kpọ inyụn̄ ifịmeke man anam ebiet asana. 12  Ọkpọsọn̄ ofụm oto mmọ emi esịm mi. Ke emi, ami n̄ko mmọn̄ ntịn̄ mme ubiereikpe emi mban̄a mmọ.+ 13  Sese! Enye ọyọdọk edi nte obubịt enyọn̄, ndien mme chariot esie ẹbiet ọkpọsọn̄ ofụm.+ Mme enan̄-mbakara esie ẹsọp ẹkan mme ntrukpom.+ Mbọm nnyịn, koro ẹmebụme nnyịn! 14  Yet esịt fo asana ọbọhọ idiọkn̄kpọ, O Jerusalem, man ẹkpenyan̄a fi.+ Adan̄a didie ke mme ukwan̄ ekikere fo ẹdisụk ẹdu ye afo?+ 15  Koro uyo oto ke Dan+ etịn̄ ikọ onyụn̄ oto ke obot obot ikpehe Ephraim+ ọkwọrọ ibak. 16  Mbufo ẹtịn̄ emi, ih, ẹtịn̄ emi ẹnọ mme idụt. Ẹkwọrọ emi ẹban̄a Jerusalem.” “Mbon ukpeme ke ẹto anyan idụt ẹdi,+ mmọ ẹyenyụn̄ ẹmenede uyo mmọ ẹban̄a mme obio Judah. 17  Kpa nte mme ekpeme in̄wan̄, mmọ ẹmen̄wana ye enye ke kpukpru edem,+ koro enye ọmọsọn̄ ibuot ye ami,”+ uyo Jehovah edi emi. 18  “Ẹyeda usụn̄ fo ye mme edinam fo ẹdori fi ke idem.+ Emi edi afanikọn̄ eke edisịmde fi, koro enye ododoro; koro enye emesịm fi esịt.” 19  O nsia mi, nsia mi! Mmokop ọkpọsọn̄ ubiak ke esịt mi.+ Esịt etịmede mi ke idem.+ N̄kemeke ndidop uyo, koro ukpọn̄ mi okopde uyom nnụk, kpa n̄kpo ekọn̄.+ 20  Ke ẹfiori iduọ, iduọ, koro ẹmebụme ofụri isọn̄.+ Ẹmebụme mme tent mi ke mbuari,+ ẹnyụn̄ ẹbụme mme ọfọn̄ tent mi ke idaha kiet. 21  Adan̄a didie ke ndikụt idiọn̄ọ, nnyụn̄ n̄kop uyom nnụk?+ 22  Koro ikọt mi ẹdi ndisịme.+ Mmọ ifiọkke mi.+ Mmọ ẹdi nditọ emi mînyeneke ọniọn̄; mmọ inyụn̄ idịghe mbon oro ẹnyenede asian.+ Mmọ ẹfiọk ndinam idiọk, edi ifiọkke ndinam eti.+ 23  Mma n̄kụt isọn̄, ndien, sese! enye ekedi ikpîkpu ye ukpọk;+ nnyụn̄ n̄kụt enyọn̄, ndien un̄wana esie ikodụhe aba.+ 24  Mma n̄kụt ikpọ obot, ndien, sese! mmọ ke ẹnyek, n̄kpri obot ke ẹnyụn̄ ẹnyen̄e.+ 25  Mma n̄kụt, ndien, sese! baba owo kiet idụhe, kpukpru mme edibotn̄kpọ emi ẹfede ke enyọn̄ ẹnyụn̄ ẹfen̄e.+ 26  N̄kụt, ndien, sese! in̄wan̄ mfri akabade edi wilderness, ẹnyụn̄ ẹwụri kpukpru mme obio esie.+ Jehovah akanam emi, ikan̄-ikan̄ iyatesịt esie okonyụn̄ anam emi. 27  Koro ntem ke Jehovah ọdọhọ ete: “Ofụri isọn̄ ayakabade ndon,+ ndien nte ami ndidaha ata nsobo ndi?+ 28  Emi eyesịn isọn̄ ofụhọ,+ enyọn̄ oyonyụn̄ ekịm.+ Koro mmọdọhọ, mmonyụn̄ nduak, nnyụn̄ ntuaha n̄kpọfiọk, ndinyụn̄ n̄kabakede n̄kpọn̄ enye.+ 29  Ofụri obio ẹmefen̄e+ ke ntak uyom mme awat enan̄-mbakara ye mme otop utịgha. Mmọ ẹmedụk ọtọwọk ikọt ẹnyụn̄ ẹdọk ikpọ itiat.+ Ẹmekpọn̄ kpukpru obio, ndien baba owo kiet idụn̄ke ke esịt mmọ.” 30  Ke emi ẹma ẹkebụme fi, nso ke afo edinam, afo emi ekesisịnede ididuot ọfọn̄, onyụn̄ adade n̄kpọmbana gold abana idem, onyụn̄ adade obubịt n̄kpọ mmaidem anam enyịn fo ẹkponi?+ Afo ekesibana idem eye ke ikpîkpu.+ Mbon oro ẹkediọkde itọn̄ ẹyom fi ẹmesịn fi; mmọ ẹyom ukpọn̄ fo.+ 31  Koro n̄kop uyo eke ebietde uyo n̄wan emi ọdọn̄ọde, nnanenyịn eke ebietde eke n̄wan emi oyomde ndiman akpa eyen esie,+ uyo eyenan̄wan Zion emi en̄wekde oyom ofụm. Enye osụk atat ekaubọk esie ete:+ “Mbọm mi ke emi, koro ukpọn̄ mi amakpa mba aban̄a mme owotowo!”+

Mme Ikọ Idakisọn̄