Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 61;1-11

61  Spirit Jehovah Akakan Ọbọn̄ Andikara odoro mi ke idem,+ koro Jehovah emeyet mi aran+ ete mbụk eti mbụk nnọ mbon nsụkidem.+ Enye ọmọdọn̄ mi ete mbọp mbon oro esịt obụn̄ọde,+ ntan̄a uwọrọ-ufụn nnọ mbon oro ẹmụmde nte mbuotekọn̄,+ nnyụn̄ ntan̄a editat enyịn nnọ mbon n̄kpọkọbi;+  ntan̄a isua mfọnido Jehovah+ ye usen usiene Abasi nnyịn;+ ndọn̄ kpukpru mbon mfụhọ esịt;+  nnọ mbon oro ẹfụhọde ẹban̄a Zion mbọbọ ibuot utu ke ntọn̄,+ nnọ aran idara+ utu ke mfụhọ, nnọ ọfọn̄ itoro utu ke spirit iduọesịt;+ ndien ẹyekot mmọ ikpọ eto edinen ido,+ se Jehovah ọtọde,+ man ẹbana enye.+  Ndien mmọ ẹyefiak ẹbọp mme ebiet oro ẹkewụrede ke anyan ini;+ mmọ ẹyenyụn̄ ẹmenede mme ebiet oro ẹkenade ndon ke eset,+ ndien mmọ ẹyefiak ẹdiọn̄ mme obio oro ẹkewụrede,+ kpa mme ebiet oro ẹkenade ndon ke ediwak emana.  “Ndien isenowo ẹyeda ẹbọk erọn̄ mbufo,+ mbon esenidụt+ ẹdidi mme ọtọin̄wan̄ mbufo ye mme ọdiọn̄ vine mbufo.+  Ndien amaedi mbufo, ẹdikot mbufo mme oku Jehovah;+ ẹyedọhọ ke mbufo ẹdi+ mme asan̄autom+ Abasi nnyịn. Mbufo ẹyedia inyene mme idụt,+ ndien ke ntak ubọn̄ mmọ, mbufo ẹyetịn̄ ikọ uko uko ẹban̄a idem mbufo.+  Utu ke mbufo ndidia bụt ẹdibọ n̄kpọ utịm ikaba,+ ndien utu ke esuene, mmọ ẹdisio n̄kpo idara ẹban̄a udeme mmọ.+ Mmọdo mmọ ẹyebọ udeme utịm ikaba ke isọn̄ mmọ.+ Mmọ ẹyedat esịt ke nsinsi.+  Koro ami Jehovah mmama unenikpe,+ nsua n̄wo ye ukwan̄ido.+ Ndien ami nyọnọ mmọ utịp ke akpanikọ,+ nnyụn̄ nnam nsinsi ediomi ye mmọ.+  Ndien ẹyefiọk nditọ mmọ ke otu mme idụt,+ ẹnyụn̄ ẹfiọk mme ubon mmọ ke otu mme owo. Kpukpru owo oro ẹkụtde mmọ ẹyefiọk mmọ,+ ẹte ke mmọ ẹdi nditọ eke Jehovah ọdiọn̄de.”+ 10  Nditreke ndidara ke Jehovah.+ Ukpọn̄ mi ayadat esịt ke Abasi mi.+ Koro enye emesịne mi ọfọn̄idem edinyan̄a;+ enye amada anana-ubọk kod edinen ido ofụk mi,+ nte ebendọ emi ọbọbọde mbọbọ ibuot,+ nte oku, ye nte n̄wanndọ emi adade mme n̄kpọmbana esie abana idem.+ 11  Koro kpa nte isọn̄ osion̄ode n̄kpọ oro etịbede ke esịt esie edi, ye nte in̄wan̄ anamde mme n̄kpọ oro ẹtọde ke esịt esie ẹtịbe,+ kpasụk ntre ke Jehovah Akakan Ọbọn̄ Andikara edinam edinen ido+ ye itoro ẹtịbe ke iso kpukpru mme idụt.+

Mme Ikọ Idakisọn̄