Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 17;1-27

17  “Ẹmeda eton̄wed+ ukwak ẹwet idiọkn̄kpọ Judah. Ẹmeda eton̄wed emi inua esie edide daimọn ẹkap enye ke ọwọn̄esịt+ mmọ, ye ke nnụk itieuwa+ mmọ,  ke ini nditọ mmọ ẹtide mme itieuwa mmọ ye mme eto utuakibuot mmọ emi ẹdade ẹkpere eto eke esehede, ke mme enyọn̄ edikon̄ obot,+  ke enyọn̄ obot emi ẹdude ke in̄wan̄. Nyayak inyene fo, ye kpukpru n̄kpọuto fo nnọ ẹbụme,+ nyayak mme edikon̄ ebiet fo nnọ ẹbụme ke ntak idiọkn̄kpọ oro ẹnamde ke kpukpru mme obio fo.+  Ndien afo amasana udeme inyene oro n̄kọnọde fi ayak.+ Ami n̄ko nyanam fi anam n̄kpọ mme asua fo ke idụt oro afo mûfiọkke;+ koro ẹmenam mbufo ẹbụbede ẹsak nte ikan̄ ke ntak iyatesịt mi.+ Ikan̄ oro ayasak ke nsinsi.”   Ntem ke Jehovah ọdọhọ ete: “Ọdọdiọk ọnọ owo oro ọbuọtde idem ke owo+ onyụn̄ eberide edem ke ubọk obụkidem nte odudu esie,+ emi esịt esie onyụn̄ ọwọn̄ọrede ọkpọn̄ Jehovah.+  Ndien enye ayakabade etie nte eto oro adade ikpọn̄ ke unaisọn̄ desat, idinyụn̄ ikwe ini emi eti n̄kpọ edide;+ edi enye oyodụn̄ ke edisat ebiet ke wilderness, ke idụt inụn̄ oro owo mîdụn̄ke.+  Ọfọfọn ọnọ owo oro ọbuọtde idem ye Jehovah, emi Jehovah edide ibetedem esie.+  Ndien enye ayakabade etie nte eto eke ẹtọde ke mben ediwak mmọn̄, oro ọdọn̄de orụn̄ esie ke mben akpa mmọn̄; ndien enye idikwe ini emi ufiop edide, edi ikọn̄ esie eyesehe.+ Ndien enye iditịmekede esịt ke isua unana edịm,+ enye idinyụn̄ itreke ndin̄wụm mfri.  “Esịt abian̄a akan n̄kpọ efen ekededi onyụn̄ anam n̄kpọ ke mbrenyịn.+ Anie ekeme ndifiọk enye? 10  Ami Jehovah ndụn̄ọde esịt,+ nnyụn̄ ndụn̄ọde ekpụt,+ man nnọ owo kiet kiet nte ekemde ye usụn̄ esie,+ nte ekemde ye utịp utom esie.+ 11  Kpa nte nsan̄kot okụbọde ke nsen oro mîdịghe enye ekesịn, kpa ntre ke owo oro ọkọde inyene ke usụn̄ oro mînenke etie.+ Enye ọyọkpọn̄ mmọ ke esịmde mbahade iba ke isua uwem esie,+ ndien ke utịt esie enye ayakabade edi anana-ibuot owo.”+ 12  Ebekpo ubọn̄ odu ke enyọn̄ toto ke editọn̄ọ;+ enye edi itie edisana ebiet nnyịn.+ 13  O Jehovah, afo emi edide idotenyịn Israel,+ kpukpru mbon oro ẹkpọn̄de fi ẹyedia bụt.+ Ẹyewet enyịn̄ mbon oro ẹfiakde edem ẹkpọn̄ mi+ ke isọn̄, koro mmọ ẹmekpọn̄ andinọ odu-uwem mmọn̄, kpa Jehovah.+ 14  Nam udọn̄ọ okụre mi, O Jehovah, ndien udọn̄ọ oyokụre mi.+ Nyan̄a mi, ndien ami nyenyene edinyan̄a;+ koro afo edide itoro mi.+ 15  Sese! Odu mmọ oro ẹdọhọde mi ẹte: “Ikọ Jehovah odu m̀mọ̀n̄?+ Mbọk, yak enye odụk edi.” 16  Edi amaedi ami, n̄kabiatke ini ndidi ekpemerọn̄ emi etienede fi, ami n̄konyụn̄ nyomke usen afanikọn̄. Afo ọmọfiọk ikọ n̄kpọkinua mi; enye odu ke iso fo. 17  Kûkabade udi n̄kpọndịk unọ mi.+ Afo edi ebiet ubọhọ mi ke usen afanikọn̄.+ 18  Yak mme andikọbọ mi ẹdia bụt,+ edi kûyak mi ndia bụt.+ Yak mmọ ẹdịghe, edi kûyak mi ndịghe. Da usen afanikọn̄ tiene mmọ,+ nyụn̄ nam n̄wụre mmọ ọdiọk ntre utịm ikaba.+ 19  Ntem ke Jehovah ọdọhọ mi ete: “Ka kada ke inuaotop nditọ obio emi ndidem Judah ẹsisan̄ade ẹdụk ẹsinyụn̄ ẹsan̄ade ẹwọrọ, ye ke kpukpru mme inuaotop Jerusalem.+ 20  Ndien afo enyene ndidọhọ mmọ ete, ‘Ẹkop uyo Jehovah, mbufo ndidem Judah ye ofụri Judah ye kpukpru mbufo mme andidụn̄ Jerusalem, emi ẹsan̄ade ke mme inuaotop emi ẹdụk.+ 21  Ntem ke Jehovah ọdọhọ ete: “Ẹkpeme ukpọn̄ mbufo,+ edieke mbufo ẹnyenede mbiomo ekededi oro ẹnyenede ndimen mbe mme inuaotop Jerusalem,+ ẹkûmen mmọ ke usen sabbath. 22  Ndien mbufo inyeneke ndimen mbiomo n̄wọrọ ke ufọk mbufo ke usen sabbath; mbufo inyụn̄ inyeneke ndinam baba utom kiet.+ Mbufo ẹnyụn̄ ẹnyene ndinịm usen sabbath ke edisana, kpa nte n̄kowụkde mme ete ete mbufo;+ 23  edi mmọ ikokopke ikonyụn̄ ikpan̄ke utọn̄,+ mmọ ẹma ẹnyụn̄ ẹsọn̄ obotitọn̄+ mmọ mbak ẹdikop ẹnyụn̄ ẹbọ ntụnọ.”’+ 24  “‘“Ndien ama ekem, edieke mbufo ẹditịmde ẹkop uyo mi,”+ uyo Jehovah edi emi, “inyụn̄ imenke mbiomo baba kiet ibe mme inuaotop obio emi ke usen sabbath,+ ẹnyụn̄ ẹnịmde usen sabbath ke edisana ke nditre ndinam utom ekededi,+ 25  ndidem ye mbọn̄ n̄ko iditreke ndibe mme inuaotop obio emi ndụk,+ ẹsụhọde ẹtie ke ebekpo David,+ ẹwat ke chariot ye ke mme enan̄-mbakara, mmọ ye mbọn̄ mmọ, irenowo Judah ye mme andidụn̄ Jerusalem; ndien owo iditreke ndidụn̄ ke obio emi ke nsinsi. 26  Ndien mme owo ẹyeto mme obio Judah ye n̄kann̄kụk Jerusalem ye isọn̄ Benjamin+ ye unaisọn̄+ ye ikpehe emi etiede obot obot+ ye Negeb,+ ẹda ofụri edifọp uwa+ ye uwa+ ye uwa n̄kpasịp+ ye frankincense+ ye uwa ekọm ẹdụk ẹdi ufọk Jehovah.+ 27  “‘“Edi edieke mbufo mîdikopke uyo mi ke ndinịm usen sabbath ke edisana mînyụn̄ itreke ndimen mbiomo,+ edi ẹmende enye ẹbe ẹdụk mme inuaotop Jerusalem ke usen sabbath, ami n̄ko nyekịm ikan̄ ke mme inuaotop esie,+ ndien enye ayata mme tọwa ufọkidụn̄ Jerusalem+ idinyụn̄ inịmeke.”’”+

Mme Ikọ Idakisọn̄