Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Isaiah 6;1-13

6  Ke isua oro Edidem Uzziah akpade,+ ami n̄kụt Jehovah+ etiede ke ebekpo+ oro okon̄de ẹnyụn̄ ẹmenerede ke enyọn̄, isọn̄ọfọn̄ esie onyụn̄ ọyọhọ temple.+  Mme seraph ẹda enye ke enyọn̄.+ Mmọ kiet kiet ẹnyene mba itiokiet. Ẹda iba ẹfụk iso,+ ẹda iba ẹfụk ukot, ẹnyụn̄ ẹda iba ẹfe ẹkanade.  Ndien kiet okot kiet eken onyụn̄ ọdọhọ ete: “Edisana, edisana, edisana Jehovah mme udịm.+ Kpukpru se iyọhọde ke isọn̄ ẹdi ubọn̄ esie.”  Ndien uyo oro okotde anam itịm+ asan̄udọk enyek, ndien nsụn̄ikan̄ ọtọn̄ọ ndiyọhọ ofụri ufọk.+  Ndien ndọhọ nte: “Mbọm mi! Koro mmọn̄ n̄kpa, koro ami ndi owo emi edehede n̄kpọkinua,+ nnyụn̄ ndụn̄ ke otu mme owo emi ẹdehede n̄kpọkinua;+ koro enyịn mi omokụt Edidem, kpa Jehovah mme udịm!”+  Ntre, kiet ke otu mme seraph efe ebịne mi, enye onyụn̄ akama mbubek ikan̄+ ke ubọk esie, emi enye akadade ufatikan̄ osio ke itieuwa.+  Ndien enye otụk mi inua+ onyụn̄ ọdọhọ ete: “Sese! Emi omotụk n̄kpọkinua fo, ndien ndudue fo ọmọkpọn̄ fi, ẹmenyụn̄ ẹsio isop idiọkn̄kpọ fo.”+  Ndien n̄kop uyo Jehovah ọdọhọde ete: “Anie ke ami ndidọn̄ utom, anie edinyụn̄ aka utom ọnọ nnyịn?”+ Ndien ndọhọ nte: “Se mi mi! Dọn̄ mi utom.”+  Ndien enye ọdọhọ ete: “Ka kọdọhọ mbon emi ete, ‘O mbufo ẹkop ndien ndien, edi ẹkûfiọk se ọwọrọde; ẹse ndien ndien, edi ẹkûnyene ifiọk ndomokiet.’+ 10  Nam esịt mbon emi odobi,+ nyụn̄ nam utọn̄ mmọ ẹsịre,+ nyụn̄ sịri mmọ enyịn, mbak mmọ ẹdida enyịn mmọ ẹkụt n̄kpọ ẹnyụn̄ ẹda utọn̄ mmọ ẹkop ikọ, mbak esịt mmọ edinyụn̄ ọfiọk n̄kpọ, mbak mmọ ẹdinyụn̄ ẹfiak edem, ndien ẹkọk mmọ.”+ 11  Ntem, ami mbụp nte: “O Jehovah edibịghi adan̄a didie?”+ Ndien enye ọbọrọ ete: “Tutu mme obio ẹwụre ẹna ndon, ẹnana andidụn̄, mme ufọk ẹnyụn̄ ẹnana owo, isọn̄ onyụn̄ abiara ana ndon;+ 12  Jehovah onyụn̄ osion̄o mbon isọn̄ okobon anyan ebiet, ndien ebiet oro ẹwọrọde ẹkpọn̄ ke esịt obio enen̄ede okpon.+ 13  Ndien ọyọhọ mbak duop oyosụk odu ke esịt esie,+ enye ọyọtọn̄ọ ntak edi se ẹfọpde, kpa nte akamba eto ye nte ata akaka eto, emi etak+ odude ke ini ẹkpide mmọ ẹduọk;+ edisana mfri edidi etak esie.”+

Mme Ikọ Idakisọn̄