Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 51;1-23

51  “Ẹkpan̄ utọn̄ ẹnọ mi, mbufo emi ẹbịnede edinen ido,+ mbufo emi ẹyomde Jehovah.+ Ẹse akwa itiat+ emi ẹkesọide mbufo ẹsion̄o, ẹnyụn̄ ẹse esịt obube emi ẹketịbide ẹsion̄o mbufo.  Ẹse Abraham+ ete+ mbufo ẹnyụn̄ ẹse Sarah+ emi akamande mbufo ke ubiak uman. Koro enye ekedi owo kiet ke ini n̄kokotde enye,+ ndien ami ndiọn̄ enye nnyụn̄ nnam enye awak.+  Koro Jehovah ọyọdọn̄ Zion esịt.+ Enye ọyọdọn̄ kpukpru n̄wụre ebiet esie esịt,+ onyụn̄ anam wilderness esie etie nte Eden+ ye unaisọn̄ desat esie nte in̄wan̄ Jehovah.+ Ẹyekụt idara ye idatesịt ke esịt esie, ekọm ye uyo ikwọ.+  “O ikọt mi, ẹkpan̄ utọn̄ ẹnọ mi; mbufo mme idụt oro ẹdide okịm+ ẹkop se ntịn̄de. Koro ibet oyoto mi ọwọrọ,+ nyowụk ubiereikpe mi nnọ mme owo nte un̄wana.+  Edinen ido mi ekpere.+ Edinyan̄a mi+ ọyọwọrọ aka, ubọk mi oyonyụn̄ ekpe ikpe mme owo.+ Mme isuo ẹyedori enyịn ke ami,+ mmọ ẹyenyụn̄ ẹtie ẹbet ubọk mi.+  “Ẹmenede enyịn mbufo ke enyọn̄,+ ẹnyụn̄ ẹse isọn̄ emi odude ke idak. Koro ẹyenam enyọn̄ asuana mbai mbai nte nsụn̄ikan̄,+ isọn̄ oyonyụn̄ ataha nte ewụra,+ ndien mme andidụn̄ ke esịt ẹyekpan̄a nte mbufụk. Edi amaedi edinyan̄a mi, enye oyodu ke nsinsi,+ owo idinyụn̄ inuakke edinen ido mi.+  “Ẹkpan̄ utọn̄ ẹnọ mi, mbufo emi ẹfiọkde edinen ido, mbon emi ibet mi odude mmọ ke esịt.+ Ẹkûyak esuene emi otode owo anam mbufo ndịk, ẹkûnyụn̄ ẹyak mme ikọ isụn̄i mmọ ẹnam mbufo ẹdịghe.+  Koro utan̄kpọ ayata mmọ nte n̄kpọ eke atade ọfọn̄, ndien uta-ọfọn̄ ayata mmọ nte n̄kpọ eke atade idet erọn̄.+ Edi edinen ido mi oyodu ke nsinsi, edinyan̄a mi oyonyụn̄ odu ke ofụri emana.”+  Demede, demede, sịne odudu ke idem,+ O ubọk Jehovah!+ Demede nte ke eyo oko, nte ekedide ke mme emana eset.+ Nte idịghe afo akanuak Rahab+ mbai mbai, okonyụn̄ ekịm akamba unam mmọn̄?+ 10  Nte idịghe afo akanam inyan̄, kpa mmọn̄ akwa udem asat?+ Enye emi akanamde udem inyan̄ edi usụn̄ ọnọ mbon oro ẹfakde man mmọ ẹsan̄a ẹbe?+ 11  Mmọdo ikọt Jehovah oro ẹfakde ẹyefiak ẹdi, ndien mmọ ẹyedi Zion ye n̄kpo idara,+ nsinsi idatesịt oyonyụn̄ odu mmọ ke ibuot.+ Mmọ ẹyenem esịt ẹnyụn̄ ẹdara.+ Mfụhọ ye eseme ẹyefen̄e.+ 12  “Ami ndi Enye emi ọdọn̄de mbufo esịt.+ “Afo edi anie eke ekpefehede owo emi edikpade,+ onyụn̄ efehede eyen owo oro ẹdinamde akabade awawa mbiet?+ 13  Emi afo ekpefrede Jehovah Andinam fi,+ Enye emi anyanarede ikpaenyọn̄+ enịm onyụn̄ esịnde itiat idakisọn̄ ọnọ isọn̄,+ anamde afo odu ke ndịk kpukpru ini ke ofụri usen, ke ntak ifụtesịt owo emi okụkde fi esịn,+ nte n̄kpọ eke enye ekeben̄ede idem ndisobo fi?+ Ndien enye ifụtesịt owo emi okụkde fi esịn?+ 14  “Ẹyewara ndikpọhọde enye emi onụhọde asan̄a ye n̄kpọkọbi,+ mbak enye edikpa osụhọde odụk obube,+ mbak enye edinyụn̄ anana udia.+ 15  “Edi ami Jehovah ndi Abasi fo, Enye emi anamde inyan̄ adaha man mbufụt esie oyomo.+ Jehovah mme udịm edi enyịn̄ esie.+ 16  Ndien ami nyesịn fi ikọ mi ke inua,+ nnyụn̄ nda mfụt ubọk mi mfụk fi,+ man n̄wụk ikpaenyọn̄+ nnyụn̄ nsịn itiat idakisọn̄ nnọ isọn̄+ nnyụn̄ ndọhọ Zion nte, ‘Afo edi ikọt mi.’+ 17  “Demede, demede, daha ke enyọn̄, O Jerusalem,+ afo emi ọbọde Jehovah cup ifụtesịt ke ubọk esie ọn̄wọn̄.+ Afo ọmọn̄wọn̄ n̄kpọ ke omụk, kpa cup emi anamde owo eten̄, omonyụn̄ an̄wan̄a se isụhọde ọduọk.+ 18  Baba eyeneren kiet ke otu kpukpru nditọiren+ oro enye akamande idaha enye usụn̄, baba eyeneren kiet ke otu kpukpru nditọiren oro enye ọkọbọkde imụmke enye ubọk.+ 19  N̄kpọ iba oro ẹkewọrọ fi.+ Anie editua fi mbọm?+ Mbụme ye n̄wụre, biọn̄ ye akan̄kan̄!+ Anie edidọn̄ fi esịt?+ 20  Nditọiren fo ẹmesụhọ.+ Mmọ ẹmesụhọde ẹna ke ibuot kpukpru mme efak nte erọn̄ ikọt ke iyịre,+ nte mmọ eke ifụtesịt Jehovah ọyọhọde ke idem,+ kpa nsuannọ Abasi fo.”+ 21  Mmọdo, mbọk, kpan̄ utọn̄ kop emi, O n̄wan+ emi okụtde ukụt onyụn̄ ọn̄wọn̄de oyụhọ, edi idịghe wine oyụhọ fi.+ 22  Ntem ke Ọbọn̄ fo, Jehovah, kpa Abasi fo, emi an̄wanade+ ọnọ ikọt esie, ọdọhọ ete: “Sese! Nyọbọ fi cup oro odude fi ke ubọk emi anamde owo eten̄.+ Omụk, kpa cup ifụtesịt mi—afo udûfiakke un̄wọn̄ aba se isịnede ke esịt esie.+ 23  Ndien nyayak enye nsịn ke ubọk mbon oro ẹnamde esịt ayat fi,+ emi ẹdọhọde ukpọn̄ fo ẹte, ‘Nụhọ man nnyịn ikpasan̄a ibe,’ ntre afo ama anam edem fo etie nte isọn̄ ye nte efak ọnọ mbon oro ẹsan̄ade ẹbe.”+

Mme Ikọ Idakisọn̄