Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 13;1-27

13  Ntem ke Jehovah ọdọhọ mi ete: “Ka kada ubọpisịn linen bọbọ ke isịn fo, edi kûsịn enye ke mmọn̄ ndomokiet.”  Ntre ami nda ubọpisịn oro nte ekemde ye uyo Jehovah mbọbọ ke isịn mi.  Ndien uyo Jehovah esịm mi ọyọhọ utịm ikaba, ete:  “Da ubọpisịn emi afo akadade, oro ọbọbọde fi ke isịn, daha ke enyọn̄ ka Euphrates,+ nyụn̄ kedịp enye do ke aba akwa itiat.”  Ntre ami n̄ka n̄kedịp enye ke mben Euphrates, kpa nte Jehovah okowụkde mi.  Ekem ke utịt ediwak usen Jehovah ọtọn̄ọ ntak ọdọhọ mi ete: “Daha ke enyọn̄ ka Euphrates kada ubọpisịn oro n̄kowụkde fi nte edịp do.”  Ndien ami n̄ka Euphrates n̄kobụhọde ubọpisịn oro ke ebiet oro n̄kedịpde enye, ndien, sese! ubọpisịn oro ama abiara; enye ikọfọnke ke baba n̄kpọ kiet.  Ekem uyo Jehovah esịm mi, ete:  “Ntem ke Jehovah ọdọhọ ete, ‘Kpa ntem ke ndibiat ntan̄idem Judah+ ye akwa ntan̄idem Jerusalem. 10  Mme idiọkowo emi ẹsịnde ndikop ikọ mi,+ emi ẹsan̄ade ke itụn esịt+ mmọ, emi ẹnyụn̄ ẹtienede mme abasi efen man ẹnam n̄kpọ mmọ ẹnyụn̄ ẹnụhọ ẹnọ mmọ,+ ẹyekabade ẹtie nte ubọpisịn emi, oro mîfọnke ke baba n̄kpọ kiet.’ 11  ‘Koro kpa nte ubọpisịn ọbọbọde owo ke isịn, kpa ntre ke ami nnam ofụri ufọk Israel ye ofụri ufọk Judah ẹbọbọ mi ke idem,’+ uyo Jehovah edi emi, ‘man mmọ ẹkabade ẹdi ikọt+ mi ẹnyụn̄ ẹdi enyịn̄+ ye itoro ye ediye n̄kpọ ẹnọ mi; edi mmọ ikopke uyo mi.’+ 12  “Ndien afo enyene ndisian mmọ ikọ emi, ete, ‘Ntem ke Jehovah Abasi Israel ọdọhọ ete: “Wine+ ọmọyọhọ kpukpru ikpọ aban̄.”’ Ndien mmọ ẹyedọhọ fi ẹte, ‘Nte nnyịn itịmke ifiọk ite ke wine ọmọyọhọ kpukpru ikpọ aban̄?’ 13  Ndien afo enyene ndidọhọ mmọ ete, ‘Ntem ke Jehovah ọdọhọ ete: “Sese ami mmọn̄ nnọ kpukpru mme andidụn̄ isọn̄ emi ye ndidem oro ẹtiede ke ibuot David+ ke ebekpo esie ye mme oku ye mme prọfet ye kpukpru mme andidụn̄ Jerusalem mmịn ẹn̄wọn̄ ẹkpa.+ 14  Ndien ami nyemen mmọ n̄kọtọ ye kiet eken, mme ete ye nditọ ke ukem ini,”+ uyo Jehovah edi emi. “Ndiwụtke mbọm, mbọm mmọ idinamke mi, ndinyụn̄ ntuaha mbọm ntre ndisobo mmọ.”’+ 15  “Mbufo ẹkpan̄ utọn̄ ẹnyụn̄ ẹkop. Ẹkûseri iseri,+ koro Jehovah ọmọdọhọ.+ 16  Ẹnọ Jehovah Abasi mbufo ubọn̄,+ mbemiso enye anamde ekịm+ odu, mbemiso ukot mbufo kiet atuahade ye eken ke obot ke okoneyo.+ Ndien mbufo ẹyedori enyịn ke un̄wana,+ ndien enye ayanam enye edi ekịm;+ enye ayanam enye akabade edi ọkpọsọn̄ ekịm.+ 17  Ndien edieke mbufo mîkopke,+ ukpọn̄ mi ayatua eyet ke mme ebiet udịbe ke ntak ntan̄idem mbufo, mmọn̄eyet idinyụn̄ itreke ndisiaha mi ke enyịn; ndien mmọn̄eyet+ eyewet mi ke enyịn osụhọde, koro ẹyetan̄ otu ufene+ Jehovah ẹnyọn̄ọ nte mbuotekọn̄. 18  “Dọhọ edidem ye ọbọn̄ an̄wan,+ ete, ‘Ẹtie ke usụhọde itie,+ koro anyanya uyai mbufo oyodorode mbufo ke ibuot ọduọ ke isọn̄.’+ 19  Ẹmeberi mme obio edem usụk, ndien baba owo kiet ikemeke ndiberede mmọ. Ẹmetan̄ ofụri Judah ẹka ntan̄mfep. Ẹmetan̄ enye ẹka ntan̄mfep ofụri ofụri.+ 20  “Menede enyịn fo nyụn̄ se mmọ emi ẹtode edem edere+ ẹdi. Enye otu ufene oro ẹkenọde fi, kpa ediye otuerọn̄ fo?+ 21  Nso ke afo edidọhọ ke ini owo ọwọn̄ọrede enyịn ese fi,+ ke ini afo ekpepde mmọ nte mme akpan ufan emi afo emehede toto ke editọn̄ọ?+ Nte ubiak uman iditụkke fi, nte eke n̄wan oro oyomde ndiman eyen?+ 22  Ndien ke ini afo edidọhọde ke esịt+ fo ete, ‘Ntak emi mme n̄kpọ emi ẹwọrọde mi?’+ ke ntak uwak ndudue fo ẹmefụhọde isọn̄ọfọn̄ fo ẹfep nte ufụhọn̄kpọ;+ ẹmenam n̄kpọ afai afai ye nditịn̄ikpat fo. 23  “Nte eyen Cush+ ekeme ndikpụhọde ikpọkidem esie? mîdịghe nte anawụri ekpe ekeme ndikpụhọde n̄kem esie?+ Mbufo ẹmekeme n̄ko ndinam eti, mbufo emi ẹkpepde ndinam idiọk.+ 24  Ntre ami nyasuan mmọ+ nte nnyanyan̄a emi ofụm emi otode wilderness emende ebe.+ 25  Emi edi udeme fo, udeme emi ndomode nnọ fi,”+ uyo Jehovah edi emi, “koro afo emefre mi+ onyụn̄ ọbuọt idem ke nsu.+ 26  Ndien ami n̄ko nyofụhọde isọn̄ọfọn̄ fo mfụk fi iso, ndien ẹyekụt esuene fo,+ 27  ye mme edinam efịbe+ fo ye uyo emi afo osiorode nte enan̄-mbakara+ ye obukpo ido akpara fo. Mmokụt mme mbubiam n̄kpọ fo ke enyọn̄ obot ye ke in̄wan̄.+ Mbọm fo, O Jerusalem! Afo ukemeke ndisana+—adan̄a didie ke emi edika iso?”+

Mme Ikọ Idakisọn̄