Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 58;1-14

58  “Sioro uyo ke itọn̄ fiori; kûdop uyo.+ Menede uyo fo nte nnụk, sian ikọt mi nsọn̄ibuot mmọ,+ nyụn̄ sian ufọk Jacob mme idiọkn̄kpọ mmọ.  Edi ami ke mmọ ẹkeyom kpukpru usen, mmọ ẹkenyụn̄ ẹdat esịt ke ifiọk usụn̄ mi,+ nte idụt oro akanamde edinen ido mîkonyụn̄ ikpọn̄ke unenikpe Abasi mmọ,+ koro mmọ ẹma ẹbụp mi ndinen ikpe, ẹsan̄a ẹkpere Abasi emi akadatde mmọ esịt,+  “‘Nso ikanam nnyịn itre udia ndien afo ukwe,+ inyụn̄ itụk ukpọn̄ nnyịn+ ndien afo ufiọkke?’+ “Ke akpanikọ mbufo ẹma ẹdat esịt ke usen oro mbufo ẹketrede udia, ke ini mbufo ẹkebịnde kpukpru mbonutom mbufo ẹka utom.+  Ke akpanikọ mbufo ẹketre udia ke utọk ye en̄wan,+ ye ke ndifụt ubọk idiọkido ntọ owo.+ Nte mbufo iketreke udia kpa nte ke usen emi ẹyomde ndinam ẹkop uyo mbufo ke enyọn̄?  Nte utreudia oro mmekde ekpetie ntem, nte usen eke owo otụkde ukpọn̄ esie?+ Nte owo okponụk ibuot esie nte nnyanyan̄a isantịm, onyụn̄ ebri ọfọn̄ ntuan̄a onyụn̄ ọduọk ntọn̄ nte n̄kpana esie?+ Nte emi ke afo okot utreudia ye usen emi enemde Jehovah esịt?+  “Nte emi idịghe utreudia oro mmekde? Nditat urụk idiọkido,+ nnyụn̄ ntat urụk ọkpọnọ,+ nnyụn̄ nsana mbon oro ẹfịkde nyak,+ ye mbufo ndibụn̄ kpukpru ọkpọnọ ke itie iba?+  Nte idịghe afo ndideme uyo fo nnọ owo ọbiọn̄,+ nnyụn̄ nda mbon ukụt emi mînyeneke ebietidụn̄ ndi ufọk fo?+ N̄ko, edieke afo okụtde owo emi asan̄ade iferi, afo ofụk enye,+ ye nte ke afo unyeneke ndidịp orụk fo iso?+  “Ke anamde ntre un̄wana fo akpasiaha nte usiere;+ afo okponyụn̄ ọsọp afiak okop nsọn̄idem.+ Ndien edinen ido fo akpasan̄a fi ke iso;+ ubọn̄ Jehovah okponyụn̄ odu ke edem ekpeme fi.+  Ke anamde ntre afo okpokot, Jehovah ekpeyere; afo ekpeseme oyom un̄wam,+ enye okponyụn̄ ọdọhọ, ‘Se mi mi!’ “Edieke afo edisiode ọkpọnọ ke ufọt fo efep,+ onyụn̄ etrede ndinyan nnuenubọk+ nnyụn̄ ntịn̄ se idiọkde;+ 10  edieke edinọde owo ọbiọn̄ se ukpọn̄ fo oyomde,+ onyụn̄ ọnọde ukpọn̄ oro okụtde ukụt n̄kpọ oyụhọ, un̄wana fo n̄ko ayayama ke ekịm, n̄kụteyo fo edinyụn̄ etie nte ufọt uwemeyo.+ 11  Ndien Jehovah iditreke ndida fi usụn̄+ kpukpru ini+ nnyụn̄ nnọ ukpọn̄ fo n̄kpọ oyụhọ, idem ke edisat isọn̄,+ enye eyesịn odudu ke mme ọkpọ fo;+ ndien afo eyetie nte in̄wan̄ oro mmọn̄ odude,+ ye nte ebiet emi mmọn̄ asiahade, emi mmọn̄ esie mîbian̄ake. 12  Ke uyo fo, mme owo ẹyebọp mme ebiet oro ẹkewụrede ke anyan ini;+ afo eyemenede mme itiat idakisọn̄ oro ẹkewụrede ẹna ke ediwak emana.+ Ndien ẹyekot fi andidiọn̄ nsiaha,+ ye andifiak ndiọn̄ mme ọkpọusụn̄ oro ẹdidụn̄de. 13  “Edieke edidide ke ntak sabbath afo ọwọn̄ọde ukot fo afiak edem mbak udunam se amade ke edisana usen mi,+ onyụn̄ okot sabbath ata idatesịt, edisana usen Jehovah, usen emi ẹnọde ubọn̄,+ onyụn̄ ọnọ enye ubọn̄ utu ke ndinam mme usụn̄ idemfo, utu ke ndiyom se idatde fi esịt nnyụn̄ ntịn̄ ikọ; 14  do afo eyenen̄ede okop idatesịt ke Jehovah,+ ndien ami nyanam fi awat ke mme edikon̄ ebiet isọn̄;+ nyonyụn̄ nnam fi adia udeme Jacob ete ete fo,+ koro inua Jehovah ọdọhọ.”+

Mme Ikọ Idakisọn̄