Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Jeremiah 23;1-40

23  “Mbọm mme ekpemerọn̄ emi ẹsobode ẹnyụn̄ ẹsuande mme erọn̄ oro ami mbọkde!”+ uyo Jehovah edi emi.  Mmọdo ntem ke Jehovah Abasi Israel ọdọhọ aban̄a mme ekpemerọn̄ oro ẹkpemede ikọt mi ete: “Mbufo ẹmesuan mme erọn̄ mi; mbufo ẹmenyụn̄ ẹbịn mmọ ẹfep, mbufo inyụn̄ iwọn̄ọkede ntịn̄enyịn mbufo inọ mmọ.”+ “Sese ami mmọn̄ n̄wọn̄ọde enyịn mi nse mbufo ke ntak ndiọi edinam mbufo,”+ uyo Jehovah edi emi.  “Ndien ami nyatan̄ mme erọn̄ mi oro ẹsụhọde ke kpukpru mme idụt oro n̄kebịnde mmọ ndọn̄ mbon ọtọkiet,+ ndien nyada mmọ mfiak ndi in̄wan̄ mbiet ufene+ mmọ, ndien mmọ ẹyetọt ẹnyụn̄ ẹwak.+  Ndien ami nyanam mme ekpemerọn̄ emi ẹdikpemede mmọ ẹdaha ẹda ẹnọ mmọ;+ ndien mmọ idikopke aba ndịk, idinyụn̄ idịgheke,+ baba kiet idinyụn̄ isopke,” uyo Jehovah edi emi.  “Sese! Mme usen ke ẹdi,” uyo Jehovah edi emi, “ndien ami nyanam edinen nsehe+ adaha ada ọnọ David. Ndien edidem ayakara+ onyụn̄ ada mbufiọk anam n̄kpọ, ekpe unenikpe onyụn̄ anam edinen ido ke isọn̄.+  Ke mme usen esie ẹyenyan̄a Judah,+ Israel oyonyụn̄ odụn̄ ke ifụre.+ Ndien emi edi enyịn̄ esie oro ẹdikotde enye, Jehovah Edi Edinen Ido Nnyịn.”+  “Mmọdo, sese! mme usen ke ẹdi,” uyo Jehovah edi emi, “ndien mmọ ididọhọke aba ite, ‘Ma uwem Jehovah emi akadade nditọ Israel ọwọrọ ke isọn̄ Egypt ọdọk,’+  edi ẹdidọhọ, ‘Ma uwem Jehovah emi akadade nditọ Israel ọwọrọ okonyụn̄ osion̄ode mmọ ke isọn̄ edem edere ye ke kpukpru isọn̄ emi ami n̄kebịnde mmọ ndọn̄,’ ndien mmọ ẹyedụn̄ ke isọn̄ mmọ.”+  Amaedi mme prọfet, esịt mi obụn̄ọ. Kpukpru ọkpọ mi ẹmetọn̄ọ ndinyek. Mmakabade ntie nte owo oro akpade mmịn,+ ye nte owo oro wine akande ubọk, ke ntak Jehovah ye ke ntak edisana ikọ esie. 10  Koro mme esịn efịbe+ ẹmeyọhọ isọn̄.+ Koro isọn̄ odu ke mfụhọ+ ke ntak isụn̄i, mme in̄wan̄ mbiet ufene wilderness ẹmesat;+ se mmọ ẹnamde ọmọdiọk, odudu mmọ inyụn̄ inenke. 11  “Koro prọfet ye oku ẹmekabade ẹdehe.+ N̄ko mmokụt idiọkn̄kpọ mmọ ke ufọk mi,”+ uyo Jehovah edi emi. 12  “Mmọdo usụn̄ mmọ ayakabade edi mfọfiọnọ ebiet+ ke ekịm ọnọ mmọ, emi ẹdinụkde mmọ ẹdọn̄ ndien mmọ ẹduọn̄ọ.”+ “Koro nyanam afanikọn̄ esịm mmọ ke isua oro ẹdiwọn̄ọrede enyịn ẹse mmọ,”+ uyo Jehovah edi emi. 13  “Ndien ami mmokụt oburobụt n̄kpọ ke idem mme prọfet Samaria.+ Mmọ ẹmenam n̄kpọ nte mme prọfet oro Baal+ edemerede, ndien mmọ ẹnam ikọt mi, kpa Israel, ẹyo.+ 14  Ndien ami mmokụt mme oburobụt n̄kpọ+ ke idem mme prọfet Jerusalem, ke ẹsịn efịbe+ ẹnyụn̄ ẹsan̄a ke nsu;+ ndien mmọ ẹmesọn̄ọ mme anamidiọk ubọk mbak owo mmọ kiet kiet edifiak edem+ ọkpọn̄ idiọkn̄kpọ esie. Kpukpru mmọ ẹtie mi nte Sodom,+ mme andidụn̄ esie ẹnyụn̄ ẹtie nte Gomorrah.”+ 15  Mmọdo ntem ke Jehovah mme udịm ọdọhọ aban̄a mme prọfet ete: “Sese ami mmọn̄ nnam mmọ ẹdia etidot, nyonyụn̄ nnọ mmọ mmọn̄ emi ẹsịnde ibọkn̄kpa ẹn̄wọn̄.+ Koro oto mme prọfet Jerusalem mfiakedem+ ọyọhọ ofụri isọn̄.” 16  Ntem ke Jehovah mme udịm ọdọhọ ete: “Ẹkûkop ikọ mme prọfet oro ẹtịn̄de ntịn̄nnịm ikọ ẹnọ mbufo.+ Mmọ ẹnam mbufo ẹdi ikpîkpu.+ Mmọ ẹtịn̄ n̄kukụt eke otode mmọ esịt+—itoho inua Jehovah.+ 17  Mmọ ẹtịn̄ ndien ndien ẹnọ mbon oro mîkponoke mi ẹte, ‘Jehovah ọdọhọ ete: “Mbufo ẹyenyene emem.”’+ Mmọ ẹnyụn̄ ẹdọhọ owo kiet kiet oro asan̄ade ke itụn esịt+ esie ẹte, ‘Baba afanikọn̄ kiet idisịmke mbufo.’+ 18  Koro anie ada ke otu+ mme ufan Jehovah man okpokụt onyụn̄ okop ikọ esie?+ Anie akpan̄ utọn̄ ke ikọ esie man enye okpokop?+ 19  Sese! Ọkpọsọn̄ ofụm Jehovah, kpa ifụtesịt, ọyọwọrọ aka, n̄ko ye oyobio oro oyụtde nte idio.+ Enye oyoyụt ke ibuot mme idiọkowo.+ 20  Iyatesịt Jehovah idifiakke edem tutu enye anam+ onyụn̄ osu mme ekikere esịt esie.+ Ke mme akpatre usen mbufo ẹyekere ẹban̄a n̄kpọ emi ẹnyụn̄ ẹnen̄ede ẹfiọk enye.+ 21  “Ami n̄kọdọn̄ke mme prọfet, edi mmọ ẹma ẹfen̄e ẹka. Ami n̄ketịn̄ke ikọ nnọ mmọ, edi mmọ ẹma ẹtịn̄ ntịn̄nnịm ikọ.+ 22  Edi edieke mmọ ẹkpekedade ke otu+ mme ufan mi, do mmọ ẹkpekenam ikọt mi ẹkop ikọ mi, mmọ ẹkpekenyụn̄ ẹnam mmọ ẹfiak edem ẹkpọn̄ idiọk usụn̄ mmọ ye mme idiọk edinam mmọ.”+ 23  “Nte ami ndi Abasi oro odude ekpere,” uyo Jehovah edi emi, “nnyụn̄ ndịghe Abasi oro odude oyom usụn̄?”+ 24  “Mîdịghe nte owo ekededi ekeme ndidịbe ke mme ebiet udịbe ndien ami n̄kwe enye?”+ uyo Jehovah edi emi. “Nte idịghe ami nyọhọ enyọn̄ ye isọn̄?”+ uyo Jehovah edi emi. 25  “Mmokop se mme prọfet oro ẹtịn̄de nsunsu ntịn̄nnịm ikọ ke enyịn̄+ mi ẹdọhọde, ẹte, ‘Mmadaba ndap! Mmadaba ndap!’+ 26  Adan̄a didie ke enye edidu ke esịt mme prọfet oro ẹtịn̄de nsunsu ntịn̄nnịm ikọ, emi ẹnyụn̄ ẹdide mme prọfet emi ẹbian̄ade abian̄a ke esịt+ mmọ? 27  Mmọ ke ẹkere ndida mme ndap mmọ emi mmọ ẹtịn̄de ẹnọ kiet eken nnam ikọt mi ẹfre enyịn̄ mi,+ kpa nte Baal+ akanamde mme ete mmọ ẹfre enyịn̄ mi. 28  Yak prọfet oro adabade ndap etịn̄ ndap oro enye adabade; edi yak enye emi ikọ mi odude ye enye, etịn̄ ikọ mi ke akpanikọ.”+ “Ọkpọ wheat asan̄a nso ye idem wheat?”+ uyo Jehovah edi emi. 29  “Nte ikọ mi ibietke ikan̄,”+ uyo Jehovah edi emi, “nte enye inyụn̄ ibietke hammer udomutịm oro obomde akwa itiat?”+ 30  “Mmọdo, sese, ami mmọn̄ ntọhọ ye mme prọfet,”+ uyo Jehovah edi emi, “mbon oro ẹyịpde ikọ mi, owo mmọ kiet kiet eyịp eke nsan̄a esie.”+ 31  “Sese ami mmọn̄ ntọhọ ye mme prọfet,” uyo Jehovah edi emi, “mbon oro ẹdade edeme mmọ ẹdọhọ ẹte, ‘Uyo esie edi emi!’”+ 32  “Sese ami mmọn̄ ntọhọ ye mme prọfet emi ẹdabade nsunsu ndap,” uyo Jehovah edi emi, “emi ẹtịn̄de mmọ ẹnyụn̄ ẹnamde ikọt mi ẹyo ke ntak nsu+ mmọ ye ke ntak mbụre mmọ.”+ “Edi ami n̄kọdọn̄ke mmọ n̄konyụn̄ n̄wụkke mmọ. Ntre mmọ ididaha ufọn isọk mbon emi tutu amama,”+ uyo Jehovah edi emi. 33  “Ndien ke ini mbon emi m̀mê prọfet m̀mê oku ẹbụpde fi ẹte, ‘Nso idi mbiomo Jehovah?’+ afo n̄ko enyene ndibọrọ mmọ ete, ‘“Mbufo ẹdi—O nso mbiomo ke mbufo ẹdi ntem!+ Ndien ami nyọkpọn̄ mbufo,”+ uyo Jehovah edi emi.’ 34  Amaedi prọfet m̀mê oku m̀mê mme owo emi ẹdọhọde ẹte, ‘Mbiomo Jehovah!’ Ami n̄ko nyọwọn̄ọde enyịn mi nse owo oro ye mbonufọk esie.+ 35  Ntem ke owo mbufo kiet kiet ọdọhọ ekemmọ owo ye eyenete esie ete, ‘Jehovah ọbọrọ nso? Jehovah onyụn̄ ọdọhọ nso?’+ 36  Edi mbufo ẹkûtịn̄ aba+ ẹban̄a mbiomo+ Jehovah, koro mbiomo oro amakabade edi ikọ owo kiet kiet,+ ndien mbufo ẹmekpụhọ ikọ odu-uwem Abasi,+ Jehovah mme udịm, Abasi nnyịn. 37  “Ntem ke afo edidọhọ prọfet oro ete, ‘Nso ibọrọ ke Jehovah ọnọ fi? Jehovah onyụn̄ ọdọhọ nso?+ 38  Ndien edieke edide “Mbiomo Jehovah!” ke mbufo ẹdọhọ, mmọdo ntem ke Jehovah ọdọhọ ete: “Ke ntak emi mbufo ẹdọhọde ẹte, ‘Ikọ emi edi mbiomo Jehovah,’ ke ini ndọn̄de ẹdidọhọ mbufo ẹte, ‘Mbufo ẹkûdọhọ ẹte: “Mbiomo Jehovah!”’ 39  mmọdo se mi mi! Ndien ami nyefre mbufo taktak,+ nyonyụn̄ n̄kpọn̄ mbufo ye obio oro ami n̄kọnọde mbufo ye mme ete ete mbufo—mbịn mfep ke iso mi.+ 40  Ndien nyanam nsinsi isụn̄i ye nsinsi esuene emi owo mîdifreke ẹsịm mbufo.”’”+

Mme Ikọ Idakisọn̄