Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 7;1-25

7  Edikem ke eyo Ahaz+ eyen Jotham eyen Uzziah, edidem Judah, Rezin+ edidem Syria ye Pekah+ eyen Remaliah, edidem Israel, ẹdọk ẹdi Jerusalem ndin̄wana ekọn̄ ye enye, edi enye ikemeke ndin̄wana ekọn̄ ye enye.+  Ndien ẹka ẹketọt ufọk David ẹte: “Syria emeberi edem ke Ephraim.”+ Ndien esịt esie ye esịt ikọt esie ẹtọn̄ọ ndinyek, nte mme eto akai emi ofụm enyen̄ede.+  Ndien Jehovah ọdọhọ Isaiah ete: “Mbọk, wọrọ ka kosobo ye Ahaz, afo ye Shear-jashub+ eyen fo, ke utịt afan̄ mmọn̄+ ke n̄kan̄ enyọn̄ enyọn̄ n̄kpọdiọhọ mmọn̄, emi odude ke ọkpọusụn̄ in̄wan̄ eyetọfọn̄.+  Nyụn̄ dọhọ enye ete, ‘Kpeme idem kûnyụn̄ uyak idem enyek fi.+ Kûfehe ndịk, kûnyụn̄ uyak esịt fo okop ndịk+ aban̄a isịm eto iba emi ẹwọrọde nsụn̄ikan̄, onyụn̄ okop aban̄a ikan̄-ikan̄ iyatesịt Rezin ye Syria ye eke eyen Remaliah,+  ke ntak emi Syria adianade ye Ephraim ye eyen Remaliah aduak se idiọkde aban̄a fi, ete:  “Ẹyak nnyịn idọk ikan̄wana ye Judah inyụn̄ iwụri enye inyụn̄ in̄wana ikan enye inyụn̄ ida enye inyene; ẹnyụn̄ ẹyak nnyịn inam edidem en̄wen akara ke esịt esie, kpa eyen Tabeel.”+  “‘Ntem ke Jehovah Akakan Ọbọn̄ Andikara ọdọhọ ete: “Emi idisọn̄ọke ida, idinyụn̄ itịbeke.+  Koro Damascus edi ibuot Syria, Resin onyụn̄ edi ibuot Damascus; ndien osụhọ isua ata ye ition kpọt ẹyenuak Ephraim mbai mbai man enye okûdi idụt.+  Ndien Samaria+ edi ibuot Ephraim, eyen Remaliah+ onyụn̄ edi ibuot Samaria. Mbufo idibịghike, ibọhọke mbufo ẹnyene mbuọtidem.”’”+ 10  Ndien Jehovah etịn̄ ikọ efen efen ye Ahaz, ete: 11  “Ben̄e Jehovah Abasi fo ọnọ fi idiọn̄ọ,+ anam enye otụn̄ọ nte Udi,* mîdịghe anam enye okon̄ nte heaven.” 12  Edi Ahaz ọdọhọ ete: “Ndiben̄eke, ndinyụn̄ ndomoke Jehovah.” 13  Ndien enye ọdọhọ ete: “Mbọk, mbufo ufọk David ẹkpan̄ utọn̄. Nte edi ekpri n̄kpọ mbufo ndifek mme owo, nnyụn̄ mfek Abasi mi n̄ko?+ 14  Mmọdo Jehovah ọyọnọ mbufo idiọn̄ọ: Sese! Eyenan̄wan+ oyoyomo+ onyụn̄ aman eyeneren,+ ndien enye oyosio enye enyịn̄ Immanuel. 15  Enye ayadia bọta ye aranọkwọk etisịm ini emi enye ọfiọkde ndisịn idiọk nnyụn̄ mmek eti.+ 16  Koro mbemiso eyen emi ọfiọkde ndisịn idiọk nnyụn̄ mmek eti,+ ẹyewọrọ ofụri ofụri ẹkpọn̄ isọn̄ ndidem iba emi akwa ndịk anamde fi aban̄a mmọ.+ 17  Jehovah ayanam mme usen ẹsịm fi+ ye ikọt fo ye ufọk usọ, oro edi, edidem Assyria,+ kpa mme usen oro akanam mîsịmke fi toto ke usen emi Ephraim ọkọwọn̄ọrede ọkpọn̄ Judah.+ 18  “Ndien ama ekem ke usen oro Jehovah eyefri inụk okot mme nsụn̄ oro ẹdude ke utịt mme edịk Nile Egypt ye mme ọkwọk+ oro ẹdude ke isọn̄ Assyria,+ 19  ndien kpukpru mmọ ẹyedi ẹdiyọhọ mme ntotụn̄ọ itịghede mmọn̄ ye mme nsiaha akwa itiat ye kpukpru ọtọwọk ikọt n̄kukịm ye kpukpru ebiet emi mmọn̄ odude.+ 20  “Ke usen oro, Jehovah ayada akadan̄ emi ẹkpede-kpe ke edem Akpa,*+ ih, ayada edidem Assyria,+ okporo idet ibuot ye idet ukot, akadan̄ emi oyonyụn̄ akwat ntan̄ebek efep.+ 21  “Ndien ama ekem, ke usen oro owo oyosio uman eyen enan̄ kiet ye erọn̄ iba ke otu ufene enịm uwem.+ 22  Ndien ama ekem, ke ntak oro ẹnyịmide ediwak mmọn̄eba, enye ayadia bọta; koro bọta ye aranọkwọk+ ke kpukpru owo oro ẹsụhọde ke isọn̄ ẹdidia. 23  “Ndien ama ekem ke usen oro, ke kpukpru ebiet oro tọsịn vine emi ẹkpade mbak silver tọsịn kiet+ ẹkesidude—eto n̄kukịm ye mbiet ẹdidu.+ 24  Enye ayakama mme idan̄ ye utịgha edi do,+ koro ofụri isọn̄ ayakabade edi eto n̄kukịm ye mbiet. 25  Ndien kpukpru mme obot oro ẹkesikamade udọk ẹdọk ndiọi eto ẹsion̄o—afo udukaha do ke ntak eto n̄kukịm ye mbiet; ndien enye ayakabade edi ebiet emi ẹtatde nyara enan̄ ẹdọn̄ ye isọn̄ emi mme erọn̄ ẹdịghide.”+

Mme Ikọ Idakisọn̄

Heb., “Sheol.”
Oro edi, “Euphrates.”