Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 5;1-30

5  Mbọk yak n̄kwọ ikwọ nnọ owo ima mi, ikwọ owo ima mi emi aban̄ade in̄wan̄ vine+ esie. Owo ima mi ama enyene in̄wan̄ vine ke mben obot oro ọfọnde n̄kpọ.  Ndien enye ofụn̄ in̄wan̄ oro onyụn̄ osion̄o itiat ke esịt onyụn̄ ọtọ eti ndatndat vine, onyụn̄ ọbọp tọwa ke ufọt esie.+ Enye ama onyụn̄ etịbi obube unyịmi wine n̄ko ke esịt esie.+ Enye onyụn̄ odori enyịn enye ndin̄wụm grape,*+ edi enye on̄wụm grape ikọt.+  “Ndien ke emi, O mbufo mme andidụn̄ Jerusalem ye mbufo mbon Judah, mbọk ẹkpe ikpe ke ufọt mi ye in̄wan̄ vine mi.+  Nso n̄kpọ isụhọ eke n̄kpanamde ke in̄wan̄ vine mi, emi mmenamke ke esịt esie?+ Anam didie edi n̄kodori enyịn enye ndin̄wụm grape, edi enye akabade on̄wụm grape ikọt?  Ndien ke emi, mbọk yak nnam mbufo ẹfiọk se ndinamde ye in̄wan̄ vine mi: Ẹyedịbede ọkọ esie ẹfep,+ ẹnyụn̄ ẹfọp enye.+ Ẹyewụri ibibene itiat esie, enye oyonyụn̄ edi ebiet emi ẹdịghide.+  Ndien nyenịm enye nte n̄kpọ emi ẹsobode.+ Owo ididiọn̄ke enye, idinyụn̄ iwakke mbiet.+ Eto n̄kukịm ye mbiet ẹyenyụn̄ ẹtịbe ke esịt;+ ndien nyowụk obubịt enyọn̄ nte okûdep edịm ke esịt.+  Koro in̄wan̄ vine+ Jehovah mme udịm edi ufọk Israel, mbon Judah ẹnyụn̄ ẹdi in̄wan̄ oro enye amade.+ Ndien enye okodori enyịn ke ikpe,+ edi, sese! ubiatibet; odori enyịn ke edinen ido, edi sese! mfiori.”+  Mbọm mmọ eke ẹdiande ufọk ke ufọk,+ ye mmọ eke ẹdiande in̄wan̄ ke in̄wan̄ tutu ufan̄ idụhe aba+ ndien ẹnam mbufo ẹdụn̄ ikpọn̄ ke isọn̄!  Jehovah mme udịm ọmọn̄wọn̄ọ esịn mi ke utọn̄ ete ke ediwak ufọk, okposụkedi ẹkponide ẹnyụn̄ ẹyede, ẹyekabade ẹdi n̄kpọ n̄kpaidem, ẹnana andidụn̄.+ 10  Koro in̄wan̄ vine emi edide acre+ duop oyosio udomo aban̄ kiet,+ ndien n̄kpasịp ke udomo homer kiet oyon̄wụm udomo ephah kiet.+ 11  Mbọm mmọ eke ẹbakde ẹdemede ke usenubọk ẹyom ọkpọsọn̄ mmịn,+ emi ẹbịghide tutu esịm mfụn̄mfụn̄ mbubreyo tutu wine anam mmọ!+ 12  Ndien harp ye ndido urụk ye ekọmọ ye ifiom, ye wine ẹdu ke mme usọrọ mmọ;+ edi mmọ idọn̄ke enyịn ke edinam Jehovah, mmọ inyụn̄ ikwe utom ubọk esie.+ 13  Mmọdo ikọt mi ẹyeka ntan̄mfep ke ntak unana ifiọk;+ ndien ubọn̄ mmọ ẹdidi mbon ọbiọn̄,+ itọn̄ ayasat otuowo mmọ.+ 14  Mmọdo Udi* amanam ukpọn̄ esie an̄wan̄a omonyụn̄ an̄wan̄ade inua esie ebe adan̄a;+ ndien se iyede ke enye, n̄ko otuowo esie ye ndutịme esie ye mbon idara, ẹyesụhọde ẹdụk esịt esie.+ 15  Owo oyosụhọde idem, owo oyonyụn̄ osụhọde idemesie itie, ndien enyịn ikpọ owo ẹyesụhọde.+ 16  Ndien Jehovah mme udịm oyokon̄ ke ubiereikpe,+ ata Abasi, kpa Edisana Abasi,+ ayada edinen ido anam idemesie asana.+ 17  Ndien nyara nditọerọn̄ ẹyeta mbiet nte ẹta ke in̄wan̄ mbiet mmọ; isenowo ẹyenyụn̄ ẹdia ndon oro mme unam emi ẹnyenede isek ẹkesidude.+ 18  Mbọm mmọ eke ẹdade urụk nsu ẹdụri ndudue, ẹnyụn̄ ẹdade urụk ukpatn̄kpọ ẹdụri idiọkn̄kpọ;+ 19  mmọ eke ẹdọhọde ẹte: “Yak utom esie awara; yak ọsọp edi, man nnyịn ikụt enye; ndien yak item Edisana Abasi Israel asan̄a ekpere onyụn̄ edi, man nnyịn ifiọk enye!”+ 20  Mbọm mmọ eke ẹdọhọde ke eti edi idiọk,+ idiọk onyụn̄ edi eti, mmọ eke ẹdade ekịm ke un̄wana ẹnyụn̄ ẹdade un̄wana ke ekịm, mmọ eke ẹdade idot ke inịn̄e ẹnyụn̄ ẹdade inịn̄e ke idot!+ 21  Mbọm mmọ eke ẹsede idem ke mbon eti ibuot ẹnyụn̄ ẹbatde idem ke mbon ọniọn̄!+ 22  Mbọm mmọ eke ẹdide mbon uko ke ndin̄wọn̄ wine, ye mmọ eke ẹkopde odudu ke ndibuak ọkpọsọn̄ mmịn,+ 23  mmọ eke ẹbatde idiọkowo ke edinen ke ntak ubọkedem,+ emi ẹnyụn̄ ẹbọde edinen owo edinen ido esie!+ 24  Mmọdo kpa nte edemeikan̄ atade nnyanyan̄a+ ye nte nsat mbiet ọduọde odụk edemeikan̄, orụn̄ mmọ oyobu onyụn̄ etebe,+ flawa mmọ oyonyụn̄ ọdọk ke enyọn̄ nte ntọn̄, koro mmọ ẹsịnde ibet Jehovah mme udịm,+ mmọ inyụn̄ ikponoke ikọ Edisana Abasi Israel.+ 25  Oro edi ntak Jehovah ayatde esịt etieti ye ikọt esie, ndien enye ayanyanade ubọk esie an̄wana ye mmọ onyụn̄ osobo mmọ.+ Ndien mme obot ẹyenyek,+ okpo mmọ ẹdinyụn̄ ẹtie nte mbio ke ufọt efak.+ Ke ntak kpukpru emi iyatesịt esie ifiakke edem, edi enye osụk anyanyan ubọk esie. 26  Ndien enye ememenede idiọn̄ọ ke enyọn̄ ọnọ akamba idụt oro odude anyan usụn̄,+ omonyụn̄ efri inụk ọnọ enye ke utịt isọn̄;+ ndien sese! enye oyobụmede ọsọp odụk edi.+ 27  Idụhe baba owo kiet ke otu mmọ oro akpade mba m̀mê atuakde ukot ọduọ. Baba owo mmọ kiet iyetke idap inyụn̄ idehe idap. N̄kpahaisịn oro ọbọbọde mmọ ke isịn iditarake, urụk ikpaukot mmọ idinyụn̄ ikịbeke iba; 28  koro mmọ ẹbande mme idan̄ mmọ ẹsọp ẹnyụn̄ ẹnụkde kpukpru mme utịgha mmọ.+ Ẹyebat nnụkikpat enan̄-mbakara mmọ nte itiat,+ ye mme wheel mmọ nte ọkpọsọn̄ ofụm.+ 29  N̄kụni mmọ ebiet n̄kụni ekpe, mmọ ẹnyụn̄ ẹkụni nte abak nyara ekpe.+ Ndien mmọ ẹyekụni ẹnyụn̄ ẹmụm unam ẹda ẹdaha ke ifụre, ndien andinyan̄a baba kiet ididụhe.+ 30  Ndien mmọ ẹyeyomo ke usen oro ẹban̄a enye kpa nte inyan̄ oyomode.+ Ndien owo oyowụk enyịn ese isọn̄, ndien sese! ọkpọsọn̄ ekịm;+ ndien un̄wana amakabade ekịm ke ntak ntọi edịm emi ọtọide enye.

Mme Ikọ Idakisọn̄

“Mfri vine.”
Heb., “Sheol.” Se N̄w. Ik. 5.