Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 46;1-13

46  Bel+ omonụhọ,+ Nebo ke otụhọ; ẹmeda mme mbiet+ mmọ ẹnọ mme unam ikọt ye mme ufene, mbiomo mmọ ye n̄kpoduoho mmọ ẹmenyụn̄ ẹdi mbiomo ẹnọ mme unam oro ẹkpade mba.  Mmọ ẹyetụhọ; mmọ kiet kiet ẹyenụhọ; mmọ ikemeke ndinyan̄a mbiet mmọ,+ edi ukpọn̄ mmọ ayaka ntan̄mfep.+  “Ẹkpan̄ utọn̄ ẹnọ mi, O ufọk Jacob, ye kpukpru mbufo nsụhọ ufọk Israel,+ mbufo emi n̄kobiomde toto ke idịbi, mbon emi n̄kemende n̄kama toto ke itie eyen.+  Idem tutu esịm ini emi owo ọsọn̄de ami nsụk ndi Enye;+ ami nyobiom enye tutu esịm ini iwat esie.+ Ami nyanam n̄kpọ,+ man n̄kpemen n̄kama, n̄kponyụn̄ mbiom nnyụn̄ nnyan̄a.+  “Mbufo ẹdidọhọ ke ami mbiet anie,+ ẹdinam mi ndi ukem ye anie mîdịghe ẹdimen mi ẹdomo ye anie man nnyịn ibiet kiet eken?+  Odu mmọ emi ẹn̄wan̄ade gold barasuene ke ekpat, ẹnyụn̄ ẹdade udomon̄kpọ ẹdomo silver. Mmọ ẹkpe odomutịm, ndien enye ada enye odom abasi.+ Mmọ ẹduọ ke isọn̄ ke iso esie, ih, ẹnụhọ ẹnọ enye.+  Mmọ ẹmen enye ke afara,+ ẹbiom enye ẹkenịm ke itie esie man enye akpada do. Enye idahake ikpọn̄ ebiet oro enye adade.+ Owo akam ofiori okot enye, edi enye iyereke; enye inyan̄ake owo isio ke nnanenyịn esie.+  “Mbufo ẹti emi man ẹkpenyene uko. Mbufo mme abiatibet+ ẹsịn emi ke esịt.+  Ẹti mme akpa n̄kpọ eke eset+ nte ke ami ndi Abasi+ ndien Abasi efen idụhe,+ baba kiet inyụn̄ ibietke mi;+ 10  Enye emi etịn̄de akpatre ke ntọn̄ọ,+ ndien ke eset enye etịn̄ mme n̄kpọ oro owo mînamke;+ Enye emi ọdọhọde ete, ‘Uduak mi ọyọsọn̄ọ ada,+ ndien nyanam kpukpru se mmade’;+ 11  Enye emi okotde inuen utaokpo oto edem usiahautịn edi,+ onyụn̄ okotde owo oto anyan idụt edi man edinam uduak mi.+ Ami mmetịn̄ uduak mi; nyonyụn̄ nda enye ndi.+ Ami mmobot enye, nyonyụn̄ nnam enye.+ 12  “Ẹkpan̄ utọn̄ ẹnọ mi, mbufo mbon itụn+ ye mbufo emi ẹdade nsannsan ẹkpọn̄ edinen ido.+ 13  Mmada edinen ido mi nsan̄a n̄kpere.+ Enye iyomke usụn̄,+ edinyan̄a mi idinyụn̄ ibịghike ndidi.+ Ami nyonyụn̄ nnọ edinyan̄a ke Zion, nnọ Israel uyai mi.”+

Mme Ikọ Idakisọn̄