Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 44;1-28

44  “Ke emi, kop O Jacob asan̄autom mi,+ ye afo O Israel, emi mmekde.+  Ntem ke Jehovah Andinam fi+ ye Andibot fi,+ emi akan̄wamde fi toto ke idịbi,+ ọdọhọ ete, ‘Kûfehe ndịk,+ O Jacob asan̄autom mi, ye afo Jeshurun,+ emi mmekde.  Koro nyọnọ owo oro itọn̄ asatde+ mmọn̄ ọn̄wọn̄, nnyụn̄ nnam ediwak idịm ẹwet ke edisat ebiet.+ Nyan̄wan̄a spirit mi nduọk mfri fo,+ nnyụn̄ n̄n̄wan̄a edidiọn̄ mi nduọk nditọ fo.  Ndien mmọ ẹyetịbe nte awawa mbiet,+ kpa nte mme eto poplar+ ke mben ediwak udiọn̄ mmọn̄.  Enye emi ọyọdọhọ ete: “Ami nnyene Jehovah.”+ Ndien enye eken ayada enyịn̄ Jacob osio idemesie,+ owo en̄wen oyonyụn̄ ewet ke ubọk esie ete: “Enyene Jehovah.” Ndien owo eyekere enyịn̄ adian Israel.’+  “Ntem ke Jehovah, Edidem Israel+ ye Andifak enye,+ Jehovah mme udịm, ọdọhọ ete, ‘Ami ndi akpa, ami nnyụn̄ ndi akpatre,+ Abasi efen idụhe ke ẹsiode mi ẹfep.+  Ndien anie odu oro ebietde mi?+ Yak enye ofiori okot, man enye ekpetịn̄ emi onyụn̄ owụt mi n̄kpọ emi.+ Yak mmọ ẹtịn̄ mme n̄kpọ emi ẹdide ye mme n̄kpọ oro ẹditịbede, kpa nte n̄kanamde ke ini oro n̄kemekde mme owo ke eset.+  Mbufo ẹkûfehe ndịk, ẹkûnyụn̄ ẹyak idem enyek mbufo.+ Nte ami n̄kanamke mbufo owo kiet kiet ẹkop nnyụn̄ ntịn̄ke enye toto ke ini oro?+ Mbufo ẹnyụn̄ ẹdi mme ntiense mi.+ Nte Abasi odu ke ẹsiode mi ẹfep?+ Baba-o, ndomo Akwa Itiat+ kiet idụhe. Mfiọkke ndomokiet.’”  Kpukpru mme andinam edisọi mbiet ẹdi ikpîkpu,+ se mmọ ẹmade idinyụn̄ inyeneke ufọn inọ mmọ;+ ndien amaedi mme ntiense mmọ, mmọ ikwe n̄kpọ ndomokiet inyụn̄ ifiọkke n̄kpọ ndomokiet,+ man mmọ ẹkpedia bụt.+ 10  Anie obot abasi m̀mê anam editara mbiet?+ Enye inyeneke ufọn ndomokiet.+ 11  Sese! Bụt ayanam kpukpru mme nsan̄a esie,+ mme anamutom usọ ẹdi mme owo. Kpukpru mmọ ẹyesop idem ọtọkiet.+ Mmọ ẹyetuak ẹda. Mmọ ẹyekop ndịk. Bụt ayanam mmọ kpa ke ukem ini oro.+ 12  Amaedi odomutịm emi adade ekpri ekụri ọsọi ukwak, enye esịn ifịk ọfọp enye ke ikan̄ ukan̄; ndien enye ada hammer ọtọn̄ọ ndidom enye, onyụn̄ esịn idem ada ọkpọsọn̄ ubọk esie odom enye.+ N̄ko, enye okop biọn̄, ke ntre inyeneke odudu. Enye in̄wọn̄ke mmọn̄; ntre enye akpa mba. 13  Amaedi akap-eto, enye anyanade urụk udomon̄kpọ; enye ada ndatndat ndom odụri udịm ke enye; ada ukwọhọde-eto ọkwọhọde enye; ada compass odụri udịm ke enye, ndien sụn̄sụn̄ enye anam enye ke mbiet owo,+ nte uyai ubonowo, man odu ke ufọk.+ 14  Odu enye emi utom esie edide ndikek cedar; ndien enye emek orụk eto kiet, akamba eto, onyụn̄ ayak enye ada ọsọn̄ ke otu mme eto akai+ man ada anam n̄kpọ. Enye ọtọ eto laurel, edịm oro edepde onyụn̄ anam enye ọkọri okpon. 15  Ndien enye akabade edi se owo adade abara ikan̄. Ntre enye ada ubak esie abara ikan̄ ewebe. Enye abara ikan̄ onyụn̄ asan̄ uyo. Enye anam abasi n̄ko man okponụhọ ọnọ.+ Enye anam enye akabade edi edisọi mbiet,+ onyụn̄ ọduọ ke isọn̄ ọnọ enye. 16  Enye ọfọp ubak esie ke ikan̄. Ada ubak esie ọfọp unam oro enye atade, onyụn̄ oyụhọ. Enye ewebe ikan̄ n̄ko onyụn̄ ọdọhọ ete: “Aha! Mmewebe ikan̄. Mmokụt un̄wana ikan̄.” 17  Edi enye ada ubak eke osụhọde anam abasi, anam edisọi mbiet ọnọ idemesie. Enye ọduọ ke isọn̄ ke iso esie onyụn̄ onụhọ ọnọ enye, ọbọn̄ akam ọnọ enye onyụn̄ ọdọhọ ete: “Nyan̄a mi, koro afo edide abasi mi.”+ 18  Mmọ ifiọkke+ inyụn̄ idiọn̄ọke,+ koro ẹmesịri mmọ enyịn mbak mmọ ẹdikụt usụn̄,+ ẹnyụn̄ ẹsịri esịt mmọ mbak mmọ ẹdinyene ikike.+ 19  Ndien owo ndomokiet itịghi ke esịt esie,+ m̀mê ndinyene ifiọk m̀mê ndidiọn̄ọ+ nnyụn̄ ndọhọ nte: “Mmọfọp ubak esie ke ikan̄, nnyụn̄ nda ukan̄ esie nsan̄ uyo; nda mfọp unam nta. Edi nte n̄kpada ubak eken oro osụhọde nnam mbubiam n̄kpọ?+ Nte n̄kpọduọ ke isọn̄ nnọ nsat eto?” 20  Enye adia ntọn̄.+ Esịt esie oro ẹbian̄ade omotụn enye usụn̄.+ Ndien enye inyan̄ake ukpọn̄ esie inyụn̄ idọhọke ite: “Nte nsu idụhe mi ke ubọk nnasia?”+ 21  “Ti mme n̄kpọ emi, O Jacob,+ ye afo O Israel, koro afo edi asan̄autom mi.+ Mmobot fi.+ Afo edi asan̄autom oro ami nnyenede. O Israel, ami ndifreke fi.+ 22  Ami nyọsọhi mme ndudue fo mfep nte n̄kpọ eke ndade obubịt enyọn̄ mfụk+ nnyụn̄ nsọhi mme idiọkn̄kpọ fo mfep nte n̄kpọ eke ndade obubịt enyọn̄ mfụk. Fiak tiene mi,+ koro ami nyafak fi.+ 23  “Mbufo mme heaven,+ ẹsio n̄kpo idara, koro Jehovah anamde n̄kpọ!+ Mbufo mme ata usụhọde ebiet isọn̄+ ẹsio n̄kpo edikan!+ Mbufo mme obot+ ẹdat esịt, ẹsio n̄kpo idara, afo akai ye mbufo kpukpru eto oro ẹdude ke esịt! Koro Jehovah amafak Jacob, omonyụn̄ owụt Israel uyai esie.”+ 24  Ntem ke Jehovah, Andifak+ fi ye Andibot fi nsio ke idịbi, ọdọhọ ete: “Ami Jehovah nnam kpukpru n̄kpọ, ami ke idemmi nnyanade ikpaenyọn̄+ nnịm, nnyụn̄ mbri isọn̄.+ Anie okodu ye ami? 25  Ami mbiat mme idiọn̄ọ mme etịn̄ ikpîkpu ikọ, ami nnyụn̄ ndi Enye emi anamde mbiaidiọn̄ ẹnam n̄kpọ nte idat;+ Enye emi etịmerede mbon ọniọn̄, ye Enye emi anamde ifiọk mmọ akabade ndisịme;+ 26  Enye emi anamde ikọ asan̄autom esie osu, Enye emi anamde uduak mme isụn̄utom esie ofụri ofụri;+ Enye emi ọdọhọde aban̄a Jerusalem ete, ‘Ẹyedụn̄ ke enye,’+ onyụn̄ ọdọhọde aban̄a mme obio Judah ete, ‘Ẹyefiak ẹbọp mmọ,+ ami nyonyụn̄ mbọp mme ndon esie’;+ 27  Enye emi ọdọhọde udem ete, ‘Sat; nyonyụn̄ nnam kpukpru mme akpa fo ẹsat’;+ 28  Enye emi ọdọhọde aban̄a Cyrus+ ete, ‘Enye edi ekpemerọn̄ mi, enye oyonyụn̄ anam kpukpru se ami mmade ọyọhọ ọyọhọ’;+ ọkọrọ ye ikọ mi emi ndọhọde mban̄a Jerusalem nte, ‘Ẹyefiak ẹbọp enye,’ ye temple esie nte, ‘Ẹyesịn itiat idakisọn̄ fo.’”+

Mme Ikọ Idakisọn̄