Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 55;1-13

55  O kpukpru mbufo emi itọn̄ asatde!+ Ẹdi ke mmọn̄.+ Mbon emi mînyeneke okụk ẹnyụn̄ ẹdi! Ẹdi, ẹdidep ẹnyụn̄ ẹdia.+ Ih, ẹdi, ẹdidep wine+ ye mmọn̄eba,+ idịghe ke okụk, inyụn̄ idịghe ke ekọmurua.+  Ntak emi mbufo ẹsụk ẹkpede okụk ke se mîdịghe uyo, nso inyụn̄ idi ntak emi mbufo ẹkpade utom ke se mînọhọ mbufo uyụhọ?+ Ẹtịm ẹkpan̄ utọn̄ ẹnọ mi, ẹnyụn̄ ẹdia se ifọnde,+ ẹnyụn̄ ẹyak ukpọn̄ mbufo enen̄ede adat esịt ke isek.+  Ẹbiọn̄ utọn̄+ ẹnyụn̄ ẹdi ẹtiene mi.+ Ẹkpan̄ utọn̄, ndien ukpọn̄ mbufo oyodu uwem,+ ndien ami nditreke ndidiomi ye mbufo nsinsi ediomi+ emi aban̄ade ima-mfọnido emi mîsehekede, emi n̄wụtde David.+  Sese! Mmayak enye+ nnọ nte ntiense+ mme idụt,+ nte adausụn̄+ ye nte etubom+ mme idụt.  Sese! Afo oyokot idụt oro mûfiọkke,+ ndien mbon emi ẹtode idụt oro mîfiọkke fi ẹyefehe ẹbịne fi,+ ke ntak Jehovah Abasi fo,+ ye ke ntak Edisana Abasi Israel,+ koro enye ayabana fi idem.+  Mbufo ẹyom Jehovah ke adan̄aemi ẹkemede ndikụt enye.+ Ẹseme ẹkot enye ke adan̄aemi enye ekperede.+  Yak idiọkowo ọkpọn̄ usụn̄ esie,+ owo ibak onyụn̄ ọkpọn̄ mme ekikere esie;+ yak enye onyụn̄ afiak etiene Jehovah, emi edituade enye mbọm,+ onyụn̄ etiene Abasi nnyịn, koro enye eyefen ke akamba usụn̄.+  “Koro mme ekikere mbufo idịghe mme ekikere mi,+ mme usụn̄ mi inyụn̄ idịghe mme usụn̄ mbufo,”+ uyo Jehovah edi emi.  “Koro kpa nte enyọn̄ okon̄de akan isọn̄,+ kpa ntre ke mme usụn̄ mi ẹkon̄ ẹkan mme usụn̄ mbufo,+ mme ekikere mi ẹnyụn̄ ẹkon̄ ẹkan mme ekikere mbufo.+ 10  Koro kpa nte edịm ye snow ẹtode enyọn̄ ẹdep, ndien ifiakke ika do, ibọhọke mmọ ẹbịt isọn̄ ẹnyụn̄ ẹnam n̄kpọ etịbe ẹnyụn̄ ẹsiaha,+ ndien ẹda n̄kpasịp ẹnọ asuan-n̄kpasịp ẹnyụn̄ ẹda udia ẹnọ andidia,+ 11  kpasụk ntre ke ikọ mi emi ọwọrọde mi ke inua editie.+ Enye idifiakke itiene mi ubọk ubọk,+ edi ayanam se mmade,+ onyụn̄ okụt unen ke se ndọn̄de enye.+ 12  “Koro mbufo ẹyewọrọ ẹka ye idatesịt,+ ẹyenyụn̄ ẹda mbufo ẹdụk ẹdi ke emem.+ Ikpọ obot ye n̄kpri obot ẹyedat esịt ẹnyụn̄ ẹsio n̄kpo idara ke iso mbufo,+ kpukpru mme eto ke ikọt ẹyenyụn̄ ẹkwak ubọk.+ 13  Utu ke ọtọwọk ikọt n̄kukịm, eto juniper editịbe.+ Utu ke ntán, eto myrtle editịbe.+ Ndien enye ayakabade edi n̄kpọ emi ọwọrọde etop ọnọ Jehovah,+ onyụn̄ edi nsinsi idiọn̄ọ+ oro owo mîdisịbeke ifep.”

Mme Ikọ Idakisọn̄