Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 9;1-21

9  Edi ekịm oro iditiehe nte eke ini emi afanikọn̄ ekesịmde isọn̄, nte ekedide ke akpa ini emi owo ekesịnde isọn̄ Zebulun ye isọn̄ Naphtali+ ke ndek ye nte ekedide ke ukperedem ini emi owo akanamde ẹkpono enye+—usụn̄ inyan̄, ke ikpehe Jordan, kpa Galilee mme idụt.+  Mme owo emi ẹkesan̄ade ke ekịm ẹmekụt akwa un̄wana.+ Amaedi mmọ eke ẹdụn̄de ke isọn̄ ọkpọsọn̄ ekịm,+ un̄wana ayama ọnọ mmọ.+  Afo amanam idụt awak;+ afo amanam idatesịt esie okpon.+ Mmọ ẹmedat esịt ke iso fo kpa nte ẹsidatde ke ini ukpen̄e,+ nte mmọ eke ẹdatde esịt ke ini ẹdemede mbụme.+  Koro afo omobụn̄ ọkpọnọ mbiomo mmọ+ ye eto oro odorode mmọ ke afara, kpa esan̄ owo oro ebịnde mmọ ẹka utom,+ kpa nte akanamde ke usen Midian.+  Koro kpukpru ikpaukot owo emi edịghide+ isọn̄ enyek ye ọfọn̄ emi ẹwerede ke iyịp ẹmekabade ẹdi se ẹfọpde, nte udia ikan̄.+  Koro eyen amana ọnọ nnyịn,+ ẹnọ nnyịn eyeneren;+ ndien ubọn̄ oyodoro enye ke afara.+ Ẹyenyụn̄ ẹsio enye enyịn̄ Utịbe Ọnọitem,+ Ọkpọsọn̄ Abasi,+ Nsinsi Ete,+ Ọbọn̄ Emem.+  N̄kọri ke ubọn̄+ ye emem idinyeneke utịt+ ke ebekpo David+ ye ke obio ubọn̄ esie man ọsọn̄ọ owụk enye+ onyụn̄ ada unenikpe+ ye edinen ido+ anam enye ọsọn̄ọ ada, ke emi ye ke nsinsi. Ifịk Jehovah mme udịm edinam emi.+  Jehovah ama ọdọn̄ ẹketobo Jacob etop, etop oro onyụn̄ ọduọ Israel ke idem.+  Ndien mme owo ẹyefiọk enye,+ kpukpru mmọ, Ephraim ye mme andidụn̄ Samaria,+ ke ntak iseri mmọ ye ke ntak emi mmọ ẹdọhọde ke esịt emiom ẹte:+ 10  “Mme kọrikọri ẹmeduọn̄ọ, edi nnyịn iyada itiat emi ẹsọide-sọi+ ibọp. Ẹmekpi mme eto sycamore+ ẹduọn̄ọ, edi nnyịn iyada mme cedar ikpụhọ.” 11  Ndien Jehovah eyemenede mme asua Rezin ke enyọn̄ man ẹn̄wana ye enye, oyonyụn̄ edemede mme asua esie,+ 12  Syria ke edem usiahautịn+ ye mbon Philistia ke edem,+ ndien mmọ ẹyen̄wan̄ade inua ẹta Israel.+ Ke ntak kpukpru emi iyatesịt esie ifiakke edem, edi enye osụk anyanyan ubọk esie.+ 13  Ndien mme owo ifiakke itiene Enye emi amiade mmọ,+ mmọ inyụn̄ iyomke Jehovah mme udịm.+ 14  Ndien Jehovah eyesịbe ibuot+ ye isịm,+ n̄kọk ye nnyanyan̄a isantịm, efep ke Israel ke usen kiet.+ 15  Akani owo ye owo emi ẹtịmde ẹkpono edi ibuot,+ ndien prọfet emi ọnọde nsunsu item edi isịm.+ 16  Ndien mbon oro ẹdade mme owo emi usụn̄ ẹkabade ẹdi mbon oro ẹnamde mmọ ẹyo;+ ndien mbon oro mmọ ẹnọde ndausụn̄ ẹkabade ẹdi mbon emi ẹtịmerede.+ 17  Ntak edi oro Jehovah mîdidatke esịt iban̄a n̄kparawa mmọ,+ mîdinyụn̄ ituaha nditọakpa ye mme ebeakpa mmọ mbọm; koro kpukpru mmọ ẹdi mbon mfiakedem+ ye mme anamidiọk, kpukpru inua ẹnyụn̄ ẹtịn̄ ndisịme. Ke ntak kpukpru emi iyatesịt esie ifiakke edem, edi enye osụk anyanyan ubọk esie.+ 18  Koro idiọkido omobụbede asak nte ikan̄;+ enye ayata eto n̄kukịm ye mbiet.+ Ndien enye ayata mme ọtọwọk akai,+ onyụn̄ emen mmọ ọdọk nte nsụn̄ikan̄ eke ọdọkde.+ 19  Ifụtesịt Jehovah mme udịm amanam isọn̄ ata ikan̄, ndien mme owo ẹyekabade ẹtie nte udia ikan̄.+ Baba owo kiet idituaha eyenete esie mbọm.+ 20  Ndien owo eyesịbe n̄kpọ ke nnasia onyụn̄ okop biọn̄; owo oyonyụn̄ adia n̄kpọ ke ufien, ndien mmọ idikopke uyụhọ.+ Mmọ ẹyeta obụk ubọk mmọ,+ 21  Manasseh ayata Ephraim, Ephraim oyonyụn̄ ata Manasseh. Mmọ ẹyediana kiet ẹn̄wana ye Judah.+ Ke ntak kpukpru emi iyatesịt esie ifiakke edem, edi enye osụk anyanyan ubọk esie.+

Mme Ikọ Idakisọn̄