Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

James 4;1-17

4  Ekọn̄ oto m̀mọ̀n̄, en̄wan onyụn̄ oto m̀mọ̀n̄ odu ke otu mbufo? Nte mmọ itoho ke mme n̄kpọ emi,+ oro edi, ọkpọsọn̄ udọn̄ obụkidem, oro an̄wanade ekọn̄ ke mme ndido mbufo?+  Mbufo ẹmeyom, edi inyeneke. Mbufo ẹmeka iso ẹwot+ owo ẹnyụn̄ ẹsịn esịt ke n̄kpọ owo,+ edi mbufo ikemeke ndibọ nnyene. Mbufo ẹmeka iso ndin̄wana+ en̄wan ẹnyụn̄ ẹtop ekọn̄. Mbufo inyeneke koro mbufo mîben̄eke.  Mbufo ẹmeben̄e, edi ibọhọ, koro mbufo ẹben̄ede kaban̄a idiọk uduak,+ man ẹda ẹyụhọ ọkpọsọn̄ udọn̄ mbufo ndinyene n̄kpọ obụkidem.+  Mbufo iban n̄kaowo,+ nte mbufo ifiọkke ite edidi ufan ye ererimbot edi edidi asua ye Abasi?+ Ke ntre, owo ekededi eke oyomde ndidi ufan+ ye ererimbot anam idem asua ye Abasi.+  Mîdịghe ndi etie mbufo nte ke N̄wed Abasi etịn̄ ke ikpîkpu ete: “Spirit+ isịnenyịn emi odụn̄de nnyịn ke idem enyene ntụhọ edika iso nyom mme n̄kpọ”?  Edi, mfọnido oro owo mîdotke emi Enye ọnọde okpon akan.+ Ntem N̄wed Abasi ọdọhọ ete: “Abasi ọbọbiọn̄ọ mbon ntan̄idem,+ edi enye ọnọ mbon nsụhọdeidem mfọnido oro owo mîdotke.”+  Ke ntre, ẹsụk idem+ ẹnọ Abasi; edi ẹbiọn̄ọ Devil,+ ndien enye eyefehe ọkpọn̄ mbufo.+  Ẹsan̄a ẹkpere Abasi, ndien enye ayasan̄a ekpere mbufo.+ Ẹyet ubọk mbufo asana, mbufo mme anamidiọk,+ ẹnyụn̄ ẹnam esịt mbufo asana,+ mbufo mbon unana iwụk.+  Mbufo ẹfụhọ, ẹnyụn̄ ẹseme, ẹnyụn̄ ẹtuan̄a.+ Ẹyak imam mbufo akabade eseme, idatesịt mbufo onyụn̄ akabade mfụhọ.+ 10  Ẹsụhọde idem ke iso Jehovah,+ ndien enye eyemenede mbufo enịm ke enyọn̄.+ 11  Nditọete, ẹkûtịn̄ ikọ ẹbiat kiet eken.+ Owo eke etịn̄de ikọ adian eyenete m̀mê ekpede ikpe+ ọnọ eyenete esie etịn̄ ikọ adian ibet onyụn̄ obiom ibet ikpe. Ndien edieke afo obiomde ibet ikpe, afo udịghe andinịm ibet, edi edi ebiereikpe.+ 12  Odu owo kiet emi edide ọnọ-ibet ye ebiereikpe,+ emi ekemede ndinyan̄a nnyụn̄ nsobo.+ Edi, afo edi anie eke ekpede ikpe ọnọ mbọhọidụn̄ fo?+ 13  Ẹdi, ndien, mbufo emi ẹdọhọde ẹte: “Mfịn m̀mê n̄kpọn̄ nnyịn iyaka obio emi ikodu do isua kiet, inyụn̄ inam mbubehe idia udori,”+ 14  ke adan̄aemi mbufo mîfiọkke se uwem mbufo edidide n̄kpọn̄.+ Koro mbufo ẹdi ntụhube emi ọwọrọde ke esisịt ini ndien ekem ebe efep.+ 15  Utu ke oro, mbufo ẹkpekam ẹdọhọ ẹte: “Edieke edide uduak+ Jehovah, nnyịn iyodu uwem inyụn̄ inam emi m̀mê oko.”+ 16  Edi, ke emi, mbufo ẹmebụre mbụre ke n̄kohodeidem mbufo.+ Kpukpru mbụre eke ẹtiede ntre ẹdiọk. 17  Ke ntre, edieke owo ọfiọkde ndinam se inende edi mînamke,+ oro edi idiọkn̄kpọ+ ọnọ enye.

Mme Ikọ Idakisọn̄