Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 43;1-28

43  Mmọdo ntem ke Jehovah, Andibot+ fi, O Jacob, ye Andinam+ fi, O Israel, ọdọhọ ete: “Kûfehe ndịk, koro mmafak fi.+ Mmokot fi ke enyịn̄ fo.+ Afo edi okịm.+  Edieke afo edisan̄ade ke mmọn̄ ebe,+ nyodu ye afo;+ ndien edieke edisan̄ade ke mme akpa ebe, mmọ iditọhọ ifụk fi.+ Edieke afo edisan̄ade ke ikan̄ ebe, enye iditaha fi, edemeikan̄ idinyụn̄ ifrike fi.+  Koro ami ndi Jehovah Abasi fo, Edisana Abasi Israel, Andinyan̄a fi.+ Mmayak Egypt nnọ nte ufak ibuot fo,+ nyak Ethiopia+ ye Seba nnọ ke ibuot fo.  Sia afo ọsọn̄de urua ke enyịn mi,+ ẹbat ẹte afo omodot ukpono, ndien ami mmama fi.+ Ami nyonyụn̄ nnọ mme owo ke ibuot fo, ye mme idụt ke ibuot ukpọn̄ fo.+  “Kûfehe ndịk, koro ami ndude ye afo.+ Nyada mfri fo nto ke edem usiahautịn ndi, nyonyụn̄ ntan̄ fi ke edem usoputịn ndibon ọtọkiet.+  Nyọdọhọ edem edere+ nte, ‘Sana yak!’ nnyụn̄ ndọhọ edem usụk nte, ‘Kûmụm ukama. Da nditọiren mi to ke anyan ebiet di, nyụn̄ da nditọiban mi to ke utịt isọn̄ di,+  kpukpru owo emi ẹkerede enyịn̄ ẹdian mi,+ emi nnyụn̄ mbotde kaban̄a ubọn̄ mi,+ mbotde, ih, nnyụn̄ nnamde.’+  “Da mbon emi ẹdide nnan di okposụkedi emi mmọ ẹnyenede enyịn ye mbon emi ẹdide inan okposụkedi emi mmọ ẹnyenede utọn̄.+  Yak ẹtan̄ kpukpru mme idụt ẹbon ọtọkiet ke ebiet kiet, yak ẹnyụn̄ ẹtan̄ mme obio ẹbon ọtọkiet.+ Anie ke otu mmọ ekeme nditịn̄ emi?+ Mîdịghe nte mmọ ẹkeme ndinam nnyịn ikop mme akpa n̄kpọ emi ẹditịbede?+ Yak mmọ ẹda mme ntiense mmọ ẹdi,+ man ẹbat mmọ ke edinen, mîdịghe yak mmọ ẹkop ẹnyụn̄ ẹdọhọ ẹte, ‘Edi akpanikọ!’”+ 10  Jehovah ọdọhọ ete: “Mbufo ẹdi mme ntiense mi,+ kpa asan̄autom mi emi mmekde,+ man mbufo ẹfiọk+ ẹnyụn̄ ẹbuọt idem ye ami,+ man mbufo ẹnyụn̄ ẹdiọn̄ọ ẹte ke ami nsụk ndi Enye.+ Owo ikobotke baba Abasi kiet mbemiso ami,+ baba kiet inyụn̄ idụhe oro etienede mi edem.+ 11  Ami ndi Jehovah,+ ndien andinyan̄a efen idụhe ke ẹsiode mi ẹfep.”+ 12  “Ami n̄ketịn̄ nnyụn̄ nnyan̄a nnyụn̄ nnam ẹkop+ ke ini baba esen abasi kiet mîkodụhe ke otu mbufo.+ Ntre mbufo ẹdi mme ntiense mi,”+ uyo Jehovah edi emi, “ndien ami ndi Abasi.+ 13  N̄ko, kpukpru ini ami nsụk ndi Enye;+ inyụn̄ idụhe owo eke anyan̄ade osio mi ke ubọk.+ Ami nyanam n̄kpọ,+ ndien anie ekeme ndiwọn̄ọde enye mfep?”+ 14  Ntem ke Jehovah, Andifak mbufo,+ kpa Edisana Abasi Israel,+ ọdọhọ ete: “Ami nyọdọn̄ mmọ ẹka Babylon ke ntak mbufo, nnyụn̄ nnam mme ukwak usịnusụn̄ ufọk-n̄kpọkọbi ẹsụhọde,+ nnyụn̄ nnam mbon Chaldea emi ẹdude ke mme nsụn̄ikan̄ ẹsụhọde ye n̄kpo eyet.+ 15  Ami ndi Jehovah, Edisana Abasi mbufo,+ Andibot Israel,+ Edidem mbufo.”+ 16  Ntem ke Jehovah ọdọhọ, kpa Enye emi asiakde usụn̄ ke inyan̄ onyụn̄ asiakde ọkpọusụn̄ ke n̄kpọsọn̄ mmọn̄,+ 17  Enye emi adade chariot ekọn̄ ye enan̄-mbakara, udịmekọn̄ ye n̄kpọsọn̄ owo edi n̄ko:+ “Mmọ ẹyesụhọde ẹna.+ Mmọ ididahake ida.+ Mmọ ẹyenịme.+ Ẹyenịme mmọ nte ọfọn̄ utuenikan̄.”+ 18  “Mbufo ẹkûti aba mme akpa n̄kpọ, ẹkûnyụn̄ ẹkere mme n̄kpọ oro ẹkebemde iso ẹtịbe. 19  Sese! Ami ke nnam obufa n̄kpọ.+ Enye eyetịbe ke emi. Nte mbufo idifiọkke enye?+ Ke akpanikọ, nyasiak usụn̄ ke wilderness,+ nnyụn̄ nnam mme akpa mmọn̄ ẹbe ke desat.+ 20  Unam ikọt ọyọnọ mi ubọn̄,+ mme jackal ye mme ostrich;+ koro nyanam mmọn̄ odu ke wilderness, mme akpa ẹyenyụn̄ ẹdu ke desat,+ man ikọt mi emi mmekde+ ẹn̄wọn̄, 21  kpa mbon oro mbotde nnọ idemmi, man mmọ ẹkpebụk itoro mi.+ 22  “Edi afo, O Jacob, usemeke ukot mi,+ koro ami mfekde fi, O Israel.+ 23  Afo udaha erọn̄ ofụri edifọp uwa fo usọk mi, unyụn̄ udaha mme uwa fo unọ mi ubọn̄.+ Ami nnyịkke-nyịk fi ada enọ anam n̄kpọ ọnọ mi, nnyụn̄ mfekke fi ke ndiyom frankincense.+ 24  Afo udaha okụk ndomokiet udep inịn̄e-inịn̄e cane+ unọ mi; unyụn̄ uyụhọke mi ye ikpọn̄ uwa fo.+ Ke akpanikọ afo emenyịk mi nnam n̄kpọ ke ntak mme idiọkn̄kpọ fo; afo amada mme ndudue fo efek mi.+ 25  “Ami ndi Enye emi ọsọhide+ mme ndudue+ fo efep ke ntak mi,+ ndinyụn̄ ntịghi+ mme idiọkn̄kpọ fo. 26  Ti mi; yak ika ikpe;+ tịn̄ se afo enyenede nditịn̄ mban̄a ikpe emi man owụt ke emenen.+ 27  Ete fo, kpa akpa ete fo, amanam idiọkn̄kpọ,+ mmọ emi ẹtịn̄de ikọ ke ibuot fo ẹmedue mi.+ 28  Ntre nyasabade mbọn̄ edisana ebiet, nyonyụn̄ nyak Jacob nnọ nte owo emi ẹyakde ẹnọ nsobo nnyụn̄ nyak Israel nnọ ikọ isụn̄i.+

Mme Ikọ Idakisọn̄