Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 16;1-21

16  Ndien uyo Jehovah esịm mi, ete:  “Kûdọ n̄wan, kûnyụn̄ ubon nditọiren ye nditọiban ke ebiet emi.+  Koro ntem ke Jehovah ọdọhọ aban̄a nditọiren ye nditọiban oro ẹmanade ke ebiet emi, onyụn̄ ọdọhọ aban̄a mme eka mmọ oro ẹmande mmọ onyụn̄ ọdọhọ aban̄a mme ete mmọ oro ẹbonde mmọ ke isọn̄ emi,+ ete,  ‘Mmọ ẹyekpan̄a ke udọn̄ọ.+ Owo idituaha mmọ,+ idinyụn̄ ibụkke mmọ.+ Mmọ ẹyekabade ẹdi ifụm ke iso isọn̄;+ mmọ ẹyekpan̄a ke akan̄kan̄ ye ke akan̄,+ okpo mmọ ẹyekabade ẹdi udia ẹnọ mme edibotn̄kpọ emi ẹfede ke enyọn̄ ye mme unam ikọt ke isọn̄.’+  “Koro ntem ke Jehovah ọdọhọ ete, ‘Kûdụk ufọk usọrọ mbon ntuan̄a, kûka ukutua unyụn̄ useme ye mmọ.’+ “‘Koro ami mmọbọ mbon emi emem mi,’ uyo Jehovah edi emi, ‘mbọ ima-mfọnido ye mbọm.+  Ndien mmọ ẹyekpan̄a, ikpọ owo ye mme usụhọde owo, ke isọn̄ emi. Owo idibụkke mmọ,+ idinyụn̄ itịmke idem iban̄a mmọ, baba owo kiet idinyụn̄ ikpịhi idemesie+ m̀mê ndikporo idet ke ntak mmọ.+  Ndien mmọ idinọhọ mmọ baba uyo kiet ke ntak mfụhọ man ẹdọn̄ owo esịt ẹban̄a mme akpan̄kpa;+ mmọ idinyụn̄ inọhọ mmọ cup ndọn̄esịt ẹn̄wọn̄ ke ntak ete mmọ ye ke ntak eka mmọ.+  Afo unyụn̄ unyeneke ndidụk baba ufọk usọrọ kiet ete isụhọde itie ye mmọ idia inyụn̄ in̄wọn̄.’+  “Koro ntem ke Jehovah mme udịm, Abasi Israel, ọdọhọ ete, ‘Sese ami mmọn̄ nnam uyom akwa inemesịt ye uyom idara, ye uyo ebendọ ye uyo n̄wanndọ ẹtre ke ebiet emi ke iso mbufo ye ke eyo mbufo.’+ 10  “Ndien ama ekem, ke ini afo edisiande mbon emi kpukpru mme ikọ emi ndien mmọ ẹdọhọ fi ẹte, ‘Ke nso ntak ke Jehovah ọdọhọ kpukpru ikpọ afanikọn̄ emi aban̄a nnyịn, nso inyụn̄ idi ndudue nnyịn ye idiọkn̄kpọ nnyịn emi nnyịn inamde idue Jehovah Abasi nnyịn?’+ 11  afo enyene ndidọhọ mmọ n̄ko ete, ‘“Ke ntak emi mme ete mbufo ẹkekpọn̄de mi,”+ uyo Jehovah edi emi, “ndien mmọ ẹma ẹtiene mme abasi efen ẹnyụn̄ ẹnam n̄kpọ mmọ ẹnyụn̄ ẹnụhọ ẹnọ mmọ.+ Edi mmọ ẹma ẹkpọn̄ mi, ikonyụn̄ inịmke ibet mi.+ 12  Ndien mbufo ẹmenam se idiọkde ikan se mme ete mbufo ẹkenamde,+ ndien sese owo mbufo kiet kiet ke asan̄a ke itụn+ idiọk esịt esie inyụn̄ ikopke uyo mi.+ 13  Ndien ami nyebịn mbufo mfep ke isọn̄+ emi ndọn̄ ke isọn̄ emi mbufo ke idem mbufo m̀mê mme ete mbufo mîfiọkke,+ ndien mbufo ẹyenam n̄kpọ mme abasi+ efen do uwemeyo ye okoneyo, koro ami ndifọnke mbufo baba mfọn kiet.”’ 14  “‘Mmọdo, sese! mme usen ke ẹdi,’+ uyo Jehovah edi emi, ‘emi owo mîdidọhọke aba ite: “Ma uwem Jehovah emi akadade nditọ Israel ọwọrọ ke isọn̄ Egypt ọdọk!”+ 15  edi ẹdidọhọde ẹte: “Ma uwem Jehovah emi akadade nditọ Israel ọwọrọ ke isọn̄ edem edere ye ke kpukpru isọn̄ emi enye ekebịnde mmọ ọdọn̄!” ndien ami nyada mmọ mfiak ndi ke isọn̄ mmọ, emi n̄kọnọde mme ete ete mmọ.’+ 16  “‘Sese ami mmọn̄ ndọn̄ ẹkekot ediwak mme ọkọiyak,’ uyo Jehovah edi emi, ‘ndien mmọ ẹyeyom mmọ ẹmụm; ndien ke oro ebede ami nyọdọn̄ ẹkekot ediwak atautop,+ ndien mmọ ẹyebịn ikọt ẹyom mmọ ke kpukpru ikpọ obot ye ke kpukpru n̄kpri obot ye ke mme aba ikpọ itiat.+ 17  Koro enyịn mi ke ese kpukpru usụn̄ mmọ. Mmọ idịbeke ke iso mi, ndudue mmọ inyụn̄ idịbeke mi ke enyịn.+ 18  Ndien, akpa kan̄a, ami nyosio ọyọhọ usiene oro ekemde ye ndudue+ mmọ ye idiọkn̄kpọ mmọ, ke ntak emi mmọ ẹsabarede isọn̄ mi.+ Mmọ ẹma ẹda mbukpịt mbubiam n̄kpọ mmọ ye mme n̄kpọ itekesịt mmọ ẹyọhọ udeme mi.’”+ 19  O Jehovah odudu mi ye ọkpọsọn̄ ebiet mi, ye ebiet ubọhọ mi ke usen nnanenyịn,+ mme idụt ẹyeto ke mme utịt isọn̄ ẹdi ẹbịne fi,+ mmọ ẹyenyụn̄ ẹdọhọ ẹte: “Ke akpanikọ mme ete ete nnyịn ẹkeda nsu ẹnyene,+ kpa ikpîkpu n̄kpọ ye mme n̄kpọ oro mînyeneke ufọn ndomokiet.”+ 20  Nte owo ekeme ndinam mme abasi nnọ idemesie ke ini mmọ mîdịghe mme abasi?+ 21  “Mmọdo, sese ami mmọn̄ nnam mmọ ẹfiọk; nyanam mmọ ẹfiọk ubọk mi ye odudu+ mi ini kiet emi, ndien mmọ ẹyefiọk ẹte ke enyịn̄ mi edi Jehovah.”+

Mme Ikọ Idakisọn̄