Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 2;1-37

2  Ndien uyo Jehovah esịm mi,+ ete:  “Ka kofiori ke utọn̄ Jerusalem, ete, ‘Ntem ke Jehovah ọdọhọ ete:+ “Mmenen̄ede nti ima-mfọnido ini uyen+ fo, ima emi afo ekenyenede ke ini emi okodụkde ediomi ndọ,+ ke ini emi afo akasan̄ade ye ami ke wilderness, ke isọn̄ oro owo mîkasuanke n̄kpasịp.+  Israel ekedi edisana n̄kpọ ọnọ Jehovah,+ akpa mbun̄wụm Esie.”’+ ‘Mmọ ekededi eke ẹdomode ndita enye ẹyenyene ubiomikpe.+ Afanikọn̄ eyesịm mmọ,’ emi edi uyo Jehovah.”+  O ufọk Jacob,+ ye kpukpru mbufo mme ubon ufọk Israel,+ ẹkop uyo Jehovah.  Ntem ke Jehovah ọdọhọ ete: “Nso idiọk ke mme ete mbufo ẹkekụt mi ke idem,+ emi anamde mmọ ẹda nsannsan ẹkpọn̄ mi,+ ẹnyụn̄ ẹtienede ikpîkpu mbiet+ ndien mmọ ẹkabade ẹdi ikpîkpu?+  Ndien mmọ idọhọke ite, ‘Enye enye Jehovah, emi akadade nnyịn ọwọrọ ke Egypt+ ọdọk, kpa Enye emi akadade nnyịn asan̄a ke wilderness, ke unaisọn̄ desat+ ye obube, ke isọn̄ eke mmọn̄ mîdụhe+ ye ke isọn̄ ọkpọsọn̄ ekịm,+ ke isọn̄ emi baba owo kiet mîsan̄ake ibe, emi baba owo kiet mînyụn̄ idụn̄ke?’  “Ami mma nnyụn̄ nda mbufo ndi isọn̄ in̄wan̄ mfri, man ẹdia mbun̄wụm esie ye nti n̄kpọ+ esie. Edi mbufo ẹma ẹdụk ẹdisabade isọn̄ mi; mbufo ẹma ẹnyụn̄ ẹnam udeme mi akabade edi mbubiam n̄kpọ.+  Mme oku ikọdọhọke ite, ‘Enye Jehovah?’+ Ndien mbon oro ẹsede ẹban̄a ibet ikọfiọkke mi;+ mme ekpemerọn̄ ẹnyụn̄ ẹdue mi,+ idem mme prọfet ẹtịn̄ ntịn̄nnịm ikọ ke enyịn̄ Baal,+ mmọ ẹnyụn̄ ẹtiene mbon oro mîkemeke ndida baba ufọn kiet nsọk mmọ.+  “‘Mmọdo nyaka iso ntọhọ ye mbufo,’+ uyo Jehovah edi emi, ‘nyonyụn̄ ntọhọ ye nditọ nditọ mbufo.’+ 10  “‘Edi ẹbe ẹka mme mbeninyan̄ Kittim+ ẹkese. Ih, ẹdọn̄ ẹka Kedar+ ẹnyụn̄ ẹtịm ẹkere, ẹnyụn̄ ẹkese m̀mê n̄kpọ ekededi eke etiede ntem etịbe.+ 11  Nte idụt okpụhọ mme abasi+ esie ọbọ mbon oro mîdịghe mme abasi?+ Edi ikọt mi ẹmekpụhọ ubọn̄ mi ẹbọ se mîkemeke ndida baba ufọn kiet ndi.+ 12  O mbufo mme heaven, ẹwụk enyịn ẹse emi ke n̄kpaidem; ẹnyụn̄ ẹnyek idem etieti ke ntak ọkpọsọn̄ ndịk,’ uyo Jehovah edi emi,+ 13  ‘koro ikọt mi ẹmenam idiọkn̄kpọ iba: Mmọ ẹmekpọn̄ mi,+ andinọ odu-uwem mmọn̄,+ man ẹketịbi mme obube udọn̄ mmọn̄ ẹnọ idemmọ, mme nsiaha obube udọn̄ mmọn̄, oro mmọn̄ mîkemeke ndisịne.’ 14  “‘Nte Israel edi asan̄autom,+ m̀mê ofụn oro amanade ke ufọk? Ntak emi enye akabarede edi n̄kpọ mbụme? 15  Abak nyara ekpe ẹkụni+ enye; mmọ ẹmesioro uyo.+ Mmọ ẹnyụn̄ ẹnam isọn̄ esie edi n̄kpọ n̄kpaidem. Ẹmefọp mme obio esie ke ikan̄, ndien andidụn̄ baba kiet idụhe.+ 16  Nditọ Noph+ ye nditọ Tahpanes+ ẹdia fi etịn̄ibuot.+ 17  Nte idịghe se afo anamde idemfo edi emi ke afo ndikpọn̄ Jehovah Abasi+ fo ke ini emi enye anamde fi asan̄a ke usụn̄?+ 18  Ndien nso mbubehe ke afo enyene ke usụn̄ Egypt+ man ọkọn̄wọn̄ mmọn̄ Shihor?+ Nso mbubehe ke afo onyụn̄ enyene ke usụn̄ Assyria+ man ọkọn̄wọn̄ mmọn̄ Akpa?* 19  Idiọkn̄kpọ fo ekpenyene ndinen̄ede fi,+ mme n̄kpọ oro mûkanamke akpanikọ ẹkpenyene ndisua nnọ fi.+ Fiọk ndien, nyụn̄ kụt ke afo ndikpọn̄ Jehovah Abasi fo edi n̄kpọ emi ọdiọkde onyụn̄ odorode,+ ndịk mi inyụn̄ inamke fi,’+ uyo Akakan Ọbọn̄ Andikara,+ Jehovah mme udịm, edi emi. 20  “‘Koro mma mbụn̄ ọkpọnọ fo mbio mbio anyan ini ko;+ mma n̄kịbi n̄kpọkọbi fo. Edi afo ọdọhọ ete: “Ami ndinamke n̄kpọ nnọ fi,” koro afo akanyanarede ana+ ke kpukpru edikon̄ obot ye ke idak kpukpru eto eke ẹsehede,+ asan̄a akpara.+ 21  Ndien ami n̄kọtọ fi nte eti ndatndat vine,+ kpukpru n̄kpasịp esie ẹkedi nti. Ntre anam didie afo okpụhọde, akabade edi idiọk n̄kọk esen vine ọnọ mi?’+ 22  “‘Edi ọkpọkọm afo ada soda ye ediwak suọp+ eyet idem, ndudue fo osụk edi ndek ke iso mi,’+ uyo Jehovah Akakan Ọbọn̄ Andikara edi emi. 23  Afo akpanam didie ọdọhọ ete, ‘Nsabakede idemmi.+ Ntieneke mme Baal’?+ Se usụn̄ fo ke itịghede.+ Tịm fiọk se afo anamde. Ọsọp-usọp abak uman camel emi efehede ke usụn̄ esie ye unana iwụk aka iso afiak edem; 24  zebra+ eke emehede ye wilderness, emi n̄kpọ ọdọn̄de ukpọn̄ esie itọn̄, emi on̄wụnede ofụm;+ anie ekeme ndinam enye afiak edem ke ini ayara odorode enye? Kpukpru mbon oro ẹyomde enye idikpaha idem ndiyom enye. Mmọ ẹyekụt enye ke ọfiọn̄ esie. 25  Kpeme ukot fo mbak edina ukpọk, nyụn̄ kpeme itọn̄ fo mbak nsatitọn̄.+ Edi afo ọdọhọ ete, ‘Baba, idotenyịn idụhe!+ Ami mmama isenowo,+ mmọ ke ami ndinyụn̄ ntiene.’+ 26  “Kpa nte inọ okopde bụt ke ini ẹmụmde enye, kpa ntre ke mbon ufọk Israel ẹkop bụt,+ mmọ, ndidem mmọ, mbọn̄ mmọ ye mme oku mmọ ye mme prọfet+ mmọ. 27  Mmọ ẹdọhọ eto ẹte, ‘Afo edi ete mi,’+ ẹnyụn̄ ẹdọhọ itiat ẹte, ‘Afo akaman mi.’ Edi mmọ ẹmewọn̄ọde obotitọn̄ mmọ ẹwụt mi edi iwọn̄ọkede iso.+ Ndien mmọ ẹyedọhọ ke ini afanikọn̄ mmọ ẹte, ‘Daha ke enyọn̄ nyụn̄ nyan̄a nnyịn!’+ 28  “Edi enye mme abasi fo emi afo akanamde ọnọ idemfo?+ Yak mmọ ẹdaha ke enyọn̄ edieke mmọ ẹkemede ndinyan̄a fi ke ini afanikọn̄+ fo. Koro mme abasi fo ẹwakde nte mme obio fo, O Judah.+ 29  “‘Ntak emi mbufo ẹsụk ẹtọhọde ye ami?+ Ntak emi mbufo, kpukpru mbufo, ẹduede mi?’+ uyo Jehovah edi emi. 30  Umia eke mmiade nditọ mbufo inyeneke ufọn.+ Mmọ ikọbọhọ ntụnọ baba kiet.+ Akan̄kan̄ mbufo ẹmedia mme prọfet mbufo, nte ekpe eke osobode.+ 31  O emana, mbufo ẹkere ẹban̄a ikọ Jehovah.+ “Nte mmakabade ndi wilderness m̀mê isọn̄ a-makmak ekịm nnọ Israel?+ Ntak emi mbon emi, ikọt mi, ẹdọhọde ẹte, ‘Nnyịn imoyo. Nnyịn idifiakke aba itiene fi’?+ 32  Nte n̄wan emi mîfiọkke erenowo ekeme ndifre n̄kpọmbana esie, nte n̄wanndọ onyụn̄ ekeme ndifre ubọpisịn esie? Edi ikọt mi ẹmefre mi ata ediwak usen.+ 33  “O n̄wan, ntak emi afo anamde usụn̄ fo ọfọn man oyom ima? Mmọdo afo emekpep ndiọi n̄kpọ n̄ko ke mme usụn̄ fo.+ 34  N̄ko, ẹmekụt iyịp ukpọn̄+ mme ubuene oro mîduehe+ ke isọn̄ọfọn̄ fo. Idịghe ke ndibụn̄ ndụk ke n̄kụt mmọ, edi n̄kụt mmọ ke kpukpru emi.+ 35  “Edi afo ọdọhọ ete, ‘Ami nduehe. Ke akpanikọ iyatesịt esie ọmọwọn̄ọde ọkpọn̄ mi.’+ “Sese ami mmọn̄ ntọhọ ye afo ke ntak emi afo ọdọhọde ete, ‘Ami nnamke idiọkn̄kpọ.’+ 36  Ntak emi afo adade edikpụhọde usụn̄ fo ke ata ekpri n̄kpọ?+ Bụt ayanam fi aban̄a Egypt n̄ko,+ kpa nte bụt akanamde fi aban̄a Assyria.+ 37  Ke ntak emi, afo oyobiom ubọk ke ibuot+ ọwọrọ aka, koro Jehovah emesịn mme n̄kpọ ibetedem fo, afo udunyụn̄ ukwe unen ke mmọ.”

Mme Ikọ Idakisọn̄

Oro edi, “Euphrates.”