Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 63;1-19

63  Anie edi enye emi otode Edom+ edi, enye emi esịnede nsemnsem uduot ọfọn̄idem oto Bozrah+ edi, enye emi esịnede n̄kpọ ukpono ukpono, emi asan̄ade ye uwak odudu esie? “Ami, kpa Enye emi etịn̄de ikọ ke edinen ido,+ Enye emi enyenede uwak odudu ndinyan̄a.”+  Ntak emi edisịnen̄kpọ fo edide ndatndat, ọfọn̄idem fo onyụn̄ ebietde eke owo emi edịghide obube unyịmi wine?+  “Mma ndịghi obube unyịmi wine ke idemmi,+ ke adan̄aemi baba owo kiet ke otu mbio obio mîkodụhe ye ami. Ndien ami n̄ka iso ndịghi mmọ ke iyatesịt mi,+ nnyụn̄ ndịghi mmọ ke ikpat ke ifụtesịt mi.+ Ndien iyịp mmọ ọwọrọ atiam ke ọfọn̄idem mi,+ mmonyụn̄ ndehe kpukpru edisịnen̄kpọ mi.  Koro usen usiene odu mi ke esịt,+ ndien isua ikọt mi oro ẹfakde emedi.  Ndien ami nse, edi andin̄wam baba kiet idụhe; ndien idem ọtọn̄ọ ndikpa mi, edi baba owo kiet eke an̄wamde idụhe.+ Ntre ubọk mi ọnọ mi edinyan̄a,+ ifụtesịt mi+ onyụn̄ an̄wam mi.  Ndien ami ndịghi mme owo ke iyatesịt mi, nnyụn̄ nnam mmọ ẹn̄wọn̄ ifụtesịt mi+ ẹyụhọ nnyụn̄ nnam iyịp mmọ oro ọwọrọde ọduọhọ ke isọn̄.”+  Nyetịn̄ mban̄a ima-mfọnido Jehovah,+ nnyụn̄ ntoro Jehovah, nte ekemde ye kpukpru se Jehovah anamde ọnọ nnyịn,+ idem ye uwak nti n̄kpọ emi enye anamde ọnọ ufọk Israel+ nte ekemde ye mbọm esie+ ye uwak ima-mfọnido esie.  Ndien enye ọdọhọ ete: “Ke akpanikọ mmọ ẹdi ikọt mi,+ nditọ oro mîdinamke abian̄a.”+ Mmọdo enye ekedi Andinyan̄a ọnọ mmọ.+  Ke ofụri ini emi mmọ ẹkedude ke nnanenyịn emi ama abiak enye.+ Ndien asan̄autom esie ama anyan̄a mmọ.+ Enye ama ada ima esie ye mbọm esie afak mmọ,+ ndien enye emenede mmọ ke enyọn̄ onyụn̄ akama mmọ ke ofụri anyan ini oro.+ 10  Edi mmọ ẹma ẹsọn̄ ibuot+ ẹnyụn̄ ẹyat edisana spirit esie esịt.+ Enye ndien akabade edi asua+ mmọ; enye ama onyụn̄ an̄wana ye mmọ.+ 11  Ndien owo ọtọn̄ọ nditi eyo oko, Moses asan̄autom esie: “Enye emi akadade mme andikpeme erọn̄+ esie osio mmọ ke inyan̄+ ọdọk odu m̀mọ̀n̄? Enye emi ekesịnde enye edisana spirit+ Esie ke idem odu m̀mọ̀n̄? 12  Enye emi anamde ediye ubọk Esie+ asan̄a ye ubọk nnasia Moses; Enye emi abaharede mmọn̄ ke iso mmọ+ man anam nsinsi enyịn̄ ọnọ idemesie;+ 13  Enye emi anamde mmọ ẹsan̄a ke mbufụt mmọn̄ ẹbe, kpa nte enan̄-mbakara asan̄ade ke wilderness, tutu mmọ ituakke ukot iduọn̄ọ?+ 14  Kpa nte ke ini unam osụhọrede odụk unaisọn̄ itịghede, spirit Jehovah anam mmọ ẹduọk odudu.”+ Ntem ke afo akada ikọt fo usụn̄ man anam ediye enyịn̄ ọnọ idemfo.+ 15  Tie ke heaven+ se nyụn̄ du ke edikon̄ ebietidụn̄ edisana ido ye uyai fo kụt.+ Ifịk+ fo ye ofụri odudu fo, ye uyom idịbi+ fo, ye mbọm+ fo ẹdu m̀mọ̀n̄? Mmọ ẹmụm idemmọ ẹkama ke ntak mi.+ 16  Koro afo edide Ete nnyịn;+ okposụkedi emi ekemede ndidi Abraham ikọfiọkke nnyịn, Israel ikonyụn̄ idiọn̄ọke nnyịn, afo, O Jehovah, edi Ete nnyịn. Andifak nnyịn ke eyo oko edi enyịn̄ fo.+ 17  O Jehovah, ntak emi afo anamde nnyịn iyo ikpọn̄ mme usụn̄ fo? Ntak emi afo anamde esịt nnyịn ọsọn̄ mbak idibak fi?+ Fiak di ke ntak mme asan̄autom fo, mme esien udeme inyene fo.+ 18  Koro ke esisịt ini ndisana ikọt+ fo ẹma ẹnyene inyene. Mme asua nnyịn ẹmedịghi edisana ebiet fo.+ 19  Ke anyan ini nnyịn imakabade itie nte mbon oro afo mûkakarake, nte mbon oro owo mîkokotke enyịn̄ fo idian.+

Mme Ikọ Idakisọn̄