Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Isaiah 41;1-29

41  “Mbufo mme isuo+ ẹdop uyo ẹkop se ntịn̄de; ndien yak mme idụt+ ẹfiak ẹkop odudu. Yak mmọ ẹsan̄a ẹkpere.+ Adan̄aoro yak mmọ ẹtịn̄ ikọ. Ẹyak nnyịn isan̄a ikpere ọtọkiet kaban̄a ikpe.+  “Anie edemede owo ke edem usiahautịn?+ Anie akada edinen ido okot enye ete edi ke ukot Esie, man ayak mme idụt ọnọ ke iso esie, onyụn̄ anam enye aka akakan ndidem?+ Anie akada mmọ ọnọ akan̄kan̄ ete ẹsuan mmọ nte ntan, anamde ẹda utịgha esie ẹsuan mmọ nte mbio?+  Anie ekebịne mmọ, anie okonyụn̄ asan̄a emem emem ke ikpat esie ebe usụn̄ oro enye mîkasan̄ake idi?  Anie anam mme n̄kpọ+ onyụn̄ anam emi, okotde mme emana toto ke editọn̄ọ?+ “Ami, Jehovah, Enye emi edide Akpa;+ ndien ye mme ekperedem ami n̄kpụhọkede.”+  Mme isuo+ ẹma ẹkụt ẹnyụn̄ ẹkop ndịk.+ Mme ata utịt isọn̄ ẹnyụn̄ ẹnyek. Mmọ ẹsan̄a ẹkpere ẹnyụn̄ ẹdi.  Mmọ kiet kiet ẹn̄wam nsan̄a mmọ, owo onyụn̄ ọdọhọ eyenete esie ete: “Sọn̄ idem.”+  Ntre anamutom usọ ọsọn̄ọ odomutịm+ idem; andida hammer udomutịm nnam n̄kpọ ọdọnọ ọsọn̄ọ andida hammer nyịbi itiatutịm idem, ọdọhọde aban̄a se ẹdade n̄ket ẹdian ete: “Enye ọfọn.” Ke akpatre owo ada okpukwak ọkọn̄ enye adian mbak edisehede.+  “Edi afo, O Israel, edi asan̄autom mi,+ afo, O Jacob, emi mmekde,+ mfri Abraham+ ufan+ mi;  afo emi mmụmde ubọk nto mme utịt isọn̄ ndi,+ afo emi n̄kotde oto nsannsan ikpehe isọn̄ edi.+ Ndien ami ndọhọ fi nte, ‘Afo edi asan̄autom mi;+ ami mmemek fi,+ nnyụn̄ nsịnke fi.+ 10  Kûkop ndịk, koro ami ndude ye afo.+ Kûwụk enyịn use, koro ami ndide Abasi fo.+ Ami nyọsọn̄ọ fi idem.+ Ami nditreke ndin̄wam fi.+ Ami nditreke ndida ubọk nnasia+ edinen ido mi nsọn̄ọ mmụm fi n̄kama.’+ 11  “Sese! Kpukpru mbon oro ẹyatde esịt ye afo ẹyedia bụt ye esuene.+ Mbon oro ẹtọhọde utọk ye afo ẹyekabade ẹdi ikpîkpu ẹnyụn̄ ẹtak.+ 12  Afo oyoyom mbon oro ẹn̄wanade ye afo, edi udukwe mmọ.+ Mbon oro ẹn̄wanade ekọn̄ ye afo ẹyekabade ẹtie nte n̄kpọ oro mîdụhe ye nte ikpîkpu n̄kpọ.+ 13  Koro ami Jehovah Abasi fo mmụm fi ubọk nnasia,+ Enye emi ọdọhọde fi ete, ‘Kûfehe ndịk.+ Ami nyan̄wam fi.’+ 14  “Kûfehe ndịk, afo Jacob emi edide utụn̄,+ mbufo mbon Israel.+ Ami nyan̄wam fi,” uyo Jehovah edi emi, Andifak+ fi, kpa Edisana Abasi Israel. 15  “Sese! Mmanam fi edi n̄kpọ udịghi+ wheat, obufa n̄kpọ udịghi wheat emi enyenede edet. Afo eyedịghi ikpọ obot onyụn̄ anuak mmọ; afo oyonyụn̄ anam n̄kpri obot ẹtie nte mbio.+ 16  Afo ayasak+ mmọ, ofụm oyonyụn̄ emen+ mmọ efep, ọkpọsọn̄ ofụm ayasuan mmọ ọdọn̄ ke nsio nsio ebiet.+ Afo ayadat esịt ke Jehovah.+ Afo oyobụre mbụre ke Edisana Abasi Israel aban̄a idemfo.”+ 17  “Mbon ukụt ye mme ubuene ke ẹyom mmọn̄,+ edi mmọn̄ ndomokiet idụhe. Edeme mmọ amasat+ ke ntak nsatitọn̄.+ Ami Jehovah nyeyere mmọ.+ Ami, kpa Abasi Israel, ndikpọn̄ke mmọ.+ 18  Nyanam akpa mmọn̄ asiaha ke enyọn̄ n̄kpri obot, idịm oyonyụn̄ asiaha ke ufọt unaisọn̄ itịghede.+ Nyanam wilderness akabade n̄kpọdiọhọ mmọn̄, nnyụn̄ nnam edisat isọn̄ akabade edi ebiet emi mmọn̄ asiahade.+ 19  Nyanam eto cedar ye eto acacia ye eto myrtle ye eto aran ẹtịbe ke wilderness.+ Nyanam eto juniper ye eto ash ye eto cypress n̄ko ẹtịbe ke unaisọn̄ desat;+ 20  man mme owo ẹkụt ẹnyụn̄ ẹfiọk ẹnyụn̄ ẹkop ẹnyụn̄ ẹnyene ikike, nte ke ubọk Jehovah anam n̄kpọ emi, ye nte ke Edisana Abasi Israel obot enye.”+ 21  “Ẹda ikọ mbufo ẹdi,”+ Jehovah ọdọhọ. “Ẹtịn̄ se mbufo ẹnyenede ndida nsọn̄ọ ikọ mbufo,”+ ntem ke enye emi edide Edidem ọnọ Jacob ọdọhọ.+ 22  “Ẹnam ẹnyụn̄ ẹsian nnyịn mme n̄kpọ oro ẹditịbede. Ẹsian nnyịn mme akpa n̄kpọ oro ẹketịbede, man nnyịn itịm ikere inyụn̄ ifiọk se iditịbede inọ mmọ ke ini iso. Mîdịghe ẹnam nnyịn ikop mme n̄kpọ oro ẹdidide.+ 23  Ẹtịn̄ mme n̄kpọ oro ẹditịbede ke ukperedem, man nnyịn ifiọk ke mbufo ẹdi mme abasi.+ Ih, mbufo ẹnyene ndinam se ifọnde mîdịghe ẹnam se idiọkde, man nnyịn ikpowụk enyịn ise inyụn̄ ikụt enye.+ 24  Sese! Mbufo ẹdi n̄kpọ eke mîdụhe, utom mbufo onyụn̄ edi ikpîkpu.+ Owo ekededi oro emekde mbufo edi mbubiam.+ 25  “Mmedemede owo ke edem edere, ndien enye eyedi.+ Enye eyetie ke edem usiahautịn+ okot enyịn̄ mi. Ndien enye eyedịghi mme udiana andikara nte n̄kpọ eke mmọ ẹdide mbateso,+ kpa nte oboteso edịghide mbateso. 26  “Anie etịn̄ n̄kpọ ekededi toto ke editọn̄ọ, man nnyịn ifiọk, m̀mê etịn̄ toto ke eset, man nnyịn idọhọ ite, ‘Enye enen’?+ Ke akpanikọ idụhe baba owo kiet eke etịn̄de. Ke akpanikọ idụhe baba owo kiet eke anamde owo okop. Ke akpanikọ idụhe baba owo kiet eke okopde ikọ ekededi oro mbufo ẹtịn̄de.”+ 27  Odu enye emi edide akpa, emi ọdọhọde Zion ete: “Sese! Mmọ ẹdu mi!”+ onyụn̄ ọdọhọde Jerusalem ete ami nyọnọ andida eti mbụk ndi.+ 28  Ami nnyụn̄ nse, ndien baba owo kiet idụhe; baba owo kiet eke ọnọde item inyụn̄ idụhe+ ke otu mmọ emi. Ndien ami n̄ka iso mbụp mmọ man mmọ ẹkpenọ ibọrọ. 29  Sese! Kpukpru mmọ ẹdi n̄kpọ eke mîdụhe. Mme utom mmọ ẹdi ikpîkpu. Mme editara mbiet mmọ ẹdi ofụm ye n̄kpọ eke mîdụhe.+

Mme Ikọ Idakisọn̄