Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 37;1-21

37  Ndien Edidem Zedekiah+ eyen Josiah+ ọtọn̄ọ ndikara ke itie Coniah+ eyen Jehoiakim,+ emi Nebuchadrezzar edidem Babylon akanamde edi edidem ke isọn̄ Judah.+  Ndien enye ye mme asan̄autom esie ye mbio obio ikokopke uyo Jehovah+ oro enye akadade prọfet Jeremiah etịn̄.+  Ndien Edidem Zedekiah ọdọn̄ Jehucal+ eyen Shelemiah ye Zephaniah+ eyen Maaseiah+ oku ẹkedọhọ prọfet Jeremiah, ẹte: “Mbọk, bọn̄ akam ke ibuot nnyịn nọ Jehovah Abasi nnyịn.”+  Ndien Jeremiah ekedi ododụk ọwọwọrọ ke otu mme owo,+ koro mmọ ikesịnke enye ke ufọk n̄kọbi-ntem.  Ndien udịmekọn̄ Pharaoh ẹto Egypt ẹdi;+ mbon Chaldea oro ẹkekande Jerusalem ẹkụk ẹkop etop mmọ. Ntre mmọ ẹfiak edem inyụn̄ in̄wanake ye Jerusalem.+  Ekem uyo Jehovah esịm prọfet Jeremiah, ete:  “Ntem ke Jehovah Abasi Israel ọdọhọ ete, ‘Ntem ke mbufo ẹdidọhọ edidem Judah, enye emi ọdọn̄de mbufo ẹdi ẹbịne mi ẹdibụp mi n̄kpọ,+ ẹte: “Sese! Udịmekọn̄ Pharaoh oro ẹdide ẹbịne mbufo man ẹdin̄wam mbufo ẹyefiak edem ẹnyọn̄ isọn̄ mmọ, oro edi, Egypt.+  Ndien mbon Chaldea ẹyefiak ẹdi ẹdin̄wana ye obio emi ẹnyụn̄ ẹkan enye ẹnyụn̄ ẹfọp enye ke ikan̄.”+  Ntem ke Jehovah ọdọhọ ete: “Ẹkûbian̄a ukpọn̄ mbufo,+ ẹte, ‘Mbon Chaldea iditreke ndidaha n̄kpọn̄ nnyịn,’ koro mmọ ididahake. 10  Koro edieke mbufo ẹkpewotde ofụri udịmekọn̄ mbon Chaldea emi ẹn̄wanade ye mbufo+ ndien mbon oro ẹnọde unan ẹsụhọ ke otu mmọ,+ owo mmọ kiet kiet ke tent esie akpadaha ke enyọn̄ ọfọp obio emi ke ikan̄.”’” 11  Ndien edikem ke udịmekọn̄ mbon Chaldea ẹma ẹkefiak edem ẹtre ndin̄wana ye Jerusalem+ ke ntak udịmekọn̄ Pharaoh,+ 12  Jeremiah ọwọrọ ke Jerusalem aka isọn̄ Benjamin+ man ọkọbọ udeme esie do ke otu mbio obio. 13  Edikem ke ini emi enye odude ke Inuaotop Benjamin,+ adaidaha oro edide esenyịn, emi enyịn̄ esie edide Irijah eyen Shelemiah eyen Hananiah, ama odu do. Enye ọsọsọp omụm prọfet Jeremiah, onyụn̄ ọdọhọ ete: “Afo oyom ndiwọrọ ntiene mbon Chaldea!” 14  Edi Jeremiah ọdọhọ ete: “Ososu!+ Ami nyomke ndiwọrọ ntiene mbon Chaldea.” Edi enye ikopke uyo esie. Ntre Irijah omụm Jeremiah ada ọsọk mbọn̄. 15  Ndien mbọn̄+ ẹyat esịt ye Jeremiah,+ ẹmia enye+ ẹnyụn̄ ẹsịn enye ke ufọk-n̄kpọkọbi,+ ke ufọk Jehonathan+ ewetn̄wed, koro mi ke mmọ ẹkenam edi ufọk n̄kọbi-ntem.+ 16  Ke ini Jeremiah odụkde edi ufọk obube udọn̄ mmọn̄+ onyụn̄ ebede odụk ubet idakisọn̄, ndien Jeremiah odu do ediwak usen. 17  Ndien Edidem Zedekiah ọdọn̄ ẹkeda enye ẹdi, ndien edidem obụp enye mbụme ke ufọk esie ke ebiet udịbe.+ Enye onyụn̄ ọdọhọ ete: “Ndi ikọ eke otode Jehovah odu?” Jeremiah ọdọhọ ete: “Odu!” Enye onyụn̄ ọdọhọ n̄ko ete: “Ẹyeyak fi ẹsịn ke ubọk edidem Babylon!”+ 18  Ekem Jeremiah ọdọhọ Edidem Zedekiah ete: “Ke nso usụn̄ ke ami nnam idiọkn̄kpọ ndue fi ye mme asan̄autom fo ye mbon emi,+ emi anamde mbufo ẹsịn mi ke ufọk n̄kọbi-ntem? 19  Enye mme prọfet mbufo oro ẹketịn̄de ntịn̄nnịm ikọ ẹnọ mbufo, ẹte, ‘Edidem Babylon ididịghe idin̄wana ye mbufo idinyụn̄ in̄wanake ye isọn̄ emi’?+ 20  Ndien ke emi, mbọk, kop, O ọbọn̄ mi edidem. Mbọk, eben̄e mi oro mben̄ede nyom mfọn+ akpakam edi ke iso fo, kûnyụn̄ unọ mi mfiak n̄ka ufọk Jehonathan+ ewetn̄wed, mbak ami ndikpa do.”+ 21  Ntem Edidem Zedekiah ọnọ ewụhọ, ndien mmọ ẹkọbi Jeremiah ke Okụre Ufọk Ukpeme;+ ndien kpukpru usen, ẹsinọ enye ekara uyo kiet emi otode efak mme asan̄uyo,+ tutu kpukpru uyo ẹkụre ke obio.+ Ndien Jeremiah osụk odu ke Okụre Ufọk Ukpeme.+

Mme Ikọ Idakisọn̄