Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Jeremiah 15;1-21

15  Ndien Jehovah ọdọhọ mi ete: “Edieke Moses+ ye Samuel+ ẹkpedade ke iso mi, ukpọn̄ mi ikpesehe mbon emi.+ Ẹkpebịn mmọ ẹfep ke iso mi, man mmọ ẹwọrọ.+  Ndien ama ekem edieke mmọ ẹdidọhọde fi ẹte, ‘Nnyịn idiwọrọ ika m̀mọ̀n̄?’ afo enyene ndidọhọ mmọ n̄ko ete, ‘Ntem ke Jehovah ọdọhọ ete: “Owo ekededi eke anade akpa ke udọn̄ọ n̄kpa, ayakpa ke udọn̄ọ n̄kpa! Ndien owo ekededi eke anade akpa ke akan̄kan̄, ayakpa ke akan̄kan̄! Owo ekededi eke onyụn̄ anade akpa ke akan̄, ayakpa ke akan̄!+ Ndien owo ekededi eke anade aka ntan̄mfep, ayaka ntan̄mfep!”’+  “‘Ndien ami nyanam orụk n̄kpọ inan̄ emi ẹsịm mmọ,’+ uyo Jehovah edi emi, ‘akan̄kan̄ man owot mmọ, mme ebua man ẹdụri mmọ ẹdaha, mme edibotn̄kpọ emi ẹfede ke enyọn̄+ ye mme unam ikọt ke isọn̄ man ẹta ẹnyụn̄ ẹsobo mmọ.  Ndien ami nyanam mmọ ẹdi n̄kpọ nnyekidem ke kpukpru mme obio ubọn̄ isọn̄+ ke ntak Manasseh eyen Hezekiah, edidem Judah, ke se enye akanamde ke Jerusalem.+  Koro anie editua fi mbọm, O Jerusalem, anie ediseme fi,+ anie edinyụn̄ awaha edibụp nte n̄kpọ etiede ye afo?’  “‘Afo ọmọkpọn̄ mi,’+ uyo Jehovah edi emi. ‘Afo osụk asan̄a aka edem edem.+ Ndien ami nyanyanade ubọk mi n̄n̄wana ye afo nnyụn̄ nsobo fi.+ Mmatua fi mbọm* tutu akak mi.+  Ndien ami nyada fork+ nsak mmọ ke mme inuaotop idụt. Nyanam mmọ ẹtaba nditọ mmọ.+ Ami nyosobo ikọt mi, sia mmọ mîfiakke edem ikpọn̄ mme usụn̄ idemmọ.+  Mme ebeakpa mmọ ẹmewak mi ke enyịn ẹkan ntan inyan̄. Ami nyada andibụme ntiene mmọ, nda ntiene eka ye akparawa, ke ufọt uwemeyo.+ Nyanam ndutịme ye afanikọn̄ ẹduọ mmọ ke idem ke mbuari.+  N̄wan oro amande nditọ itiaba inyeneke aba odudu; ukpọn̄ esie amian̄a oyom ofụm ndin̄wek.+ Utịn esie omosop ke adan̄aemi osụk edide uwemeyo;+ enye omokop bụt onyụn̄ adia esuene.’ ‘Ndien nyada nsụhọ mmọ nnọ akan̄kan̄ ke iso mme asua mmọ,’+ uyo Jehovah edi emi.” 10  Mbọm mi,+ O eka mi, koro afo amaman mi, owo utọk ye owo emi an̄wanade ye ofụri isọn̄.+ Ami nnọhọ n̄kpọ ke ebuọt, mmọ inyụn̄ inọhọ mi n̄kpọ ke ebuọt. Kpukpru mmọ ke ẹsụn̄i mi.+ 11  Jehovah ọdọhọ ete: “Ami nditreke ndinam n̄kpọ ọfọn ye afo.+ Ami nditreke ndisịbe ndụk mbiọn̄ọ mme asua+ ke ini afanikọn̄+ ye ke ini nnanenyịn. 12  Nte owo ekeme ndibụn̄ ukwak mbio mbio, kpa ukwak emi otode edem edere, nnyụn̄ mbụn̄ okpoho? 13  Nyayak inyene fo ye mme n̄kpọuto fo nnọ nte mbụme,+ idịghe ke ekọmurua, edi kaban̄a kpukpru idiọkn̄kpọ fo, ke kpukpru mme obio fo.+ 14  Ndien nyanam mmọ ẹsan̄a ye mme asua fo ẹbe ẹdụk isọn̄ oro afo mûfiọkke.+ Koro ikan̄ obụberede asak ke iyatesịt mi.+ Enye ayasak mbufo ke idem.” 15  Afo ọmọfiọk.+ O Jehovah, ti mi+ nyụn̄ wọn̄ọde ntịn̄enyịn fo nọ mi nyụn̄ sio mme andikọbọ mi usiene.+ Kûmen mi ufep sia afo mûsọpke ndiyat esịt.+ Fiọk nte ami mbiomde esuene ke ntak fo.+ 16  Ẹma ẹkụt mme ikọ fo, ndien ami ndia mmọ;+ ikọ fo onyụn̄ akabade edi n̄kpọ idara+ ọnọ mi ye se idatde mi esịt;+ koro ẹkotde mi ẹdian enyịn̄ fo,+ O Jehovah Abasi mme udịm.+ 17  Ami ntiehe ke otu mbon oro ẹnamde mbubru+ ẹnyụn̄ ẹtọn̄ọde ndidara.+ Koro mmosụhọde ntie ikpọn̄+ ke ntak ubọk fo, koro afo amada ifụtesịt ọyọhọ mi idem.+ 18  Ntak emi ubiak mi ebịghide,+ owo mînyụn̄ ikemeke ndikọk unan mi?+ Enye esịn ndikụre. Ke akpanikọ, afo amakabade etie ye ami nte n̄kpọ abian̄a,+ nte mmọn̄ eke owo mîkemeke ndiberi edem.+ 19  Mmọdo ntem ke Jehovah ọdọhọ ete: “Edieke afo edifiakde edi, do ami nyafiak nda fi ndi.+ Afo ayada ke iso mi.+ Ndien edieke afo edisiode ọsọn̄urua n̄kpọ ke n̄kpọ eke mînyeneke ufọn, afo ayakabade etie nte inua mi. Mmọ ẹyefiak ẹtiene fi, edi afo udufiakke utiene mmọ.” 20  “Ndien ami mmanam fi edi ọkpọsọn̄ ibibene okpoho ke otu mbon emi;+ ndien mmọ ẹyen̄wana ye afo, edi mmọ idikanke fi.+ Koro ami ndude ye afo, ndikpeme fi nnyụn̄ nnyan̄a fi,”+ uyo Jehovah edi emi. 21  “Ndien ami nyanyan̄a fi nsio ke ubọk mme idiọkowo,+ nyonyụn̄ mfak fi nsio ke ekaubọk mbon ufịk.”

Mme Ikọ Idakisọn̄

At. Ed., “mmatua n̄kpọfiọk.”