Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 50;1-11

50  Ntem ke Jehovah ọdọhọ ete: “Enye ndien n̄wed usiondọ+ eka mbufo, emi n̄kebịnde enye?+ Mîdịghe anie ke otu mbon oro n̄kamade isọn ke nnyam mbufo nnọ?+ Sese! Ẹkenyam mbufo ke ntak ndudue mbufo,+ ẹkenyụn̄ ẹbịn eka mbufo ke ntak ubiatibet mbufo.+  Ntak emi baba owo kiet mîkodụhe ke ini n̄kodụkde ndi?+ Ntak emi baba owo kiet mîkeyereke ke ini n̄kokotde?+ Nte ubọk mi omụhọ akaha tutu n̄kemeke ndifak mbufo,+ mîdịghe nte odudu idụhe mi ke idem ndinyan̄a? Sese! Mmada nduari+ mi nnam inyan̄ asat;+ nnam mme akpa mmọn̄ ẹdi wilderness.+ Iyak mmọ ẹtebe koro mmọn̄ mîdụhe, mmọ ẹnyụn̄ ẹkpan̄a ke ntak nsatitọn̄.+  Mmada ekịm+ nsịne ikpaenyọn̄ nte ọfọn̄, nnyụn̄ nnam ọfọn̄ ntuan̄a edi ufụhọn̄kpọ esie.”+  Jehovah Akakan Ọbọn̄ Andikara ọmọnọ mi edeme mmọ eke ẹbọde ukpep,+ man n̄kpọfiọk nte ndade ikọ+ mbọrọ owo eke akpade mba. Enye edemede mi kpukpru usenubọk; enye edemede utọn̄ mi man n̄kop ikọ nte mmọ eke ẹbọde ukpep.+  Jehovah Akakan Ọbọn̄ Andikara esịrede mi utọn̄, ndien ami n̄kọsọn̄ke ibuot.+ Ami n̄kọwọn̄ọkede nse edem.+  Mma nyak edem mi nnọ mmọ eke ẹyịbide, nnyụn̄ nyak mfụk+ mi nnọ mbon oro ẹwụberede idet. N̄kedịpke iso mi mfehe esuene ye etap.+  Edi Jehovah Akakan Ọbọn̄ Andikara ayan̄wam mi.+ Ntak edi oro esuene mîdibiakke mi. Ntak edi oro nnamde iso mi ọsọn̄ nte itiat, mmonyụn̄ mfiọk ke bụt idinamke mi.+  Enye emi abatde mi ke edinen emekpere.+ Anie ekeme ndineni eneni ye ami? Yak nnyịn ida iso ye iso.+ Anie edi asua mi emi adade mi aka ikpe?+ Yak enye asan̄a ekpere mi.+  Sese! Jehovah Akakan Ọbọn̄ Andikara ayan̄wam mi. Anie odu emi ekemede ndibiom mi ikpe?+ Sese! Kpukpru mmọ ẹyetaha nte ọfọn̄.+ Utan̄kpọ ayata mmọ.+ 10  Anie ke otu mbufo abak+ Jehovah, okop uyo asan̄autom esie,+ emi asan̄ade ke ekịm+ mînyụn̄ ikwe un̄wana? Yak enye ọbuọt idem ke enyịn̄ Jehovah+ onyụn̄ eberi edem ke Abasi esie.+ 11  “Sese! Kpukpru mbufo emi ẹbarade ikan̄, emi ẹnamde ebuaikan̄ asak, ẹsan̄a ke un̄wana ikan̄ mbufo, ye ke ufọt ebuaikan̄ emi mbufo ẹnamde asak. Mbufo ẹyebọ mi n̄kpọ emi ke ubọk: Mbufo ẹyesụhọde ẹna ye ọkpọsọn̄ ubiak.+

Mme Ikọ Idakisọn̄