Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

James 3;1-18

3  Nditọete mi, ikpanaha ediwak mbufo ẹkabade ẹdi mme andikpep,+ sia ẹfiọkde ẹte nnyịn iyọbọ ubiereikpe eke okponde akan.+  Koro kpukpru nnyịn idedue ediwak ini.+ Edieke owo ekededi mîduehe* ke ikọ,+ enye edi mfọnmma owo,+ ekeme ndikara ofụri idem esie n̄ko.  Edieke nnyịn isịnde ukpaha+ ke inua enan̄-mbakara man mmọ ẹkop uyo ẹnọ nnyịn,+ nnyịn imọwọn̄ọde ofụri idem mmọ.  Sese! Akam edi ubom, okposụkedi mmọ ẹnen̄erede ẹkponi, ọkpọsọn̄ ofụm onyụn̄ anamde mmọ ẹsan̄a, ẹda ata ekpri ubọi+ ẹwọn̄ọde mmọ ẹsịn ke ebiet eke owo emi eberide ubọi oyomde.  Ntre, n̄ko, edeme edi ekpri ndido edi obụre akwa mbụre.+ Sese, nte ata ekpri ikan̄ obuberede ata akwa akai!  Edeme edi ikan̄.+ Edeme edi ndido idem nnyịn emi ọyọhọde ye ukwan̄ido, koro enye asabarede ofụri ikpọkidem+ onyụn̄ abiatde ofụri usụn̄ uwem owo, ndien enye osobo nte Gehenna.  Koro ẹkeme ndisụk kpukpru orụk unam ikọt ide, ọkọrọ ye inuen ye n̄kpọ eke ẹnyọnide ye mme unam eke ẹdude ke inyan̄, ubonowo ẹmenyụn̄ ẹsụk mmọ ide.+  Edi amaedi edeme, baba owo kiet ke otu ubonowo ikemeke ndisụk enye ide. Enye edi n̄kpọ emi ọsọn̄de ndikara onyụn̄ ekemede ndinọ owo unan, onyụn̄ ọyọhọde ye ibọkn̄kpa.+  Nnyịn ida enye itoro Jehovah,+ emi edide Ete,+ ndien kpa enye ke nnyịn ida isụn̄i+ mme owo emi ẹkebotde “ke mbiet Abasi.”+ 10  Kpa inua kiet oro ke itoro ye isụn̄i ẹwọn̄ọ. Nditọete mi, ifọnke n̄kpọ ndika iso ntem.+ 11  Nte enyịn idịm+ kiet esision̄o edinem ye ndotndot mmọn̄? 12  Nditọete mi, nte eto fig ekeme ndin̄wụm olive m̀mê vine ndin̄wụm fig?+ Unụn̄ inyụn̄ ikemeke ndision̄o edinem mmọn̄. 13  Anie enyene ọniọn̄ ye ifiọk ke otu mbufo? Yak enye ada nti edu esie owụt utom+ esie ke ifụre ifụre ido oro asan̄ade ye ọniọn̄. 14  Edi edieke mbufo ẹnyenede ndotndot ufụp+ ye ndomoidem+ ke esịt mbufo, ẹkûbụre mbụre+ ẹnyụn̄ ẹsu nsu ẹdian akpanikọ.+ 15  Emi idịghe ọniọn̄ eke otode enyọn̄ osụhọde edi,+ edi edi eke isọn̄,+ eke unam, eke mme demon.+ 16  Koro ke ebiet emi ufụp+ ye ndomoidem ẹdude, do ke ndutịme ye kpukpru mbukpo ido ẹdu.+ 17  Edi ọniọn̄+ eke otode enyọn̄ edi edisana+ ke akpa ifet, onyụn̄ etie emem emem,+ enyene eti ibuot,+ enyịme ndikop item, ọyọhọ ye mbọm ye nti mfri,+ itọhọ ubahade,+ isan̄ake ye mbubịk.+ 18  Ndien ẹtọ mfri+ edinen ido+ ke emem+ ẹnọ mbon oro ẹnamde emem.+

Mme Ikọ Idakisọn̄

At. Ed., “ndituak ukot m̀mê ndiduọ.”