Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 26;1-24

26  Ke ntọn̄ọ ubọn̄ Jehoiakim+ eyen Josiah, edidem Judah, uyo emi oto Jehovah, ete:  “Ntem ke Jehovah ọdọhọ ete, ‘Da ke okụre ufọk Jehovah,+ nyụn̄ sian kpukpru mme obio Judah oro ẹdụkde ẹdi ndinụhọ ke ufọk Jehovah kpukpru ikọ oro ami ndiwụkde fi nte etịn̄ ọnọ mmọ.+ Kûsio baba ikọ kiet ufep.+  Ndusụk, owo mmọ kiet kiet oyokop onyụn̄ afiak edem ọkpọn̄ idiọk usụn̄ esie,+ ndien ami nyokpụhọ ekikere* mban̄a afanikọn̄ oro n̄kekerede ndinam esịm mmọ ke ntak idiọk edinam mmọ.+  Afo nyụn̄ dọhọ mmọ ete: “Ntem ke Jehovah ọdọhọ ete, ‘Edieke mbufo mîdikopke uyo mi ke ndisan̄a ke ibet+ mi oro nnịmde mbufo ke iso,+  ke ndikop ikọ mme asan̄autom mi, mme prọfet, emi ami ndọn̄de ẹtiene mbufo, mbabak ndemede ndọn̄ mmọ, emi mbufo mîkopke uyo mmọ,+  ami n̄ko nyanam ufọk emi etie nte enye oro odude ke Shiloh,+ nnyụn̄ nnam obio emi edi isụn̄i ọnọ kpukpru mme idụt isọn̄.’”’”+  Ndien mme oku ye mme prọfet ye kpukpru owo ẹkop nte Jeremiah etịn̄de mme ikọ emi ke ufọk Jehovah.+  Edikem ke Jeremiah ama okokụre nditịn̄ kpukpru se Jehovah okowụkde enye ete etịn̄ ọnọ kpukpru owo, mme oku ye mme prọfet ye kpukpru owo ẹmụm enye, ẹnyụn̄ ẹdọhọ ẹte: “Afo udutreke ndikpa.+  Ntak emi afo etịn̄de ntịn̄nnịm ikọ ke enyịn̄ Jehovah, ete, ‘Ufọk emi editie nte enye oro odude ke Shiloh,+ ẹyenyụn̄ ẹsobo obio emi tutu enye anana andidụn̄’?” Ndien kpukpru owo ẹsop idem ẹban̄a Jeremiah ke ufọk Jehovah. 10  Ekem mbọn̄ Judah ẹdikop mme ikọ emi, mmọ ẹnyụn̄ ẹto ufọk edidem ẹdọk ẹdi ufọk Jehovah+ ẹdisụhọde ẹtie ke usụn̄ obufa inuaotop Jehovah.+ 11  Ndien mme oku ye mme prọfet ẹtọn̄ọ ndidọhọ mbọn̄ ye kpukpru owo ẹte: “Ẹnyene ndibiere ikpe n̄kpa nnọ owo emi,+ koro enye emetịn̄ ntịn̄nnịm ikọ aban̄a obio emi kpa nte mbufo ẹkopde ke utọn̄ mbufo.”+ 12  Ntre Jeremiah ọdọhọ kpukpru mbọn̄ ye kpukpru owo ete: “Edi Jehovah ọkọdọn̄ mi ete nditịn̄ kpukpru ikọ ntịn̄nnịm ikọ emi mbufo ẹkopde mi mban̄a ufọk emi ye obio emi.+ 13  Ndien ke emi ẹnam mme usụn̄ mbufo ye mme edinam mbufo ẹfọn,+ ẹnyụn̄ ẹkop uyo Jehovah Abasi mbufo, ndien Jehovah oyokpụhọ ekikere* aban̄a afanikọn̄ oro enye ọdọhọde ete iyanam esịm mbufo.+ 14  Ndien sese ami ndu mbufo ke ubọk.+ Mbufo ẹnam ye ami nte ọfọnde ye nte enende mbufo ke enyịn.+ 15  Edi mbufo ẹtịm ẹfiọk ẹte, ke edieke mbufo ẹwotde mi, mbufo ẹda iyịp owo eke mîduehe ẹdori ke idem mbufo ye ke obio emi ye ke idem mme andidụn̄ ke esịt esie,+ koro ke akpanikọ Jehovah ọkọdọn̄ mi ntiene mbufo nditịn̄ kpukpru ikọ emi ke utọn̄ mbufo.”+ 16  Ekem mbọn̄+ ye kpukpru owo ẹdọhọ mme oku ye mme prọfet ẹte: “Owo idibiereke ikpe n̄kpa inọ owo emi,+ koro enye eketịn̄ ikọ ọnọ nnyịn ke enyịn̄ Jehovah Abasi nnyịn.”+ 17  N̄ko-n̄ko, ndusụk mbiowo obio ẹdaha ke enyọn̄ ẹnyụn̄ ẹdọhọ kpukpru mbon esop ẹte:+ 18  “Micah+ owo Moresheth+ ama etịn̄ ntịn̄nnịm ikọ ke eyo Hezekiah edidem Judah+ onyụn̄ ọdọhọ kpukpru mbon Judah ete, ‘Ntem ke Jehovah mme udịm ọdọhọ ete: “Ẹyefụn̄ Zion nte in̄wan̄,+ ndien Jerusalem ayakabade edi ibombom n̄wụre,+ obot Ufọk Abasi oyonyụn̄ akabade etie nte edikon̄ ebiet akai.”’+ 19  Nte Hezekiah edidem Judah ye kpukpru mbon Judah ẹma ẹwot enye? Nte enye ikabakke Jehovah inyụn̄ ikpe Jehovah ubọk,+ tutu Jehovah okpụhọ ekikere* aban̄a afanikọn̄ oro enye ọkọdọhọde ete iyanam esịm mmọ?+ Ntre nnyịn iyom ndinam akwa afanikọn̄ esịm ukpọn̄ nnyịn.+ 20  “Ndien ama odu n̄ko owo emi eketịn̄de ntịn̄nnịm ikọ ke enyịn̄ Jehovah, Urijah eyen Shemaiah emi okotode Kiriath-jearim.+ Enye ama onyụn̄ etịn̄ ntịn̄nnịm ikọ aban̄a obio emi ye isọn̄ emi nte ekemde ye kpukpru ikọ Jeremiah. 21  Ndien Edidem Jehoiakim+ ye kpukpru n̄kpọsọn̄ owo esie ye kpukpru mbọn̄ ẹdikop ikọ esie, ndien edidem ọtọn̄ọ ndiyom nte owotde enye.+ Ke ini Urijah okopde emi, ndịk+ anam enye ndien enye efehe aka Egypt. 22  Edi Edidem Jehoiakim ọdọn̄ mme owo ẹka Egypt, Elnathan eyen Achbor+ ye mbon efen emi ẹtienede enye ẹka Egypt. 23  Ndien mmọ ẹkeda Urijah ẹwọrọ ke Egypt ẹnyụn̄ ẹda enye ẹsọk Edidem Jehoiakim, ndien enye owot enye ke akan̄kan̄+ onyụn̄ emen okpo esie okotop esịn ke udi nditọ obio.” 24  Akan oro, ubọk Ahikam+ eyen Shaphan+ odu ye Jeremiah, mbak ẹdida enye ẹsịn mme owo ke ubọk man ẹwot enye.+

Mme Ikọ Idakisọn̄

At. Ed., “nyatua n̄kpọfiọk.”
At. Ed., “ayatua n̄kpọfiọk.”
At. Ed., “atua n̄kpọfiọk.”