Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 22;1-30

22  Ntem ke Jehovah ọdọhọ ete: “Sụhọde ka ufọk edidem Judah, nyụn̄ ketịn̄ ikọ emi do.  Ndien afo enyene ndidọhọ ete, ‘Kop uyo Jehovah, O edidem Judah emi etiede ke ebekpo David,+ afo ye mme asan̄autom fo ye ikọt fo, mmọ oro ẹbede ke mme inuaotop emi ẹdụk ẹdi.+  Ntem ke Jehovah ọdọhọ ete: “Ẹkpe unenikpe ẹnyụn̄ ẹnam edinen ido, ẹnyụn̄ ẹnyan̄a owo emi ẹwode ẹsio ke ubọk owo utụk; ẹkûnyụn̄ ẹfiomo baba esenowo kiet, eyenakpa m̀mê ebeakpa.+ Ẹkûnam mmọ afai ndomokiet.+ Ẹkûnyụn̄ ẹduọk iyịp owo ekededi eke mîduehe ke ebiet emi.+  Koro edieke mbufo ẹdinamde ikọ emi, ndidem oro ẹtiede ke ibuot David ke ebekpo esie,+ emi ẹwatde ke mme chariot, ye ke mme enan̄-mbakara, enye ye mme asan̄autom esie ye ikọt esie, iditreke ndibe ke mme inuaotop ufọk emi ndụk.”’+  “‘Edi edieke mbufo mîdikopke mme ikọ emi, ami mmotomo idemmi,’+ uyo Jehovah edi emi, ‘nte ke ufọk emi ayakabade edi n̄wụre ebiet.’+  “Koro ntem ke Jehovah ọdọhọ aban̄a ufọk edidem Judah ete, ‘Afo etie nte Gilead ọnọ mi, ibuot Lebanon.+ Ke akpanikọ ami nyanam fi edi wilderness;+ amaedi mme obio, owo ididụn̄ke ke baba kiet.+  Ndien ami nyadian̄ade mmọ eke ẹdade nsobo ẹdi nnịm man ẹn̄wana ye afo,+ owo kiet kiet ye mme n̄kpọekọn̄ esie;+ ndien mmọ ẹyekek ata nti cedar+ fo ẹnam mmọ ẹduọn̄ọ ẹdọn̄ọ ikan̄.+  Ndien ediwak idụt ẹyesan̄a ke obio emi ẹbe ẹnyụn̄ ẹdọhọ kiet eken ẹte: “Ke nso ntak ke Jehovah akanam ntem ye akwa obio emi?”+  Ndien mmọ ẹyedọhọ ẹte: “Ke ntak emi mmọ ẹkekpọn̄de ediomi Jehovah Abasi+ mmọ ẹnyụn̄ ẹnụhọde ẹnọ mme abasi efen ẹnyụn̄ ẹnamde n̄kpọ mmọ.”’+ 10  “Mbufo ẹkûtua akpan̄kpa,+ ẹkûnyụn̄ ẹfụhọ enye. Ẹtua etieti ẹban̄a enye emi ọwọrọde aka, koro enye mîdinyọn̄ke aba idi, mîdinyụn̄ ikwe isọn̄ iman esie. 11  Koro ntem ke Jehovah ọdọhọ aban̄a Shallum+ eyen Josiah, edidem Judah emi akarade ke itie Josiah ete esie,+ emi ọwọrọde ke ebiet emi aka, ete, ‘Enye idifiakke aba inyọn̄ idi. 12  Koro enye ayakpa ke ebiet oro mmọ ẹmende enye ẹka ntan̄mfep, enye idinyụn̄ ikwe aba isọn̄ emi.’+ 13  “Mbọm owo oro ọbọpde ufọk esie,+ edi ibọpke ke edinen ido, onyụn̄ ọbọpde mme ubet enyọn̄ esie, edi ibọpke ke unenikpe, emi anamde ekemmọ owo anam utom ọnọ enye ke ikpîkpu, mînyụn̄ inọhọ enye utịp esie;+ 14  mbọm owo emi ọdọhọde ete, ‘Ami mmọn̄ mbọp ufọk oro ubet okponde ye mme ubet enyọn̄ oro ẹn̄wan̄ade;+ ndien ẹyenam mme window mi oro ẹdisịnde ke enye ẹn̄wan̄a, eto oro ẹdade ẹbana edidi cedar+ emi ẹyetde ididuot.’+ 15  Nte afo ayakara koro afo amiade mbuba ke ndikama cedar nnam n̄kpọ? Amaedi ete fo, nte enye ikadiaha inyụn̄ in̄wọn̄ inyụn̄ ikpe unenikpe inyụn̄ inam edinen ido?+ Ntak oro akanam n̄kpọ ọfọn ye enye.+ 16  Enye ama ebiere ikpe owo ukụt ye ubuene.+ Ntak oro akanam n̄kpọ ọfọn. ‘Nte oro idịghe koro enye ọkọfiọkde mi?’ uyo Jehovah edi emi. 17  ‘Ke akpanikọ enyịn fo ye esịt fo iwụhọke ke n̄kpọ efen ikan idiọk udori fo,+ ye ke iyịp owo eke mîduehe man ọduọk enye,+ onyụn̄ owụhọ ke utụk ye ke n̄kanubọk man anam mmọ.’ 18  “Mmọdo ntem ke Jehovah ọdọhọ aban̄a Jehoiakim+ eyen Josiah, edidem Judah ete, ‘Owo idisemeke enye ite: “O eyeneka mi eren! O eyeneka mi an̄wan!” Mmọ idisemeke enye ite: “O etubom! O uku esie!”+ 19  Ẹdibụk enye nte ẹbụkde ayara ass,+ emi ẹdụride ẹka ẹketop ẹduọk oyom usụn̄ ọkpọn̄ mme inuaotop Jerusalem.’+ 20  “Dọk ka Lebanon+ kofiori, nyụn̄ ka Bashan+ kemenede uyo fo. Nyụn̄ du ke Abarim+ fiori, koro ẹmesobo kpukpru mmọ oro ẹnen̄erede ẹma fi.+ 21  Mma ntịn̄ ikọ ye afo ke ini emi afo okodude ke ifụre.+ Afo ama ọdọhọ ete, ‘Ndikopke uyo fo.’+ Ntem ke afo esisụk anam toto ke uyen fo, koro afo ukokopke uyo mi.+ 22  Ofụm ọyọbọk kpukpru mme ekpemerọn̄+ fo; ndien amaedi mbon oro ẹnen̄erede ẹma fi, mmọ ẹyeka ntan̄mfep.+ Koro ke ini oro bụt ayanam fi, afo oyonyụn̄ adia esuene ke ntak kpukpru afanikọn̄ fo.+ 23  O afo emi odụn̄de ke Lebanon,+ emi ọbọpde efọk ke cedar,+ kamse nte afo edimụmde mmụm ke ini ubiak uman otụkde fi,+ ubiak uman emi ebietde eke n̄wan oro oyomde ndiman eyen!”+ 24  “‘Ma uwem mi,’ uyo Jehovah edi emi, ‘idem ọkpọkọm Coniah+ eyen Jehoiakim,+ edidem Judah, edi n̄kpanuen ufịk idiọn̄ọ+ ke ubọk nnasia mi, ami nyosio fi do nduọk!+ 25  Ndien ami nyayak fi nsịn ke ubọk mbon oro ẹyomde ukpọn̄+ fo ye ke ubọk mbon oro afo efehede ye ke ubọk Nebuchadrezzar edidem Babylon ye ke ubọk mbon Chaldea.+ 26  Ndien ami nyebịn fi ye eka+ fo emi akamande fi nsịn ke isọn̄ emi mbufo mîkamanake ke esịt, ndien do ke mbufo ẹdikpan̄a.+ 27  Ndien amaedi isọn̄ emi ukpọn̄ mmọ ẹyomde ndifiak nnyọn̄ n̄ka, mmọ idifiakke inyọn̄ ika do.+ 28  Nte owo emi Coniah+ edi n̄kpọ oro ẹbotde man ẹsịn ke ndek ẹnyụn̄ ẹnuak mbai mbai,+ mîdịghe nte enye edi eso emi mîdatke owo esịt?+ Ntak emi ẹdisiode enye ye nditọ esie ẹduọn̄ọ ẹnyụn̄ ẹtomo mmọ ẹdọn̄ ke idụt oro mmọ mîfiọkke?’+ 29  “O isọn̄, isọn̄, isọn̄, kop ikọ Jehovah.+ 30  Ntem ke Jehovah ọdọhọ ete, ‘Ẹwet owo emi enyịn̄ ẹnịm nte owo emi mînyeneke eyen,+ nte owo emi mîdikwe unen ke mme usen esie; koro ndomo owo kiet ke otu nditọ esie idikwe unen,+ iditiehe ke ebekpo David+ idinyụn̄ ikarake aba ke Judah.’”

Mme Ikọ Idakisọn̄