Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 24;1-10

24  Ndien Jehovah owụt mi, ndien, sese! akpasa iba emi fig ẹdọn̄ọde ẹdiọhọ ke iso temple Jehovah, ke Nebuchadrezzar edidem Babylon ama akada Jeconiah+ eyen Jehoiakim,+ edidem Judah, ye mbọn̄ Judah ye mme anamutom usọ+ ye mme andibọp ibibene ukpeme, ke Jerusalem aka ntan̄mfep man enye akpada mmọ edi Babylon.+  Ndien fig akpasa kiet ẹma ẹfọn etieti, nte fig emi ẹbakde ẹdat;+ ndien fig akpasa eken ẹma ẹdiọk etieti, tutu owo ikemeke ndidia mmọ ke ntak emi mmọ ẹdiọkde.  Ndien Jehovah obụp mi ete: “Jeremiah nso ke afo okụt?” Ntre ami mbọrọ nte: “N̄kụt fig, fig emi ẹfọnde, ẹfọn etieti, fig emi ẹdiọkde ẹnyụn̄ ẹdiọk etieti, tutu owo ikemeke ndidia mmọ ke ntak emi mmọ ẹdiọkde.”+  Ekem uyo Jehovah esịm mi, ete:  “Ntem ke Jehovah Abasi Israel ọdọhọ ete, ‘Kpa nte nti fig emi, kpa ntre ke ndida mbon ntan̄mfep Judah, emi ami ndibịnde mfep ke ebiet emi ndọn̄ ke isọn̄ mbon Chaldea,+ ke eti usụn̄.+  Ndien ami nyowụk enyịn mi nse mmọ ke eti usụn̄,+ nyonyụn̄ nnam mmọ ẹfiak ẹnyọn̄ ẹdi isọn̄ emi.+ Ndien ami nyọbọp mmọ, ndinyụn̄ n̄wụrike mmọ; ami nyọtọ mmọ, ndinyụn̄ ndịbekede.+  Ndien ami nyọnọ mmọ esịt eke ọfiọkde mi,+ ete ke ami ndi Jehovah; ndien mmọ ẹyedi ikọt mi,+ ami nyonyụn̄ ndi Abasi mmọ, koro mmọ ẹyefiak ẹtiene mi ke ofụri esịt+ mmọ.  “‘Ndien kpa nte ndiọi fig oro owo mîkemeke ndidia ke ntak emi mmọ ẹdiọkde,+ ke akpanikọ ntem ke Jehovah ọdọhọ ete: “Ntre ami nyayak Zedekiah+ edidem Judah ye mbọn̄ esie ye nsụhọ mbon Jerusalem emi ẹsụhọde ke isọn̄+ emi ye mbon oro ẹdụn̄de ke isọn̄ Egypt+ nnọ—  Ami nyanam mmọ n̄ko ẹdi n̄kpọ nnyekidem, ye afanikọn̄, ke kpukpru mme obio ubọn̄ isọn̄,+ nyonyụn̄ nnam mmọ ẹdi n̄kpọ esuene ye ufiet, ye nsahi+ ye isụn̄i,+ ke kpukpru ebiet oro ndibịnde mmọ ndọn̄.+ 10  Ndien ami nyọdọn̄ akan̄kan̄+ ye akan̄+ ye idiọk udọn̄ọ+ ẹtiene mmọ, tutu mmọ ẹkpan̄a ẹkụre ke isọn̄ oro n̄kọnọde mmọ ye mme ete ete mmọ.”’”+

Mme Ikọ Idakisọn̄