Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Jeremiah 31;1-40

31  “Ke ini oro,” uyo Jehovah edi emi, “ami nyedi Abasi nnọ kpukpru ubon Israel; ndien mmọ ẹyedi ikọt mi.”+  Ntem ke Jehovah ọdọhọ ete: “Mbon oro ẹkebọhọde akan̄kan̄ ẹma ẹkụt mfọn ke wilderness,+ ke ini Israel akasan̄ade man enye ekenyene nduọkodudu.”+  Jehovah oto ke anyan ebiet ediwụt mi idem, ete: “Mmama fi nsinsi ima.+ Oro edi ntak ami ndade ima-mfọnido ndụri fi.+  Edi nyafiak mbọp fi, afo oyonyụn̄ edi se ẹfiakde ẹbọp,+ O eyenan̄wan* Israel. Afo ọyọtọn̄ọ ntak ada ekọmọ fo abana idem onyụn̄ ọwọrọ ekenek unek mbon oro ẹsakde imam.+  Afo ọyọtọn̄ọ ntak ọtọ in̄wan̄ vine ke mme obot Samaria.+ Mme anditọ ẹyetọ ẹnyụn̄ ẹtọn̄ọ ndidia mmọ.+  Koro odu usen emi mbon ukpeme ke obot obot ikpehe Ephraim ẹdifioride ẹte, ‘Mbufo ẹdaha ke enyọn̄, ẹnyụn̄ ẹyak nnyịn idọk ika Zion, ibịne Jehovah Abasi nnyịn.’”+  Koro ntem ke Jehovah ọdọhọ ete: “Ẹfiori ke ọkpọsọn̄ uyo ẹkot Jacob ke idatesịt, ẹnyụn̄ ẹfiori n̄kpo ke ibuot mme idụt.+ Ẹkwọrọ enye.+ Ẹtoro ẹnyụn̄ ẹdọhọ ẹte, ‘O Jehovah, nyan̄a ikọt fo, kpa nsụhọ Israel.’+  Sese ami mmọn̄ nda mmọ ke isọn̄ edem edere ndi,+ nyonyụn̄ ntan̄ mmọ ke ata nsannsan ikpehe isọn̄ mbon ọtọkiet.+ Nnan ye mbụn̄ọ, n̄wan idịbi ye n̄wan oro amande eyen ẹyedu ọtọkiet ke otu mmọ.+ Mmọ ẹyenyọn̄ ẹdi mi nte akwa esop.+  Mmọ ẹyedi ye ntuan̄a,+ ndien ami nyada mmọ ndi ke adan̄aemi mmọ ẹnamde n̄kpeubọk ẹyom mfọn. Nyanam mmọ ẹsan̄a ẹka itịghede mmọn̄,+ ke nnennen usụn̄ oro owo mîdinamke mmọ ẹtuak ukot ẹduọn̄ọ. Koro mmakabade ndi Ete nnọ Israel;+ ndien amaedi Ephraim, enye edi akpan mi.”+ 10  O mbufo mme idụt, ẹkop uyo Jehovah, ẹnyụn̄ ẹtan̄a enye ke otu mme isuo emi ẹdude ke anyan ebiet,+ ẹnyụn̄ ẹdọhọ ẹte: “Enye emi asuande Israel ayafiak atan̄ enye obon ọtọkiet,+ enye oyonyụn̄ ekpeme enye nte emi ekpemerọn̄ ekpemede otu ufene esie.+ 11  Koro Jehovah ayafak Jacob+ onyụn̄ osio enye ke ubọk owo emi okopde odudu akan enye.+ 12  Ndien mmọ ẹyedi ẹdisio n̄kpo idara ke edikon̄ ebiet Zion+ ẹnyụn̄ ẹdat esịt ẹban̄a mfọn Jehovah,+ ẹnyụn̄ ẹdat esịt ẹban̄a wheat ye obufa wine+ ye aran ye nditọerọn̄ ye nditọ enan̄.+ Ndien ukpọn̄ mmọ ayakabade etie nte in̄wan̄ emi mmọn̄ odude,+ mmọ idinyụn̄ itọn̄ọke aba ntak ikop mmemidem.”+ 13  “Ke ini oro, n̄kaiferi ẹyenek unek ke idatesịt, n̄kparawa ye n̄kani iren n̄ko, kpukpru mmọ ọtọkiet.+ Ndien ami nyokpụhọ mfụhọ mmọ nnam akabade edi idara, nyonyụn̄ ndọn̄ mmọ esịt nnyụn̄ nnam mmọ ẹdara ẹnyụn̄ ẹfre ẹban̄a mfụhọ mmọ.+ 14  Ami nyonyụn̄ nnam isek isek udia+ oyụhọ ukpọn̄ mme oku, ndien eti ido mi oyoyụhọ ikọt mi,”+ uyo Jehovah edi emi. 15  “Ntem ke Jehovah ọdọhọ ete, ‘Ẹmekop uyom ke Ramah,+ eseme ye ndotndot eyet;+ Rachel+ ke atua nditọiren+ esie. Enye inyịmeke ndikop ndọn̄esịt mban̄a nditọiren esie,+ koro mmọ mîdụhe aba.’”+ 16  Ntem ke Jehovah ọdọhọ ete: ‘Dop uyo kûtua eyet, kûnyụn̄ uyak mmọn̄eyet ọwọrọ fi aba ke enyịn,+ koro utịp utom fo mmọdo,’ uyo Jehovah edi emi, ‘ndien mmọ ẹyeto idụt mme asua ẹfiak ẹnyọn̄ ẹdi.’+ 17  “‘Idotenyịn+ onyụn̄ odu ọnọ ini iso fo,’ uyo Jehovah edi emi, ‘ndien nditọiren fo ẹyefiak ẹnyọn̄ọ ẹka obio mmọ.’”+ 18  “Ke akpanikọ, mmokop nte Ephraim esemede idem ete,+ ‘Afo emenen̄ede mi, man n̄kpedi se ẹnen̄erede,+ nte eyen enan̄ oro owo mînọhọ ukpep.+ Nam mi mfiak edem, ndien ami nyọsọsọp mfiak edem,+ koro afo edide Jehovah Abasi mi.+ 19  Koro ke mma n̄kafiak edem ami ntua n̄kpọfiọk;+ ke ẹma ẹkenam mi mfiọk ami mmia ifụhi mi.+ Mma n̄kop bụt, ye esuene+ n̄ko, koro mma mbiom esuene ini uyen mi.’”+ 20  “Nte Ephraim edi edima eyen ọnọ mi, m̀mê eyen oro ẹnamde n̄kpọ ye enye ke ima?+ Koro adan̄a nte n̄kọdọhọde idiọk mban̄a enye, kpa ntre ke ami nditọn̄ọ ntak nti enye.+ Oro edi ntak emi nsia oyomode mi aban̄a enye.+ Ami nditreke nditua enye mbọm,”+ uyo Jehovah edi emi. 21  “Wụk mme idiọn̄ọ usụn̄ nọ idemfo.+ Wụk mme adaha itiat nọ idemfo. Wụk esịt fo ke ọkpọusụn̄, usụn̄ emi afo edinyenede ndisan̄a.+ Fiak di, O eyenan̄wan* Israel. Fiak di mme obio fo emi.+ 22  Adan̄a didie ke afo ediwọn̄ọde aka mi ye ko,+ O eyenan̄wan emi mînamke akpanikọ?+ Koro Jehovah omobot obufa n̄kpọ ke isọn̄: N̄wan ayasan̄a ekpere erenowo.” 23  Ntem ke Jehovah mme udịm, Abasi Israel, ọdọhọ ete: “Mmọ ẹyetọn̄ọ ntak ẹtịn̄ ikọ emi ke isọn̄ Judah ye ke mme obio esie, ke ini nditan̄de ikọt mmọ oro ẹkemụmde nte mbuotekọn̄ mbon, ‘Jehovah akpakam ọdiọn̄ fi,+ O edinen ebietidụn̄,+ O edisana obot.’+ 24  Ndien ke esịt esie ke Judah ye kpukpru mme obio esie ẹdidụn̄ ọtọkiet, ọkọrọ ye mme ọtọin̄wan̄ ye mmọ oro ẹmende otu ufene ẹsan̄a.+ 25  Koro nyanam ukpọn̄ oro akpade mba oyụhọ, nyonyụn̄ nnam kpukpru ukpọn̄ oro okopde mmemidem oyụhọ.”+ 26  Ke mma n̄kokụt n̄kpọ emi ami ndemede nnyụn̄ nse; ndien idap mi ama enem mi. 27  “Sese! Mme usen ke ẹdi,” uyo Jehovah edi emi, “ndien ami nyọtọ n̄kpasịp owo ye n̄kpasịp ufene ke ufọk Israel ye ke ufọk Judah.”+ 28  “Ndien ama ekem kpa nte n̄keben̄ede idem mbet mmọ+ man ndịbede nnyụn̄ n̄wụri nnyụn̄ nnụk nduọk nnyụn̄ nsobo nnyụn̄ mbiat,+ kpa ntre ke ndiben̄e idem mbet mmọ man mbọp nnyụn̄ ntọ,”+ uyo Jehovah edi emi. 29  “Ke mme usen oro mmọ ididọhọke aba ite, ‘Mme ete ẹkedia n̄kịm grape, edi edet nditọ ẹdoro ediyịk.’+ 30  Edi owo kiet kiet edikpa ke ndudue esie.+ Owo ekededi oro adiade n̄kịm grape, edet esie edidoro ediyịk.” 31  “Sese! Mme usen ke ẹdi,” uyo Jehovah edi emi, “ndien ami nyanam obufa ediomi+ ye ufọk Israel+ ye ufọk Judah;+ 32  idibietke ediomi oro n̄kodiomide ye mme ete ete mmọ ke usen emi n̄komụmde mmọ ubọk nda n̄wọrọ ke isọn̄ Egypt,+ ‘kpa ediomi mi oro mmọ ẹkebiatde,+ okposụkedi emi ami n̄kedide ebe+ mmọ,’ uyo Jehovah edi emi.” 33  “Koro emi edi ediomi+ oro ndidiomide ye ufọk Israel ke mme usen oro ẹbede,”+ uyo Jehovah edi emi. “Nyesịn ibet mi ke esịtidem mmọ,+ nyonyụn̄ n̄wet enye ke esịt mmọ.+ Ndien nyedi Abasi mmọ, mmọ ẹyenyụn̄ ẹdi ikọt mi.”+ 34  “Ndien owo mmọ kiet kiet idikpepke aba nsan̄a esie ye eyenete esie,+ ite, ‘Ẹfiọk Jehovah!’+ koro kpukpru mmọ ẹyefiọk mi, ọtọn̄ọde ke n̄kpri-n̄kan ke otu mmọ tutu esịm n̄kponn̄kan ke otu mmọ,”+ uyo Jehovah edi emi. “Koro nyefen ndudue mmọ, ndinyụn̄ ntịghi aba mme idiọkn̄kpọ mmọ.”+ 35  Ntem ke Jehovah, Andinọ utịn man ọnọ un̄wana ke uwemeyo,+ ye Andinịm mme ewụhọ+ nnọ ọfiọn̄+ ye mme ntantaọfiọn̄ man ẹnọ un̄wana ke okoneyo,+ Enye emi anamde inyan̄ adaha man mbufụt esie oyomo,+ Enye emi enyịn̄ esie edide Jehovah mme udịm,+ ọdọhọ ete: 36  “‘Edieke ẹkpekemede ndimen mme ewụhọ emi mfep ke iso mi,’+ uyo Jehovah edi emi, ‘kpasụk ntre mmọ oro ẹdide mfri Israel ẹkpetre ndidi idụt ke iso mi kpukpru ini.’”+ 37  Ntem ke Jehovah ọdọhọ ete: “‘Edieke ẹkpekemede ndidomo mme heaven ke enyọn̄ nnyụn̄ ndụn̄ọde mme itiat idakisọn̄ ke idak,+ ami n̄ko n̄kpekeme ndisịn ofụri mfri Israel ke ntak kpukpru n̄kpọ oro mmọ ẹnamde,’+ uyo Jehovah edi emi.” 38  “Sese! Mme usen ke ẹdi,” uyo Jehovah edi emi, “ndien ẹyebọp+ obio ẹnọ Jehovah ọtọn̄ọde ke Tọwa Hananel+ tutu esịm Inuaotop Inụk.+ 39  Ndien urụk udomon̄kpọ+ ọyọtọn̄ọ ntak ọwọrọ nnennen nnennen aka obot Gareb, oyonyụn̄ ọwọn̄ọde aka Goah. 40  Ndien ofụri itịghede okpo+ ye eke ntọn̄ ikpọn̄ uwa,+ ye kpukpru in̄wan̄ tutu esịm itịghede mmọn̄ Kidron,+ ada ekesịm inụk Inuaotop Enan̄-mbakara+ ke n̄kan̄ edem usiahautịn, ẹdidi ndisana n̄kpọ ẹnọ Jehovah.+ Owo ididịbekede enye, idinyụn̄ iwụrike aba enye ke nsinsi.”+

Mme Ikọ Idakisọn̄

At. Ed., “eyenan̄wan emi mîfiọkke erenowo.”
At. Ed., “eyenan̄wan emi mîfiọkke erenowo.”