Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 49;1-26

49  O mbufo mme isuo+ ẹkop se ntịn̄de, mbufo mme idụt emi ẹdude ke anyan ebiet ẹkpan̄ utọn̄.+ Jehovah okokot mi+ toto ke idịbi.+ Enye ama asiak enyịn̄ mi toto ke idịbi eka mi.+  Enye onyụn̄ anam inua mi etie nte edisọp akan̄kan̄.+ Enye edịp mi+ ke mfụt+ ubọk esie. Ndien sụn̄sụn̄ enye anam mi ndi idan̄ oro ẹtụkde esem. Enye edịp mi ke odịp-idan̄ esie.  Enye onyụn̄ ọdọhọ mi ete: “O Israel afo edi asan̄autom mi,+ afo edi enye emi ndiwụtde uyai mi.”+  Edi amaedi ami, ndọhọ nte: “N̄kpa utom ke ikpîkpu.+ Koro mbahade odudu mi ke se mîdụhe ye ke ikpîkpu n̄kpọ.+ Ke akpanikọ, ikpe mi odu ye Jehovah,+ utịp mi onyụn̄ odu ye Abasi mi.”+  Ndien ke emi Jehovah, Enye emi okobotde mi toto ke idịbi nte asan̄autom emi enye enyenede,+ ọdọhọ mi nda Jacob mfiak nsọk imọ,+ man ẹkpetan̄ Israel ẹsọk enye.+ Ndien ẹyenọ mi ubọn̄ ke enyịn Jehovah, Abasi mi ayakabade edi odudu mi.  Ndien enye ọdọhọ mi ete: “Idịghe ekpri n̄kpọ afo ndikabade ndi asan̄autom mi man emenede mme esien Jacob ke enyọn̄ onyụn̄ ada nditọ Israel oro ẹkpemede afiak edi;+ ami n̄ko mmayak fi nnọ nte un̄wana mme idụt,+ man edinyan̄a mi ekpesịm utịt isọn̄.”+  Ntem ke Jehovah, Andifak Israel,+ Edisana Abasi esie, ọdọhọ enye emi mme owo ẹsịnde ukpọn̄ esie ke ndek,+ ye enye emi idụt asuade,+ ye asan̄autom ndidem,+ ete: “Ndidem, ye mbọn̄ n̄ko, ẹyekụt ẹnyụn̄ ẹdaha ke enyọn̄,+ ndien mmọ ẹyenụhọ ke ntak Jehovah, emi anamde akpanikọ,+ kpa Edisana Abasi Israel, emi emekde fi.”+  Ntem ke Jehovah ọdọhọ ete: “Mmeyere fi ke ini mfọnido,+ mmonyụn̄ n̄n̄wam fi ke usen edinyan̄a;+ mma nnyụn̄ n̄kpeme fi man nyak fi nnọ nte ediomi mme owo,+ man afo afiak ọdiọn̄ isọn̄,+ man anam ẹfiak ẹda udeme inyene emi anade ndon ẹnyene,+  man ọdọhọ mbon n̄kpọkọbi+ ete, ‘Ẹwọrọ ẹdi!’+ onyụn̄ ọdọhọ mbon oro ẹdude ke ekịm+ ete, ‘Ẹyarade idem mbufo!’+ Mmọ ẹyeta mbiet ke usụn̄, mbiet oro mmọ ẹditade oyonyụn̄ odu ke kpukpru afan̄usụn̄.+ 10  Biọn̄ ididọn̄ke mmọ,+ itọn̄ idinyụn̄ isatke mmọ,+ ọkpọsọn̄ ufiop m̀mê eyo idifọpke mmọ.+ Koro Enye emi atuade mmọ mbọm ayada mmọ usụn̄+, enye oyonyụn̄ ada mmọ usụn̄ aka idịm mmọn̄.+ 11  Ndien nyanam kpukpru obot mi ẹdi usụn̄, mme ọkpọusụn̄ mi ẹyenyụn̄ ẹdu ke edikon̄ ebiet.+ 12  Sese! Mmọ emi ẹyeto anyan ebiet ẹdi,+ sese! mmọ ẹyeto edem edere+ ye edem usoputịn+ ẹdi, mmọ emi ẹyenyụn̄ ẹto idụt Sinim ẹdi.” 13  Mbufo mme heaven+ ẹsio n̄kpo idara, afo isọn̄ nyụn̄ dat esịt.+ Yak mme obot ẹdat esịt ẹnyụn̄ ẹsio n̄kpo idara.+ Koro Jehovah ọdọn̄de ikọt esie esịt,+ enye omonyụn̄ atua ikọt esie oro ẹkụtde ukụt mbọm.+ 14  Edi Zion osụk ọdọhọ ete: “Jehovah ọmọkpọn̄ mi,+ Jehovah omonyụn̄ efre mi.”+ 15  Nte n̄wan ekeme ndifre eyen esie emi awapde eba inyụn̄ ituaha eyen idịbi esie mbọm?+ Iban emi ẹkam ẹkeme ndifre,+ edi ami ndifreke fi.+ 16  Sese! Mmakap fi nsịn ke ekaubọk mi.+ Mme ibibene fo ẹdu mi ke iso kpukpru ini.+ 17  Nditọ fo ẹmenam n̄kpọ usọp usọp. Mbon oro ẹwụride ẹnyụn̄ ẹsobode fi ẹdito fi ẹwọrọ. 18  Menede enyịn fo se kanade nyụn̄ kụt. Ẹmetan̄ kpukpru mmọ ẹbon ọtọkiet.+ Mmọ ẹmedi ẹbịne fi. “Ma uwem mi,” uyo Jehovah edi emi,+ “afo eyesịne kpukpru mmọ ke idem nte n̄kpọmbana, oyonyụn̄ ọbọbọ mmọ ke idem nte n̄wanndọ.+ 19  Okposụkedi emi mme ebiet fo ẹwụrede ẹnyụn̄ ẹnade ndon, isọn̄ fo onyụn̄ abiarade,+ okposụkedi emi afo afahade akaha ke emi tutu ufan̄ idụhe se ẹdụn̄de, mmọ eke ẹmende fi ẹmen ẹnyụn̄ ẹdude oyom usụn̄,+ 20  kpa ye oro, nditọ emi ẹkabarede ẹdi okwommọ ke ini emi ofụhọde nditọ fo emi ẹkpan̄ade,+ ẹyedọhọ ke utọn̄ fo ẹte, ‘Ebiet emi afaha mi akaha.+ Nam ufan̄ odu ọnọ mi man ndụn̄.’+ 21  Ndien afo ọyọdọhọ ke esịt fo ete, ‘Anie obon mmọ emi ọnọ mi, sia ami ndide n̄wan oro ofụhọde nditọ esie emi ẹkpan̄ade nnyụn̄ ndide ada, emi n̄kade ntan̄mfep ẹnyụn̄ ẹsịnde mi ke ufọk-n̄kpọkọbi?+ Amaedi mmọ emi, anie ọbọk mmọ?+ Sese! Ẹma ẹkpọn̄ mi ikpọn̄ ke edem.+ Mmọ emi ẹkedu m̀mọ̀n̄?’”+ 22  Ntem ke Jehovah Akakan Ọbọn̄ Andikara ọdọhọ ete: “Sese! Ami nyemenede ubọk mi ndori mme idụt ke idem,+ nnyụn̄ mmenede idiọn̄ọ+ mi nnọ mme owo. Ndien mmọ ẹyemen nditọiren fo ke ikpanesịt ẹdi, mmọ ẹyenyụn̄ ẹmen nditọiban fo ke afara.+ 23  Ndien ndidem ẹyekabade ẹdi mbon oro ẹsede fi enyịn,+ nditọiban ndidem ẹyenyụn̄ ẹdi edep fo. Mmọ ẹyesụk iso ke isọn̄ ẹnụhọ ẹnọ fi,+ ẹnyụn̄ ẹdei ntan ikpat fo;+ ndien afo ọyọfiọk ete ke ami ndi Jehovah, bụt idinyụn̄ inamke mbon oro ẹdoride enyịn ke ami.”+ 24  Nte ẹkeme ndibọ ọkpọsọn̄ owo mbon oro enye ama okomụm,+ mîdịghe nte mbon oro owo ufịk omụmde nte mbuotekọn̄ ẹkeme ndifehe mbọhọ?+ 25  Edi ntem ke Jehovah ọdọhọ ete: “Ẹyebọ ọkpọsọn̄ owo mbon oro enye okomụmde nte mbuotekọn̄,+ mbon oro owo ufịk ama okomụm ẹyefehe ẹbọhọ.+ Ndien ami nyan̄wana ye owo ekededi eke an̄wanade ye afo,+ nyonyụn̄ nnyan̄a nditọiren fo.+ 26  Ndien nyanam mbon oro ẹfiomode fi ẹta obụkidem mmọ; iyịp mmọ ayanam mmọ nte n̄kpọ eke mmọ ẹn̄wọn̄de edinem wine. Ndien kpukpru obụkidem ẹyefiọk ẹte ke ami Jehovah+ ndi Andinyan̄a+ fi ye Andifak+ fi, kpa Ọkpọsọn̄ Abasi Jacob.”+

Mme Ikọ Idakisọn̄