Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jeremiah 10;1-25

10  O ufọk Israel, ẹkop ikọ emi Jehovah etịn̄de aban̄a mbufo.  Ntem ke Jehovah ọdọhọ ete: “Ẹkûdedei ẹkpep usụn̄ mme idụt,+ ẹkûnyụn̄ ẹyak mme idiọn̄ọ ikpaenyọn̄ ẹnam mbufo ẹdịghe, koro mmọ ẹnamde mme idụt ẹdịghe.+  Koro ido edinam mme owo+ ẹdi ibifịk oro ẹduọkde, koro enye edide eto+ emi owo esịbede ke akai, utom ubọk emi anamusọ adade ekpri ekụri anam.+  Owo ada silver ye gold anam enye eye.+ Mmọ ẹda okpukwak ye hammer ẹkọn̄ mmọ ẹdian, mbak baba kiet edisehede.+  Mmọ ẹtie nte nnabikịm ke in̄wan̄ cucumber, inyụn̄ ikemeke nditịn̄ ikọ. Ẹmemen mmọ ẹsan̄a, koro mmọ ikemeke ndisan̄a.+ Ẹkûfehe mmọ, koro mmọ ikemeke ndinam owo idiọk, akan oro, mmọ ikemeke ndinam baba eti n̄kpọ kiet.”+  O Jehovah, baba owo kiet ibietke fi ke usụn̄ ndomokiet.+ Afo omokpon, enyịn̄ fo omonyụn̄ okpon ke odudu.+  Anie mîdibakke fi,+ O Edidem mme idụt,+ koro afo omodot; koro baba owo kiet ibietke fi ke usụn̄ ndomokiet ke otu kpukpru mbon ọniọn̄ mme idụt ye ke otu kpukpru ndidem mmọ.+  Kpukpru mmọ ẹdi mme anana-ibuot owo ye ndisịme.+ Eto edi n̄kpọ oro anamde owo ebịne ikpîkpu n̄kpọ.+  Ẹmeda silver emi ẹdomde efere ẹto Tarshish+ ẹdi, ẹnyụn̄ ẹda gold ẹto Uphaz+ ẹdi, utom anamusọ ye utom ubọk odomutịm; edisịnen̄kpọ mmọ edi blu blu ọfọn̄ ye idet erọn̄ emi enyenede uduot mmọn̄ibọn̄. Kpukpru mmọ ẹdi utom mbonusọ.+ 10  Edi Jehovah ke akpanikọ edi Abasi.+ Enye edi odu-uwem Abasi+ ye Edidem ke nsinsi.+ Isọn̄ eyenyek ke ntak iyatesịt esie,+ ndien baba idụt kiet idisọn̄ọke ida ke ifụtesịt+ esie. 11  Ntem ke mbufo ẹdidọhọ mmọ ẹte: “Mme abasi+ emi mîkanamke enyọn̄ ye isọn̄ ẹyetak ke isọn̄+ ye ke idak ikpaenyọn̄.” 12  Enye edi Andinam isọn̄ ke odudu+ esie, Enye emi adade ọniọn̄ esie ọsọn̄ọ owụk isọn̄,+ ye Enye emi adade ifiọk esie anyanade ikpaenyọn̄ enịm.+ 13  Ke ini enye osiorode uyo, mmọn̄ esịn editịm ke ikpaenyọn̄,+ enye anam uye oto ke utịt isọn̄ ọdọk.+ Enye amakam anam mme usụn̄ mmọn̄ ọnọ edịm,+ onyụn̄ osio ofụm ke mme ufọk ubonn̄kpọ esie edi.+ 14  Kpukpru owo ẹmenana ibuot ẹbe nte ẹkemede ndifiọk n̄kpọ.+ Bụt ayanam kpukpru mme odomutịm ke ntak edisọi mbiet;+ koro editara mbiet esie edide nsu,+ spirit inyụn̄ idụhe mmọ ke idem.+ 15  Mmọ ẹdi ikpîkpu, utom nsahi.+ Mmọ ẹyetak ke ini ẹdiwọn̄ọrede enyịn ẹse mmọ.+ 16  Udeme Jacob+ itiehe nte mme n̄kpọ emi, koro enye edi Andibot kpukpru n̄kpọ,+ ndien Israel edi esan̄ udeme+ esie. Jehovah mme udịm edi enyịn̄+ esie. 17  Tan̄ mbiomo+ fo fep ke isọn̄, O n̄wan emi odude ke afanikọn̄.+ 18  Koro ntem ke Jehovah ọdọhọ ete: “Sese ami mmọn̄ ntop mme andidụn̄ isọn̄ nduọk ke ini emi,+ ndien ami nyanam mmọ ẹkop mfụhọ man mmọ ẹkpekụt.”+ 19  Mbọm mi ke ntak unan mi!+ Owo ikemeke ndikọk unan mi. Ndien ami ndọhọ nte: “Ke akpanikọ udọn̄ọ mi edi emi, ami nyonyụn̄ mbiom enye.+ 20  Ẹmebụme tent mi, ẹnyụn̄ ẹsịbe kpukpru urụk tent mi.+ Nditọiren mi ẹmewọrọ ẹkpọn̄ mi, mmọ inyụn̄ idụhe aba.+ Owo eke enen̄erede tent mi m̀mê eke emenerede mme ọfọn̄ tent mi idụhe aba. 21  Koro mme ekpemerọn̄ ẹmenam n̄kpọ ke unana ibuot,+ mmọ inyụn̄ iyomke Jehovah.+ Ntak edi oro mmọ mînamke n̄kpọ ye ikike, ẹmenyụn̄ ẹsuan kpukpru ufene mmọ emi ẹtade mbiet.”+ 22  Ẹkop! Etop! Sese enye emedi, ọkpọsọn̄ uyom n̄ko omoto ke idụt edem edere,+ man anam mme obio Judah ẹdi ndon, itieidụn̄ mme jackal.+ 23  O Jehovah, mmetịm mfiọk nte ke usụn̄ owo isịneke enye ke ubọk. Ikam isịneke ke ubọk owo eke asan̄ade ndinen̄ede ikpatisan̄+ esiemmọ. 24  Da ubiereikpe nen̄ede mi, O Jehovah;+ kûnen̄ede mi ke iyatesịt+ fo, mbak udunam mi n̄kabade ndi ikpîkpu.+ 25  N̄wan̄a ifụtesịt fo fụk mme idụt+ emi ẹfụmide fi,+ ye mme ubon emi mîkam ikotke enyịn̄ fo.+ Koro mmọ ẹmeta Jacob.+ Ih, mmọ ẹmeta enye, ndien mmọ ẹsobo enye ẹfep;+ mmọ ẹnyụn̄ ẹnam ebietidụn̄ esie edi ndon.+

Mme Ikọ Idakisọn̄