Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

James 2;1-26

2  Nditọete mi, nte mbufo ẹda mbuọtidem emi ẹnyenede ke Ọbọn̄ nnyịn Jesus Christ, emi edide ubọn̄+ nnyịn, ẹdian ye ediwụt uma?+  Koro, edieke owo emi esịnede n̄kpanuen gold ke nnuenubọk esie ye ediye edisịnen̄kpọ odụkde edi mboho+ mbufo, ndien ubuene emi esịnede ndedehe edisịnen̄kpọ odụk edi n̄ko,+  ndien mbufo ẹnam n̄kpọ ke uma+ ye enye emi esịnede ediye edisịnen̄kpọ ẹnyụn̄ ẹdọhọ enye ẹte: “Tie mi ke eti itie,” ẹnyụn̄ ẹdọhọ ubuene ẹte: “Dada do,” mîdịghe: “Tie ko ke mben udoriukot mi,”  nte mbufo itọhọ ubahade ke otu mbufo,+ inyụn̄ ikabakede idi mme ebiereikpe+ emi ẹnọde ukwan̄ ubiereikpe?+  Ẹkpan̄ utọn̄, ndima nditọete mi. Nte Abasi ikemekke mbon oro ẹdide ubuene+ ke n̄kpọ ererimbot emi ite ẹforo+ ke mbuọtidem ẹnyụn̄ ẹdi mme andida obio ubọn̄ nnyene, emi enye ọkọn̄wọn̄ọde ndinọ mbon oro ẹmade enye?+  Edi mbufo ẹmesuene ubuene. Nte mbon inyene ifịkke+ mbufo, nte mmọ inyụn̄ idụrike mbufo ika ikpe ke esop?+  Nte mmọ isụn̄ike+ eti enyịn̄ emi ẹkotde+ ẹdian mbufo?  Edieke mbufo ke emi ẹnịmde ibet+ edidem nte N̄wed Abasi ọdọhọde: “Afo enyene ndima mbọhọidụn̄ fo nte idemfo,”+ mbufo ẹmetịm ẹnam ọfọn.  Edi edieke mbufo ẹkade iso ẹnam n̄kpọ ke uma,+ mbufo ẹmenam idiọkn̄kpọ, koro ibet+ obiom mbufo ikpe nte mme abiatibet. 10  Koro owo ekededi eke enịmde kpukpru Ibet edi anamde ndudue ke nde kiet, amakabade edue ofụri ibet.+ 11  Koro enye emi ọdọhọde ete: “Kûsịn efịbe,”+ ọdọhọ n̄ko ete: “Kûwot owo.”+ Edieke afo ke emi mûsịnke efịbe edi owotde owo, afo amakabade abiatibet. 12  Ẹka iso ẹtịn̄ ikọ ntem ẹnyụn̄ ẹka iso ẹnam n̄kpọ ntem, nte mbon oro ẹdidade ibet mbon ubọhọ-ufụn ẹkpe ikpe ẹnọ.+ 13  Koro owo eke mîtuaha owo mbọm, owo idinyụn̄ ituaha enye mbọm ke ikpe.+ Mbọm akan ikpe. 14  Nditọete mi, nso ufọn odu edieke owo ọdọhọde ete imọ imenyene mbuọtidem+ edi enye inamke utom+ ndiwụt emi? Nte mbuọtidem oro ekeme ndinyan̄a enye?+ 15  Edieke eyenete eren m̀mê eyenete an̄wan ananade edisịnen̄kpọ ye udia eke ekemde ke usen,+ 16  edi owo mbufo kiet ọdọhọ enye ete: “San̄a sụn̄, akpakam afo enyene edisịnen̄kpọ ye udia usen,” edi mbufo inọhọ enye se inanade enye ke obụkidem, oro ọfọn ke nso?+ 17  Ntre, n̄ko, mbuọtidem eke mîsan̄ake ye utom+ akpa. 18  Edi, owo ekeme ndidọhọ ete: “Afo emenyene mbuọtidem, ami mmonyụn̄ nnam utom. Wụt mi mbuọtidem fo eke mîsan̄ake ye utom, ndien ami nyada utom+ n̄wụt fi mbuọtidem mi.” 19  N̄kọ afo emenịm ete Abasi kiet odu?+ Amanam etịm ọfọn. Mme demon n̄ko ẹnịm ke akpanikọ ẹnyụn̄ ẹnyek.+ 20  Edi nte ọdọn̄ fi ndifiọk, O ikpîkpu owo, nte ke mbuọtidem eke mîsan̄ake ye utom inyeneke ufọn? 21  Nte owo ikabatke Abraham ete+ nnyịn ke edinen ke ntak utom ke enye ama akayak Isaac eyen esie ọnọ ke itieuwa?+ 22  Afo omokụt ete ke mbuọtidem esie akasan̄a ye utom esie ndien utom esie ama anam mbuọtidem esie ọfọn ama,+ 23  ndien itie N̄wed Abasi ama osu emi ọdọhọde ete: “Abraham ọbuọt idem ye Jehovah, ndien ẹbat oro ẹnọ enye ke edinen ido,”+ ẹnyụn̄ ẹkot enye “ufan Jehovah.”+ 24  Mbufo ẹmekụt ẹte ẹbat owo ke edinen+ oto utom,+ itoho mbuọtidem kpọt.+ 25  Kpasụk ntre, nte owo ikabatke n̄ko Rahab,+ akpara oro, ke edinen oto utom, ke enye ama akakama mme isụn̄utom isen onyụn̄ osion̄o mmọ anam ẹsan̄a usụn̄ efen ẹnyọn̄ọ?+ 26  Mmọdo, kpa nte idem eke mînyeneke spirit akpade,+ ntre n̄ko ke mbuọtidem eke mîsan̄ake ye utom akpa.+

Mme Ikọ Idakisọn̄