Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 47;1-15

47  Sụhọde tie ke ntọn̄,+ O eyenan̄wan Babylon.*+ Sụhọde tie ke isọn̄ ke ebiet emi ebekpo+ mîdụhe, O eyenan̄wan Chaldea.+ Koro mme owo idikotke fi aba enye emi mîsọn̄ke idem ye enye emi ẹdekde-dek.+  Da itiat ukọkn̄kpọ+ kọk ndomuyo. Fụhọde ufụhọn̄kpọ fo.+ Sio nduọ nduọ isọn̄ọfọn̄.+ Fụhọde ukot.+ San̄a be mme akpa.  Afo enyene ndifụhọde iferi fo.+ N̄ko, ẹnyene ndikụt esuene fo.+ Nyosio usiene,+ ndinyụn̄ nsoboke ye owo ekededi ke mfọnido.  “Odu Enye emi afakde nnyịn.+ Enyịn̄+ esie edi Jehovah mme udịm, kpa Edisana Abasi Israel.”+  Sụhọde tie ke ndopuyo+ nyụn̄ dụk di ekịm,+ O eyenan̄wan Chaldea;+ koro owo idikotke fi aba Ekaufọk+ mme Obio Ubọn̄.+  Mma nyat esịt ye ikọt mi.+ Mma nsabade udeme mi,+ nnyụn̄ nyak mmọ nsịn fi ke ubọk.+ Afo ukûtuaha mmọ mbọm.+ Afo ama anam ọkpọnọ fo odobi etieti ọnọ akani eren.+  Ndien afo osụk ọdọhọ ete: “Ami ndidi Ekaufọk+ ke nsinsi nsinsi.” Afo ukûsịnke mme n̄kpọ emi ke esịt fo; ukunyụn̄ utịghi utịt n̄kpọ emi.+  Ndien kop emi, afo n̄wan emi amade udia-uwem, emi etiede ke ifụre,+ enye emi ọdọhọde ke esịt esie ete: “Ami-ami-ndu, owo en̄wen idụhe.+ Nditiehe nte ebeakpa, ndinyụn̄ mfiọkke nte etiede ndinana nditọ.”+  Edi n̄kpọ iba emi ẹyesịm fi ke mbuari, ke usen kiet:+ unana nditọ ye itie ebeakpa. Mmọ ẹyesịm fi ke ọyọhọ udomo,+ ke ntak uwak idiọn̄ fo, ye ke ntak ọyọhọ odudu nduọhọ fo—ebe ubọk.+ 10  Ndien afo ọbuọt idem ke idiọkn̄kpọ fo.+ Afo ọdọhọ ete: “Idụhe owo eke okụtde mi.”+ Ọniọn̄ ye ifiọk+ fo—emi anam fi awaha ọkpọn̄ usụn̄; afo onyụn̄ osụk ọdọhọ ke esịt fo ete: “Ami-ami-ndu, baba owo kiet efen idụhe.” 11  Ndien afanikọn̄ eyesịm fi; afo udufiọkke nduọhọ eke akpande enye. Nnanenyịn oyonyụn̄ esịm fi;+ afo udukemeke ndiwọn̄ọde enye mfep. Ndien nsobo emi afo mûkam ufiọkke eyesịm fi ke mbuari.+ 12  Tuak da ke emi, ye nduọhọ fo ye uwak idiọn̄ fo,+ emi afo akpade utom ke esịt toto ke uyen fo; eyedi afo eyekeme ndibọ ufọn, eyedi afo eyekeme ndinam mme owo ẹkop ndịk. 13  Uwak mbon item fo ẹmesịn fi akpa mba. Yak mmọ ẹdaha ẹda ke emi ẹnyụn̄ ẹnyan̄a fi, mme andituak ibuot nnọ ikpaenyọn̄, mme ese ntantaọfiọn̄,+ mbon oro ẹnọde ifiọk ke ini obufa ọfiọn̄ ọwọrọde ẹban̄a mme n̄kpọ oro ẹdisịmde fi. 14  Sese! Mmọ ẹmekabade ẹtie nte nnyanyan̄a.+ Ikan̄ ayata mmọ.+ Mmọ idinyan̄ake ukpọn̄+ mmọ isio ke odudu edemeikan̄.+ Ikan̄ ukan̄ ididụhe se mme owo ẹwebede, un̄wana ikan̄ ididụhe ke iso ndisụhọde ntie. 15  Ntem ke mmọ ẹdikabade ẹtie ye afo, kpa mbon oro afo akakpade utom ọnọ nte mme ọkọk-nduọhọ fo,+ toto ke uyen fo. Mmọ ẹyeyo, owo mmọ kiet kiet, ẹka edem mmọ. Baba owo kiet ididụhe ndinyan̄a fi.+

Mme Ikọ Idakisọn̄

At. Ed., “eyenan̄wan emi mîfiọkke erenowo.”