Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

James 1;1-27

1  Ami James,+ ofụn+ Abasi ye ofụn Ọbọn̄ Jesus Christ, n̄wet n̄wed emi nnọ ẹsọk esien+ duopeba oro ẹsuanade:+ Ekọm do!  Ẹbat ẹte edi n̄kpọ ọyọhọ idatesịt, nditọete, ke ini nsio nsio idomo ẹsịmde mbufo,+  sia ẹfiọkde ẹte orụk mbuọtidem mbufo emi ẹma ẹkedomo ẹse anam ẹnyene ime.+  Edi ẹyak ime anam utom esie ama, man mbufo ẹkpeyọhọ ẹkem+ ẹnyụn̄ ẹfọn ke kpukpru nde, inanake baba n̄kpọ kiet.+  Ntre, edieke owo mbufo ekededi ananade ọniọn̄,+ yak enye aka iso eben̄e Abasi,+ koro enye ọnọde kpukpru owo ke ntatubọk inyụn̄ isueneke owo;+ ndien enye ọyọnọ enye.+  Edi yak enye aka iso eben̄e+ ke mbuọtidem, okûyịk ndomo esisịt,+ koro owo eke eyịkde ebiet mbufụt inyan̄ emi ofụm+ eberide emen otop ọduọk.  Yak owo oro okûkere ete imọ iyọbọ baba n̄kpọ kiet ito Jehovah;+  enye inyeneke iwụk,+ isọn̄ọke ida+ ke kpukpru usụn̄ esie.  Edi yak eyenete oro odude ke usụhọde itie adara ke emi ẹmenerede enye itie,+ 10  yak owo inyene+ onyụn̄ adara ke emi ẹsụhọrede enye itie, koro enye eyebe efep nte flawa ke ikọt.+ 11  Koro utịn asiahade ye ọkpọsọn̄ ufiop esie onyụn̄ anamde ikọn̄ ikọt eyemede, ndien flawa esie ekịbe ọduọ, uyai esie emi ẹkụtde ke enyịn onyụn̄ atak. Ntre, n̄ko, ke owo inyene ediyemede ke usụn̄ uwem esie.+ 12  Owo emi akade iso ọyọ idomo okop inemesịt,+ koro ke ini Abasi enyịmede ete enye ọfọn, enye ọyọbọ anyanya uwem,+ emi Jehovah ọkọn̄wọn̄ọde ndinọ mbon oro ẹmade enye.+ 13  Ke ini idomo esịmde owo,+ yak enye okûdọhọ ete: “Abasi odomo mi.” Koro owo ikemeke ndida idiọkn̄kpọ ndomo Abasi, enye ke idemesie inyụn̄ idomoke owo ekededi. 14  Edi idomo esịm owo kiet kiet ke ini udọn̄ idemesie odụride onyụn̄ atapde enye.+ 15  Ekem ke ini udọn̄ emi oyomode, aman idiọkn̄kpọ;+ ndien ke ini idiọkn̄kpọ oro okụrede utom esie, ada n̄kpa edi.+ 16  Ndima nditọete mi, ẹkûyak ẹtụn mbufo usụn̄.+ 17  Kpukpru nti enọ+ ye kpukpru enọ eke ẹfọnde ẹma ẹto enyọn̄,+ koro mmọ ẹto Ete mme un̄wana+ ke enyọn̄ ẹsụhọde ẹdi, ndien enye ikemeke ndikpụhọde nte emi mbukpọn̄ okpụhọrede.+ 18  Sia edide uduak+ esie, enye ama ada ikọ akpanikọ osion̄o nnyịn,+ man nnyịn ikpedi orụk akpa mbun̄wụm+ ke otu mme edibotn̄kpọ esie. 19  Ẹfiọk emi, ndima nditọete mi. Yak kpukpru owo ẹsọp ndikop ikọ, ẹkûsọp nditịn̄ ikọ,+ ẹkûsọp ndiyat esịt;+ 20  koro iyatesịt owo mîdaha edinen ido+ Abasi idi. 21  Ntem ẹduọn̄ọ kpukpru ndek ndek ido ye n̄kpọ oro mînyeneke ufọn do, kpa idiọkn̄kpọ,+ ẹnyụn̄ ẹbọ ikọ+ oro ẹtọde ke esịt mbufo ke ifụre ifụre ido emi ekemede ndinyan̄a ukpọn̄ mbufo.+ 22  Edi ẹkabade ẹdi mme anam ikọ,+ ẹkûdi mme andikokop kpọt, ẹdade nsunsu ekikere emi ẹbian̄a idem.+ 23  Koro edieke owo ekededi edide andikokop ikọ, ndien mîdịghe andinanam,+ owo emi ebiet owo eke esede iso esie ke ukụtiso. 24  Koro enye esede idemesie, ekem adaha ndien kpa idaha oro efre orụk owo eke enye edide. 25  Edi owo eke owụkde enyịn ese mfọnmma ibet+ oro anamde owo ọwọrọ ufụn onyụn̄ ọsọn̄ọde eyịre ke enye, owo emi, sia enye mîdịghe andikokop eke efrede, edi edide andinanam,+ oyokop inemesịt+ ke ndinam emi. 26  Edieke owo ekededi abatde ke imọ idi ata andituak ibuot+ ndien mîfarake edeme+ esie,+ edi aka iso ndibian̄a esịt esie, orụk utuakibuot owo emi edi ikpîkpu.+ 27  Orụk utuakibuot oro asanade+ mînyụn̄ ideheke+ ke enyịn Abasi Ete nnyịn edi: ndise mban̄a nditọakpa+ ye mme ebeakpa+ ke ukụt+ mmọ, ndinyụn̄ n̄kpeme idem nnana ntọi+ ke ererimbot.+

Mme Ikọ Idakisọn̄