Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 35;1-19

35  Uyo Jehovah emi ekesịm Jeremiah ke eyo Jehoiakim+ eyen Josiah, edidem Judah, ete:  “Ka ke ufọk nditọ Rechab,+ nyụn̄ kenyene nneme ye mmọ nyụn̄ da mmọ dụk ufọk Jehovah, da mmọ dụk kiet ke otu mme ubet udia; nyụn̄ nọ mmọ wine ẹn̄wọn̄.”  Ntre ami nda Jaazaniah eyen Jeremiah eyen Habazziniah ye nditọete esie, ye kpukpru nditọiren esie, ye kpukpru mbonufọk nditọ Rechab,  ndien ami nda mmọ ndụk ke ufọk Jehovah, ke ubet udia+ nditọ Hanan eyen Igdaliah, owo ata Abasi, emi odude adiana ubet udia mbọn̄ ke enyọn̄ ubet udia Maaseiah eyen Shallum,+ ekpeme-usụn̄.  Ekem ami mmen mme cup emi wine ọyọhọde ye mme omụk nnịm nditọ ufọk Rechab ke iso nnyụn̄ ndọhọ mmọ nte: “Ẹn̄wọn̄ wine.”  Edi mmọ ẹdọhọ ẹte: “Nnyịn idin̄wọn̄ke wine, koro Jonadab eyen Rechab,+ ete ete nnyịn, okowụkde nnyịn ete, ‘Mbufo ẹkûn̄wọn̄ wine, edide mbufo m̀mê nditọ mbufo, ke nsinsi.+  Mbufo ẹkûnyụn̄ ẹbọp ufọk, ẹkûnyụn̄ ẹtọ n̄kpasịp; mbufo ẹkûnyụn̄ ẹtọ in̄wan̄ vine, ẹkûnyụn̄ ẹda enye ẹnyene. Edi ẹdụn̄ ke tent ke ofụri usen mbufo, man mbufo ẹkpedu uwem ediwak usen ke iso isọn̄ emi mbufo ẹdụn̄de nte isenowo.’+  Ntre nnyịn ikop uyo Jehonadab eyen Rechab ete ete nnyịn ke kpukpru n̄kpọ oro enye okowụkde+ nnyịn inyụn̄ in̄wọn̄ke wine ke ofụri usen nnyịn, nnyịn ye iban nnyịn ye nditọiren nnyịn ye nditọiban nnyịn,+  inyụn̄ ibọpke mme ufọk eke nnyịn idụn̄de ke esịt, mbak nnyịn idinyene in̄wan̄ vine m̀mê in̄wan̄ m̀mê n̄kpasịp. 10  Ndien nnyịn idụn̄ ke mme tent inyụn̄ ikop uyo Jonadab+ ete ete nnyịn inyụn̄ inam nte ekemde ye kpukpru se enye okowụkde nnyịn.+ 11  Edi, edikem ke ini Nebuchadrezzar edidem Babylon ọdọkde edi en̄wan ye isọn̄ emi,+ nnyịn idọhọ ite, ‘Ẹdi, ẹyak nnyịn idụk Jerusalem mbak udịmekọn̄ mbon Chaldea, n̄ko mbak udịmekọn̄ mbon Syria, ẹnyụn̄ ẹyak nnyịn idụn̄ ke Jerusalem.’”+ 12  Ndien uyo Jehovah esịm Jeremiah, ete: 13  “Ntem ke Jehovah mme udịm, Abasi Israel, ọdọhọ ete, ‘Ka kọdọhọ mbon Judah ye mme andidụn̄ Jerusalem ete: “Nte mbufo ikọbọhọ item kpukpru ini ndikop uyo mi?”+ uyo Jehovah edi emi. 14  “Ẹmenam uyo Jehonadab eyen Rechab,+ emi enye okowụkde nditọ esie ete, ẹkûn̄wọn̄ wine, ndien mmọ in̄wọn̄ke wine tutu esịm mfịn emi, koro mmọ ẹnamde ewụhọ ete ete mmọ.+ Ndien amaedi ami, ami mmetịn̄ ikọ nnọ mbufo, mbabak ndemede ntịn̄,+ edi mbufo ikopke uyo mi.+ 15  Ndien ami ndọn̄ kpukpru mme asan̄autom mi mme prọfet utom ke ọtọ mbufo,+ mbabak ndemede ndọn̄ mmọ ẹdidọhọ ẹte, ‘Mbọk, yak owo kiet kiet ọwọn̄ọde ọkpọn̄ idiọk usụn̄ esie,+ mbufo ẹnyụn̄ ẹnam mme edinam mbufo ẹfọn,+ ẹkûnyụn̄ ẹtiene mme abasi efen ẹte inam n̄kpọ mmọ.+ Ẹnyụn̄ ẹka iso ẹdụn̄ ke isọn̄ oro ami nnọde mbufo ye mme ete ete mbufo.’+ Edi mbufo ikpan̄ke utọn̄ inyụn̄ ikopke uyo mi.+ 16  Edi nditọ Jehonadab eyen Rechab+ ẹmenam ewụhọ ete ete mmọ emi enye okowụkde mmọ;+ edi amaedi mbon emi, mmọ ikopke uyo mi.”’”+ 17  “Mmọdo ntem ke Jehovah, Abasi mme udịm, Abasi Israel, ọdọhọ ete, ‘Sese ami mmọn̄ nda kpukpru afanikọn̄ oro n̄kọdọhọde mban̄a Judah ye kpukpru mme andidụn̄ Jerusalem ntiene mmọ,+ koro n̄ketịn̄de ikọ ye mmọ edi mmọ ikopke, mma nnyụn̄ n̄kot mmọ edi mmọ iyereke.’”+ 18  Ndien Jeremiah ọdọhọ mbonufọk nditọ Rechab, ete: “Ntem ke Jehovah mme udịm, Abasi Israel, ọdọhọ ete, ‘Ke ntak emi mbufo ẹnamde ewụhọ Jehonadab+ ete ete mbufo ẹnyụn̄ ẹnịmde kpukpru mme ewụhọ esie ẹnyụn̄ ẹnamde nte ekemde ye kpukpru se enye okowụkde mbufo,+ 19  mmọdo ntem ke Jehovah mme udịm, Abasi Israel, ọdọhọ ete: “Jonadab eyen Rechab idinanake owo eke adade+ ke iso mi kpukpru ini.”’”+

Mme Ikọ Idakisọn̄