Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 8;1-22

8  Ndien Jehovah ọdọhọ mi ete: “Da akamba itiatn̄wed+ nyụn̄ da eton̄wed owo wet ‘Maher-shalal-hash-baz.’  Ndien yak mme ntiense+ akpanikọ, Uriah oku+ ye Zechariah eyen Jeberechiah, ẹdi ntiense mi.”+  Ekem ami ndụk ntiene prọfet an̄wan, enye onyụn̄ oyomo ndien nte ini akade aman eyeneren.+ Ndien Jehovah ọdọhọ mi ete: “Sio enye enyịn̄ Maher-shalal-hash-baz,  koro mbemiso eyen emi ọfiọkde ndidọhọ,+ ‘Ete mi!’ ye ‘Eka mi!’ owo eyemen inyene Damascus ye mbụme Samaria ke iso edidem Assyria efep.”+  Ndien Jehovah ọdọhọ mi ete:  “Ke ntak oro mbon emi ẹsịnde+ mmọn̄ Shiloah+ oro ọfiọrọde sụn̄sụn̄, ẹnyụn̄ ẹdarade+ ẹban̄a Rezin ye eyen Remaliah;+  mmọdo, sese! Jehovah ke ada+ ọkpọsọn̄ ye ediwak mmọn̄ Akpa,+ kpa edidem Assyria+ ye kpukpru ubọn̄ esie,+ ọdọk etiene mmọ. Ndien enye ọyọtọ ofụk kpukpru isọn̄ mmọn̄ esie onyụn̄ ọtọ emen ofụri mben esie  onyụn̄ ebe odụk Judah. Enye ọyọtọ onyụn̄ ewet ebe.+ Enye eyesịm itọn̄.+ Ndien mba esie oro enye editatde+ oyofụk ubom isọn̄ fo, O Immanuel!”+  O mbufo ẹbak ibak, ẹnyụn̄ ẹnuaha mbai mbai; kpukpru mbufo emi ẹdude ke nsannsan ikpehe isọn̄ ẹnyụn̄ ẹkpan̄ utọn̄!+ Ẹbọbọ mbọbọ,+ ẹnyụn̄ ẹnuaha mbai mbai!+ Ẹbọbọ mbọbọ, ẹnyụn̄ ẹnuaha mbai mbai! 10  Ẹduak uduak, ndien ẹyebiat enye ẹfep!+ Ẹtịn̄ ikọ ekededi, ndien enye idisọn̄ọke ida, koro Abasi odude ye nnyịn!+ 11  Koro ntem ke Jehovah ada ọkpọsọn̄ ubọk asian mi, man akpanam mi n̄n̄wọn̄ọde n̄kpọn̄ ndisan̄a ke usụn̄ mbon emi, ete: 12  “Mbufo ẹkûdọhọ ẹte, ‘Odu!’ ke kpukpru se mbon emi ẹdọhọde ẹte, ‘Odu!’+ ẹkûnyụn̄ ẹbak n̄kpọ emi mmọ ẹbakde, ẹkûnyụn̄ ẹnyek idem ẹban̄a enye.+ 13  Jehovah mme udịm—Enye ke mbufo ẹkpeda ke edisana,+ enye ke mbufo ẹkpebak,+ enye okponyụn̄ edi Enye emi anamde idem enyek mbufo.”+ 14  Ndien enye ayakabade etie nte edisana ebiet;+ edi etie nte itiat emi anamde owo atuak ukot+ ye nte akwa itiat emi anamde owo ọduọ ọnọ ufọk Israel mbiba, onyụn̄ etie nte afia ye ekpọ ọnọ mme andidụn̄ Jerusalem.+ 15  Ndien ediwak owo ke otu mmọ ẹyetuak ukot ẹduọn̄ọ ẹnyụn̄ ẹnuaha, ẹyenyụn̄ ẹkọk afia ẹnọ mmọ ẹnyụn̄ ẹmụm mmọ.+ 16  Wan̄ n̄wed ntiense,+ da ufịkn̄kpọ dian ke ibet ke otu mme mbet mi!+ 17  Ndien ami nyebet Jehovah,+ emi edịpde ufọk Jacob iso esie,+ nyonyụn̄ ndori enyịn ke enye.+ 18  Sese! Ami ye nditọ emi Jehovah ọnọde mi+ itie nte mme idiọn̄ọ+ ye mme utịben̄kpọ ke Israel, emi ẹtode Jehovah mme udịm emi odụn̄de ke Obot Zion.+ 19  Ndien edieke mmọ ẹdidọhọde mbufo ẹte: “Ẹka ẹkebụp mme obụp ekpo+ m̀mê mme etịn̄ ini iso emi ẹdiaride+ ẹnyụn̄ ẹtịn̄de ikọ ke sụn̄sụn̄ uyo,” nte owo ikpobụpke Abasi esie?+ Nte ẹkpebụp mme akpan̄kpa n̄kpọ ẹnọ mme odu-uwem?+ 20  Ẹbụp ibet ye n̄wed ntiense!+ Ke akpanikọ mmọ ẹyetịn̄ nte ekemde ye ikọ emi,+ edi oro idikwe un̄wana usiere.+ 21  Ndien owo kiet kiet ayasan̄a ke isọn̄ ebe ke nnanenyịn ye biọn̄;+ ndien ama ekem ke ntak oro biọn̄ ọdọn̄de enye, enye onyụn̄ ayatde esịt, enye oyosụn̄i edidem esie ye Abasi esie+ onyụn̄ emenede enyịn ese enyọn̄. 22  Enye oyonyụn̄ ese isọn̄, ndien, sese! nnanenyịn ye ekịm,+ n̄kpọsọn̄ ini ye n̄kụteyo oro un̄wana mîdụhe.+

Mme Ikọ Idakisọn̄